PONGWANG LAIPEX 22:1 - OTSAO BAIBEL (BSI)

¹ Ifüima alüile chingo homtoxle Zang-e Abraham to thwontsing; chixe Abraham nyak: “Abraham a!” Ilaxle Abraham-e lan: “Ui, ku ikhama tüile!”

PONGWANG LAIPEX 22:1 ပူးပေါင်းရင်းမြစ်များ

IBRI 11:17

Zange chix thwontsingkya zuma, mongong makhange Abrahame sasün Isak tö kox. Abraham a Zange tsaosax daokya mixsün tuita changkya, ikoxlechu chixe sasün tuita wüi tüikya Zang ang tö kox ang achwon.

TSAITONG-KAXTONG 8:2

Jowanpa hünzom Zang-e hünzom zanglao punyi mong ma sak-hax faonu akaile chemle azuile apüipuix; hünzom mongjang awan ang tamtampong chixe sikngün apong ang tom, imakhange, hünzome chix kax ma laxle chitüi hia tüi ija awanle lax.

1 PITAR 1:7

Ibu a nang mongong ojing tomtata changle le aho angkya hanpakma changle. Ma ang tho angkya hun tangtang ngaxchu wün füi wanle anole; ilailaile nang mongong oja hun füi thanu achongkya hex, Ija a adukya alai angkya kuxma, wan angkya jaojao changle. Ile changkoxtix Jisu Khrista ngaikya nyix nange achuak achenkya, fuazangkya üntoxle chathua zakya kopüi.

JAKOP 2:21

Kem hopu Abraham Zang zongto sukya ang chemle achang? Ija a zomtong ma, sasün Isak tö koxkya chix mwot makhange changle.

1 KORIN 10:13

Nok hato chihüikya thwontsing nang tata hato ahuakle tüma hüi. Zang to mongao angkya müntüi, ilaxle nang ma tüikya zong tok to tsakkya thwontsing chixe otuechu hüi ang münfa, ikoxle nang to thwonle anokya zuma, chixe nang ang adu tsuak angkya zong faüi, ilaxle paole azang angkya olom daple koxüi.

WANWÜNKAX 17:3

Hun hia khopbu a wün füi wanle anopu, ilaxle khünaksa kün-mong a Jowanpae wanpu.

TSAITONG-KAXTONG 8:16

Sak-hax to, hünpu-hünpa hwome ngaxchu saxle ma-anokya mana süt chixe hünzom ang asütpu. Chixe hünzom ang müikya mohiman koxle ashuk angle, hünzom to thwontsingle, hünzom hato sikngünbu chu apüile fapu.

LAIPAO 3:4

Chemtue chix ija to hu ang azyemle zapuix, Jowanpae ngünle lax ilaxle ija fumkho ma chuale ngokya wünle makhange Zang-e chix nyak: “Mosa! Mosa!” Chixe lan: “Ku ikhama tüile!”

PONGWANG LAIPEX 22:11

Ikoxle Jowanpa kaxtaimixe zangkho tokhange nyakle thüi: “Abraham, Abraham!” Chixe lanle thüi: “Ui, ku ikhama tüile.”

PONGWANG LAIPEX 22:7

Isak-e okax wangle “Apa!”, le nyak. “Ui! Chem ku sa?”, le hopae lan. Isak-e atüi: “Nang ma ha hia wün a tüi, ikoxle tö kox angkya hanpakma chun hosa ang ojongto tüi?”

ISAIA 6:8

Ifüima kue Jowanpa kax atat: “Kue opupu apaüi? Kem kaxhomix ang owa changüi?” Kue lan: “Ku paoüi! Ku tomfa!”

2 PUKAX-PANGAO 32:31

Babilon nok alixachong tuita, ija haxtok ma khomtsikyabu apongle hüidaokyabu bama opaktikle lax ang nguipongma chu, chix chemningkya mix hex, ija awanle kop angkya hanpakma Zang-e Hezekiah-e a chix mongmong ma danle ano.

LAIPAO 16:4

Jowanpae Mosa ang thüi: “Athax kue hünzom pangnu hanpak ang süt zangwat ningle ding to khange düt ang tomüi. Khünaknue paolaxle nyixfole ija nyix saxtangtangle tswonle athünüi. Ija ningle hwome ku kaxtombu kax ma laxle changcha ang wanle anoüi.

TSAITONG-KAXTONG 13:3

chix zangwün to natha angkya oli münchang. Jowanpa hünzom Zang-e chix a hünzom to thwontsing ang, hünzome chix to mongpak-fünthole mongkünkya changchale awan ang twonwüi.

KAXFÜNPA-HWOM 2:22

Israel noke pupa hwom lailaile kax ma laxle ku lomtang ma chile hia leüihex, ija awanle lax angkya hanpakma kue hwom twonüi.”

2 SAMUEL 24:1

Mama tukechu Jowanpa ang Israel nok füi mongtsik, ilaxle chixe Dawid makhange hwom hato tingtui apüi angkya tsan. Jowanpae chix ang thüi: “Paolax üntoxle Israel hia Judah angkya khünak huak akiakle changkox.”

MÜNCHUAK-TSAI 11:5

Chixe chimüikya hia müikya khünak pangnu to tomwüi wanle anole; wanlom fang ma chingo tsuakkyabu to chixe mong makhange jao anule.

PONGWANG LAIPEX 15:1

Ifüima Abram-e miksho ma tütali mikngünohün ngün üntoxle Jowanpae chix füi ile akaxkya atat: “Abram, nang ojao taxza chemthüikoxle kue nang to o-le thomüi tamchu hingho chongkya koxüi.”

PONGWANG LAIPEX 21:11

Ijae Abraham mong huanuma aduk-athang ang tom, chemthüikoxle Ishmael chuwüi chix sasün changpu.

PONGWANG LAIPEX 37:13

Jakop-e Jusep ang thüi: “Nangpi Shekem to. Hüntüi-hünnao hwome chunbu nyele ngokya khato tamkakox.” Jusep-e lan: “Kaüia.”

PONGWANG LAIPEX 46:2

Zang-e ajaning wünmang chito chix nyakle chix füi akax: “Jakop! Jakop!” Chixe lan: “Ui, ku ikhama tüile!”

1 SAMUEL 3:4

Jowanpae Samuel nyak. Chixe lan: “Alixachong, ku ikhama tüile!”