PONGWANG LAIPEX 2:7 - OTSAO BAIBEL (BSI)

⁷ Ifüima Jowanpae hax ilaxle ija makhange khünak tuita zingle alai; chixe ija to nakua ma khüzün zakdün mütle kox sheme ija khünak ozün ang achang.

PONGWANG LAIPEX 2:7 ပူးပေါင်းရင်းမြစ်များ

1 KORIN 15:45

Chemthüikoxle Otsao Lai-e thüile: “Pongwang angkya Adam a ozün ma ngokya tuita ang zingle alai; ikoxle oshuk angkya Adam a khüzün koxkya chasa tsün tuita ang changle”.

JOB LAIPEX 33:4

Ku a Zang chasa füi zing ilaxle khüzün fale thompu.

HWON-NWOT-JAONO 12:7

Kem tsangtsa a chaxwan angkya haxbu ang achangle chatdaoüi, ilaxle khüzün zakdün a kem ang ija koxkya Zang hato chatdaoüi.

ISAIA 64:8

Ikoxlechu Jowanpa, nang a kwom hopa changpu. Kwom komhax thatha, ilaxle nang a tikjaomix changpu. Kwom a nang chakzing,

WANGSHEMBU MWOT 17:25

Chix hanpakma moklaxle khünake chix ang koxkya lax angkya chix hanpakma mwotjao müntüi; chemthüikoxle khünak mixsa hia zünmoknüsa ang ozün hia zaksyet ang koxkya a chix tix changle.

1 KORIN 15:47

Pongwang angkya Adam a, hax makhange zingkya, haxwannu angkya; anyi lükya Adam a zangkangting tokya.

PONGWANG LAIPEX 3:19

Nang haxtok to chatle machat-machatle ma khangpong angkya zangmukti laile tix nange süt sax ang ataküi; ija makhange zingkya daile nang a hax changpu, ikhoma nang tamchatle hax towüi chatüi.”

JOB LAIPEX 27:3

Zang-e ku ang zakdün fakya kople,

PONGWANG LAIPEX 7:22

Chaxwannu tok ma zakdünle ngokya pangwüi zile pao.

ZEKARIA 12:1

Ija a Israel nok hanpakma Jowanpa tokhange kaxho tuita; Jowanpa owae zangding pünle akhaokya, chaxwannu zingle alaipuix, ilaxle khünak hanpakma tsün koxpuix. Chixe thüile:

MÜNCHUAK-TSAI 103:14

Kem chem füi zingpuix chixe awanle ngo; kem a haxbu changpule chixe awanle ngo.

MÜNCHUAK-TSAI 100:3

Jowanpa a Zang changpule awan ang laxkox. Chixe kem zingpu, ilaxle kem chix kux changpu; kem a chix khünaknu, kem a chix chunzyem changpu. B

ROM NOK HATO ZAKYA POL LAIZA 9:20

Ku zuikhui, Zang kax to anongle lan angkya mix nang a owa changlax? “Nange ku ile büthüikoxle zingpu?”, le hax tikkuxe jaopupa füi münakax.

ISAIA 2:22

Ziün angkya khünak to mongong taxthom. Ibue chem thathap angkya tüi?

PONGWANG LAIPEX 3:23

Ikhoma Jowanpae, oja makhange chix zinglaxpuix, ija haxtok thomo-manzaile saxle ngo angkya hanpakma Zang-e hokhi a Eden Tsawat kha angkya koto alai.

IBRI 12:9

Tamtailechu kem ang müi-hi-aji ma honu hopa hwom tüipu, hwome kem to zünsaipu ilaxle keme hwom chathua zapu. Ija thakto chasa ma kem Hopa chak to kem tsün koxlaxle ozün ma ngo angkya otukux achongkya hex!

HUAKE LAIPEX 16:22

Ikoxlechu Mosa hia Arun nyie thün haxchi to akhuxlaxle thüi: “O, Zang! Nang a pangnu khüzün otong. Khünak tuitae achaxle le khünak pangwüi füi mongmale hi?”

WANWÜNKAX 20:27

Jowanpae kem ang tutex-mongtsang fale thomle; kem ma thoto azwon ang müntho.

JOB LAIPEX 33:6

Zang miksho ma künyi tuitata wüi; künyi pangnyi wüi komhax füi zingpupu wüi.

2 KORIN 5:1

Chemthüikoxle, kem ngokya nyihom: chaxwannu angkya kem pum-tsa pünle amakya zuma, chixjaoe zingkya hom, oja oshuk chitüi le ngo angkya hex, zangkangting to Zange ija hom ma kem ngo ang koxüile keme awanle.

2 KORIN 4:7

Ikoxlechu Kaxho Müikya zong akhokya a Zang kux changle, kem kux münchang, le aho angkya hanpakma, ija Kaxho Müikya apuk-apua angkya hünlix füi tüikya kwom a tikkuxbu ningle changle.

JUHAN 20:22

Chixe ija kax akax füima, hwom to zak füi mütle thüi: “Otsao Chasa koplax;

JOB LAIPEX 4:19

Komhax oja tikkhe lailaile akhixle pao angkya to; ija füi zingkya chix chakzing to, chixe mongong ang thoüile nange thütpia?

HUAKE LAIPEX 27:16

“Jowanpa Zang, khüzün pangnu otong, ibu khünaknu lomzun ang asukya mix tuita kamhüi;

HWON-NWOT-JAONO 3:7

akyet angkya hia atsam angkya hanpak tyale thompu, dang angkya hia akax angkya hanpak tyale thompu.

1 TIMOTHI 2:13

Chemthüikoxle pongwang ma Adam zingpu ifüima tix Ef zingpu.

PONGWANG LAIPEX 2:6

Ikoxlechu haxmong tokya ti fuakle lailaxle chaxwannu thün azom.

MANGSOP 4:20

Hwome kwom khüzün otong hwople kop, Jowanpae zünle kopkya kwom wanghompa, pangnu zansing chak tokya kwom kho awa ang thoüile kwome chix to mongongle tüikya.

EZEKEL 37:5

Jowanpa Khüthak Zang, kue hwom füi akaxle ngokya kax ija hwom hama wünkox: Kue hünzom ma khüzün zakdün mütle koxüi ilaxle hünzom a tamchatle ozün ang achangüi.

PONGWANG LAIPEX 1:27

Ikhoma Zang-e chix lailaile-ole khünak-mixsa zingle alai. Chixe hwom sheko hia lüka le zingle alai.

EZEKEL 37:6

Kue hünzom ang zix-hi-zabu athut apongle thom angkya tsak-zong koxüi, ilaxle hünzom to khwon füi chwople koxüi. Kue hünzom ma zaksyet angkya zangwin shole koxüi ilaxle hünzom a tamchatle ozün ang achangüi. Ifüima hünzome ku a Jowanpa changpule awan ang kopüi.”