PONGWANG LAIPEX 17:6 - OTSAO BAIBEL (BSI)

⁶ Kue nang ang su-sa hwom huanuma koxüi, ilaxle hwom khama züizüi a wanghom angchu changüi. Nang su-sa hwom huanuma tüikya khoma hwom a ojat-olibu ang achangüi.

PONGWANG LAIPEX 17:6 ပူးပေါင်းရင်းမြစ်များ

PONGWANG LAIPEX 17:4

“Kue ija Tsaotsüt nang füi laxpu: Kue tsaopu nang a jat-li obiobi hopu ang achangüi.

PONGWANG LAIPEX 35:11

Ilaxle Zang-e chix ang thüi: “Ku a Khüthak Zang changpu. Susa hwom huanuma alailax. Hwom makhange jat-libu tüle laiüi, ilaxle nang a wanghombu putong ang changüi.

PONGWANG LAIPEX 17:16

Kue she to mohimanüi, ilaxle she makhange kue nang ang sasün tuita koxüi. Kue she to mohimanüi ilaxle she a jat-libu honu tuita ang achangüi, ilaxle sasün hwom khama wanghombu chuwüi tüiüi.”

IZRA 4:20

Tüle tsak-zongle tüikya wanghombu ija khama tamchu Hannop-Eufrat to apünle hüidaoa. Hwome ikha angkya chongwang süi saile hüikya changle.

PONGWANG LAIPEX 17:20

Kue Ishmael hanpakma nange tsaiju-kaxjukya atatdaoa, ikhoma kue chix to mohimanüi. Kue chix angchu su-sa hwom tamchu sixlibu huanuma koxüi. Chix a tuita, wanghom bün-anyi hopa ang achangüi, ilaxle chix sixli hwom makhange kue chongkya jat-li zingüi.

PONGWANG LAIPEX 26:22

Chix ikha angkya achexle pao. Chix nguikya khatochu chixe tüküi chatle thole alai. Ija tüküi ma atsi-alakya chemchu chitüi. Chixe ija ang “Mongtex-za-lai”, le nyak. Chixe thüi: “Athaxpi Jowanpae kem ija haxtok ma ngo angkya pandaoa. Ikhama kem a tüle tüinangle changüi.”

PONGWANG LAIPEX 28:3

Nang tüle simüi-limüile pu-tsale chang angkya hanpakma Khüthak Zang-e mohimanle naxchangfa.

PONGWANG LAIPEX 41:52

Chixe ile chuwüi thüi: “Zang-e ku ang ku fuxtsüikya chaxwan to su-sabu fadaoa.” Idaile chixe anyi lükya sasün ang Efraim le mün kox.

PONGWANG LAIPEX 47:27

Israel khünaknu a Goshen haxsha ma tingtok zingle ngo. Ikhato hwom tüle saxpu-luawang ang achang tamchu su-sabu huanuma pu-tsale hüi.

LIWI 26:9

Kue hünzom to mohimanüi ilaxle su-sabu tüle-tüle pu-tsale chang ang tomüi. Kue hünzom füi tsaotsütkya Tsaotsüt, ku hanpak kue münale.

PONGWANG LAIPEX 13:16

Kue nang ang owaechu akiak ang chithole su-sa hwom huanuma koxüi; hwom akiakkya füi a chaxwan tok angkya haxbu akiakkya wüi ochwon changüi!

PONGWANG LAIPEX 48:3

Jakop-e Jusep ang thüi: “Kanan haxtok to Luz ma Khüthak Zang ku hato ngai üntoxle ku to mohimanpu.”

PONGWANG LAIPEX 48:4

Chixe ku ang thüi: “Kue nang ang sixli huanuma faüi ilaxle hwom jat-li obiobi ang achangle tsa ang tomüi. Kue ija haxtok nangsix-nanglibu ang jento hwom haxtok ang naxngo ang koxüi.”