PONGWANG LAIPEX 17:8 - OTSAO BAIBEL (BSI)

⁸ Athax nang püntüi tuita ang achangle tüikya ija haxtok kue nang ang tamchu nangsu-nangsa hwom ang koxüi. Kanan haxtok komkaile othuithui hanpak ang nangsu-nangsa hwom haxtok ang achangüi ilaxle ku a hwom Zang ang ngoüi.”

PONGWANG LAIPEX 17:8 ပူးပေါင်းရင်းမြစ်များ

LIWI 26:12

Ku a hünzom füi ngoüi; ku a hünzom Zang changüi ilaxle hünzom a ku khünaknu ang changüi.

MÜNCHUAK-TSAI 105:11

Chixe thüi: “Kue nang ang Kanan haxtok koxüi. Ija a nang haxtok jaojaole changüi.”

LAIPAO 6:7

Kue hünzom ku khünaknu ang achangüi ilaxle ku a hünzom Zang ang ngoüi. Chemtue kue hünzom Ijip nok da ang ngokya chak tokya danle changüihex, ipongma hünzome ku a Jowanpa hünzom Zang changpule awan ang kopüi.

PONGWANG LAIPEX 12:7

Jowanpa a Abram hato ngaile lai ilaxle chix füi akaxle thüi: “Ija a kue nang su-sabu ang kox angkya haxtok changpu.” Ifüima Abram-e, chix hato ngaile ahokya Jowanpa ang tötsap tuita zingle kox.

TSAITONG-KAXTONG 29:13

ile changkox tix, chixe Abraham, Isak hia Jakop hünzom putong hwom füi tsaotsüt daokya ningle, chix a Jowanpa hünzom Zang ang ilaxle hünzom a chix khünaknu ang ngo angkya zangwün tsuaküi.

TSAITONG-KAXTONG 26:18

Chixe hünzom füi tsaosaxkya lailaile, Jowanpae anyix hünzom ma khünaknu ang pongle laxdaoa; ilaxle chix wanlom pangwüi kax ma laxle ngo angkya chixe hünzom ang kaxtom koxle.

TSAITONG-KAXTONG 14:2

Hünzom a Jowanpa hünzom Zang kux changpu; hünzome chixe chaxwannu angkya khünak khama chix khünak ang kamle kopdaoa.

PONGWANG LAIPEX 13:15

Nange ngünle tüikya haxtok komkaile kue nang ang tamchu nangsu-nangsa hwom ang kox angkya changle, idaile ija a othuithuima nang kux ang changle ngoüi.

MÜNCHUAK-TSAI 105:9

Chixe Abraham füikya tsaifün-kaxwün otia ma thomüi üntoxle chu Isak füikya chix kaxtsaobu.

TSAITONG-KAXTONG 4:37

Chixe hünzom putong hwom to mongkünkya khoma chixe hünzom zünle kop, ilaxle chix tsak-zong chongkya makhange chixe hünzom Ijip nok tokya alaile apüi.

PONGWANG LAIPEX 28:4

Chixe nang ang Abraham mohiman naxfa, nang ang tamchu nangsix-nanglibu ang chuwüi, ipongma nang mixnok wünpa tuita ningle ngokya haxtok, oja Zang-e Abraham ang koxle toxdaopuix, ija haxtok ma hopunu ang nang naxchang kox!”

PONGWANG LAIPEX 13:17

Athax, paolax ilaxle haxtok pangnu khato hulax, chemthüikoxle ija pangwüi kue nang ang kox angkya changle.”

2 SAMUEL 23:5

Ilaxle ija ningle Zang-e ku sixlibu to mohiman angkya changle, chemthüikoxle chixe ku füi othuithui hanpak ang tsaotsütle changdaoa, tamchu chiama angkya tsaifün-kaxwün tuita, otuechu chialex angkya kaxtsao tuita a. Ibibi a ku mong ma tsukya changle; ija a kue tholünkya ang changüi, ilaxle Zang-e chithaile ija ile chang ang tomüi.

TSAITONG-KAXTONG 32:8

Khüthak Zang-e jat-libu ang ma haxtoktokle ahanle koxpu; khünaknu chem khama ngo angkya hex chixe tix tsuakle fapu. Chixe pangnu jat-li ang wüi hua ang zangkangting nokpu hwom tsanpu,

HUAKE LAIPEX 25:13

Chix tamchu chixsu chixsabu a othuithuima zompu-zangpabu ang zingle thomüi, chemthüikoxle chixe ku zan to kakya adu ang chitho ilaxle khünaknu ang ochax thailak atak ang tom.”

LAIPAO 40:15

Münga füi lile hopa atsaokya lailaile hwom to chuwüi lile atsaokox; ile changkox tix hwome nguapabu ningle ku thothale chang ang thoüi. Ija münga füi lile atsaokyae hwom ojento athax füichi hanpak angchu nguapabu ang achangle ngo ang tomüi.”

PONGWANG LAIPEX 48:4

Chixe ku ang thüi: “Kue nang ang sixli huanuma faüi ilaxle hwom jat-li obiobi ang achangle tsa ang tomüi. Kue ija haxtok nangsix-nanglibu ang jento hwom haxtok ang naxngo ang koxüi.”

PONGWANG LAIPEX 23:4

“Ku a ikhato hünzom füi tomle ngokya mixnok wünpa tuita changle; ku kakonu mang akhün angkya hanpakma hünzome ku ang haxtok hidaole hanghüi.”

IBRI 9:15

Ija khoma, Zange nyak daokyabue Zange tsao daokya oshuk chitüikya mantswon kop angkya kuxma, hozün Tsaotsüt acha achwonkya mix a tuita Khrista changle, chemthüikoxle pongwang angkya Tsaotsüt fangma achax daokya ochaxbu tokhange hwom khosün angkya kuxmale chix zi.

MÜNCHUAK-TSAI 103:17

Ikoxlechu opange Jowanpa chathua zale tüipuix, hwom hanpakma chix mongkün jento ngo, ilaxle chix müikya tsüntsün to ngo;

LIWI 16:34

Ibu wanlom a athax füichima jento twon-ngo angkya changle. Israel khünaknue hwom ochax tokya atsao ang ija zom a zanglao to tampong zingüi. Idaile Jowanpa kaxtom ningle Mosa-e mokle tsuak.

LAIPAO 21:6

hopupae chix zangshwomnui to paoüi. Ikhato hopupae chix a kapox chichangba kahak hato apüiüi ilaxle na hukle faüi. Ifüima chix a tsünjang masule da ang achangle ngoüi.

WANGSHEMBU MWOT 7:5

Zange ijakha angkya chaxwankho funta ngaxchu Abraham ang chix kux hexo le chikox, ikoxle Zange ija chix kux ang achangüi ilaxle chix füima chixsu chixsabue kopüi le tsaosax. Zange ija tsaosax pongma Abraham ang susa matüikya.

MIKNGÜN-OHÜN 21:7

Owae tholün tsuakpuix, chixe ku angkya ija kopüi: Ku a chix Zang changüi üntoxle chix a ku susa ang changüi.

PONGWANG LAIPEX 26:24

Ija jaja wüi Jowanpa ngailaxle chix füi akax: “Ku a hünpa Abraham Jowanpa changpu. Nang taxza; ku dapa Abraham khoma kue nang to mohiman angkya changle. Nang sixlibu kue tüle pu-tsa ang tomüi.”

PONGWANG LAIPEX 36:7

Jakop hokhi ang tsom-pom müimamale tüikya khoma, athax hokhi ngole tüikya haxtok, hokhi pangnyi hanpak ang okho süchingui, ikhoma chixe ija haxtok toxlaxle mama haxtok lomle pao.

PONGWANG LAIPEX 37:1

Jakop chuwüi hopa hwom ngole toxkya Kanan haxtok ma wüi ngole hüi.

LAIPAO 13:11

“Jowanpae hünzom Kanan haxtok to apüiüi; ija a hünzom ang tamchu hünzom sixlibu ang koxüihex-ole tsaole thomkya chaxwan changpu.

LAIPAO 29:45

Ku Israel khünaknu füi tomle ngoüi, ilaxle ku hwom Zang ang ngoüi.

LAIPAO 32:13

Nang dapa Abraham, Isak hia Jakop hwom texle ataklax. Zangkho tokya lyettsibu ningle hwom sixlibu lai ang tomüi ilaxle nange hwom ang koxüihex-ole tsaokya haxtok jento hwom sixlibu kux ang achangüi lükya nang kaxtsao texle ataklax.”

TSAITONG-KAXTONG 9:5

Hünzom a tüle müi tamchu chem supuix ijaja mokle tüikya khoma Jowanpae ija haxtok hünzom ang kop ang tom angkya münchang. Hwom a chichang-chizangle tüikya ochax khünakbu changle tamchu Jowanpae hünzom putong Abraham, Isak hia Jakop hwom füikya chix tsaotsüt otia ma thomse tsukya khoma khünak ibu jwonle apao ang thüipu.

JEREMIA 25:5

Hünzom chichangchizangle ngokya zanglom hia ochax mwotbu tokya mongchatle chang angkya hwome hünzom hama akaxpu; ile changkox tix wüi hünpu hünpa hwom ang othuithuima hwom kux hex-ole koxkya ija hünzom haxtok ma hünzom chemsua chisixle ngole hüitsuak angkya chang koxle.

JEREMIA 31:1

Jowanpae thüi: Israel homjen pangnusa hanpakma ku Zang ang ngo angkya tunu nguile hüile, ilaxle hwom a ku khünaknu ang ngoüi.

PONGWANG LAIPEX 35:27

Jakop, hopa Isak hato Mamre to pao. Hebron zui angkya ija Mamre a Abraham hia Isak nyi ngwotnui jao changkya.

LAIPAO 6:4

Kue hwom füi tsaotsüt zingle, ami hwom mixnok wünpa ningle ngole hüikya Kanan haxtok hwom ang koxüihex-ole tsaosaxpu.

LIWI 14:34

(Chemtue Jowanpae hwom ang koxkya haxtok Kanan chaxwan aloplaxle tingtan-nokzingle changüihex ipongma) Israel noke hwom hombu to ngwon paxle changpongma twon angkya wanlombu adangle kox: Hünzom owawae ma homkha ma ngwon-kak paxkya ngün ang kople jangchang,

HUAKE LAIPEX 10:29

Mosa-e hohochong Jethro sasün Hobab, Medi nok, chix hotüichong füi akax: “Kwom a Jowanpae kwom ang faüihex-ole tsaokya haxtok alop ang achexüi khakha. Chixe Israel khünaknu tüle ahak-aluale chang ang tomüile tsaodaoa, idaile kwom füito oman, kwom ahak-aluakya kwome hünzom füi tom-hanle changüi.”

HUAKE LAIPEX 27:12

Jowanpae Mosa ang thüi: “Abarim Haxnukho to donglax, ilaxle kue Israel nok ang kox angkya haxtok to atale hulax.

TSAITONG-KAXTONG 32:49

“Jeriko tingnu füi atale tüikya Moab haxtok ma tüikya Abarim Haxnu to paolax; Nebo Haxnukho to ngolax ilaxle kue Israel khünaknu ang kox angkya Kanan Haxtok to atale hulax.

TSAITONG-KAXTONG 34:4

Ifüima Jowanpae Mosa ang thüi: “Kue Abraham, Isak, hia Jakop hwom ang tamchu hwom su-sa hwom ang kox angkya hex-ole tsaokya haxtok a ija changle. Kue nang ang mike ngün ang koxpu ikoxlechu nang ikhato ngui ang müntom.”

JIHUSUA 1:2

Chixe thüi: “Ku dapa Mosa a zidaoa. Athaxpi nang üntoxle Israel khünaknu pangwüi, Jordan shuanu tale, kue hwom ang koxle ngokya haxtok to ngui ang achwonlax.

1 PUKAX-PANGAO 16:18

Chixe thüi: “Kue nang ang Kanan haxtok koxüi. Ija a nang kux ang changüi.”

EZEKEL 11:20

Ifüima hwome ku wanlombu thomüi ilaxle ku kaxtombu kax ma laxle tüiüi. Hwom a ku khünakbu ang changüi, ilaxle ku a hwom Zang ang changüi.

EZEKEL 33:24

Chixe thüi: “Ziün angkya khünak, Israel nok ma pünle amadaokya tingnubu ma ngokya khünakbue thüile: ‘Abraham a khünak tuita wüi changkya, ikoxle chix ang ibibi haxtok komkaile koxpu. Kem a khünak ibibile tüipu, idaile haxtok a kem kux changpu.’

ZEKARIA 8:8

Jerusalem ma ngo angkya hanpakma kue hwom handün hannop tokya chatle apüi angkya changle. Hwom a ku khünaknu ang ilaxle ku a hwom Zang ang ngoüi. Kue hwom thakma mongong-chalom hia sukya kaxfün füi apün-awangle changüi.