PONGWANG LAIPEX 2:2 - OTSAO BAIBEL (BSI)

² Nyix anüt lükya to chix mwot tsuaklaxle Zang ang chakngai.

PONGWANG LAIPEX 2:2 ပူးပေါင်းရင်းမြစ်များ

IBRI 4:4

chemthüikoxle Otsao Lai ojongjong ma ija a nyix anüt bama wünle: “Nyix anüt lükya to chix mwot pangnu tokya Zang nazak.”

LAIPAO 31:17

Ija a Israel khünaknu hia ku, le kem bama jento ngo angkya münwan changle, chemthüikoxle Jowanpa kue, ding-hi-hax, nyix azok mong ma zingle alailaxle nyix anüt lükya to mwot danle nazak laxpu.”

TSAITONG-KAXTONG 5:14

ikoxle anüt lükya nyix a ku hanpakma atsaole thomkya nyix changpu. Ija nyix a owaechu mwot chimoküi: Hünzomechu, hünzom naosomechu, hünzom dabuechu, hünzom müibuechu, hünzom haxtok ma ngole tüikya mixnokbue ngaxchu münmok angkya changpu. Chemle nange nazak laxpuix ija ningle nang dabuechu nazak lax angkya changle.

LAIPAO 23:12

“Hatdang ma nyix azok mwot mokkox ilaxle nyix anüt lükya to mwot chemchu taxmok; ile hünzom dabu üntoxle mixnokbu opange hünzom hanpakma mwot mokle koxpuix hwomchu nazak ang kopüi.

JUHAN 5:17

Ikoxchu chixe hwom ang hüi: “Apaechu athax kople mokle ngopu, ilaxle kuechu mok angkya changpu.”

ISAIA 58:13

Jowanpae thüi: “Hünzome nazakle nuikya nyix a otsao-nyix le jangtwon ilaxle ija nyix nang mongtex mwot chimok; nang ija otsao nyix achuakle thom ilaxle aham-atüile chichang, mwot chimok, chichangba ija nyix chisumüikya zang chiwün,

PONGWANG LAIPEX 1:31

Zang-e chix chakzing müihule le ngün. Ifüima zangnak üntoxle zangngai. Ija a azok lükya nyix changkya.

IBRI 4:10

Chemthüikoxle Zang kaxtsao nazak atakkya mix, chix mwot tokya Zang nazakkya lailaile ma mwot tokya nazak ataküi.

PONGWANG LAIPEX 2:3

Nyix anüt lükya hanpak to chixe mohiman ilaxle ataxkya nyix tuita ang atsaole dan, chemthüikoxle ija nyixkha chixe chix mwot-lün ilaxle nazak.

LAIPAO 31:15

Ma mwot mok angkya hanpakma hünzom ang hanpak nyix azok tüipu, ikoxle anüt lükya nyix a ku hanpak ang süile atsao thomkya nyix changle. Owawae ija nyix mwot mokle jangchang thüiningle chix a mik amüt angkya wüi changpu.