PONGWANG LAIPEX 17:1 - OTSAO BAIBEL (BSI)

¹ Chemtue Abram zanglao puli-aku changkya hex, Jowanpa chix hato ngai ilaxle akax: “Ku a Khüthak Zang changpu. Ku kax ma laxlax ilaxle chem supuix ija moklax.

PONGWANG LAIPEX 17:1 ပူးပေါင်းရင်းမြစ်များ

FILIPI 4:13

Tüta ningkya osho füichu apong tsuak angkya kuxma Khrista-e fakya zong tüipu.

EFISIA 3:20

Chix owae kem ang zong mwot makhange keme ju-lomkya chichangba ajang apangkya thak to moktsuak angkya tüipuix,

PONGWANG LAIPEX 6:9

Ija a Noa pukax changle. Chix ang Shem, Ham üntoxle Jafet le sasün hwom azom tüikya. Chix tsündang khama thaikya chemchu chitüikya khünak mixmüi a Noa chix tata wüi changkya. Chix a Zang füi notom-tusüi ma ngole hüi.

KAXHO MÜIKYA LUK 1:6

Jowanpa wanlom hia kaxtombu apale hokhi a Zang miksho ma otsao tsün ngo.

MÜNCHUAK-TSAI 116:9

Ikhoma ozün ma tüikya chaxwannu ma ku Jowanpa füi ahampu.

MATHI 5:48

Ijadaile chemle zangkangting tokya hünzom Hopa okhoguile tüipuix, ija ningle hünzom chuwüi okhongui angkya changle.

ISAIA 38:3

“Texle ataklax, Jowanpa, kue mongong füi tamchu kax ma laxle nang thothale hüidaoa, ilaxle kue nang mong ma atsutsu mokle-ole azongle hüidaoa.” Ilaxle chix mongmaxle sop ang süt.

JOB LAIPEX 1:1

Jople amünkya mixsün tuita tüikya; chix a Uz nok ma ngokya mixsün tuita. Chixe Zang to shwom ilaxle chix to mongong thom. Chix a müikya khünak tuita changkya. Tütali to thaithaxle chibang angkya hanpakma chix tüle khünzai.

PONGWANG LAIPEX 18:14

Jowanpa zongto müntho lükya oli tütüikoxcha? Kue akax daokya ningle, athax makhange lyetkua aku mong ma ku tamchatle nguiüi, ipongma Sarah-e sasün tuita ngünle changüi.”

TSAITONG-KAXTONG 18:13

Jowanpa to mongpak-fünthole mongong tüikya füi ngolax.”

MATHI 19:26

Tangtho le hulaxle Jisu-e hwom ang thüi: “Khünak zong to ija a tsuak angkya oli münchang ikoxlechu Zang zong to tsuak angkya oli changle.”

JEREMIA 32:17

“Khüthak Jowan Zang, nange nang tsak-hi-zong chongkya makhange chaxwannu hia zangdingkho zingle alaipu; nang zongto huanuma tsakkya oli chemchu chitüi.

PONGWANG LAIPEX 28:3

Nang tüle simüi-limüile pu-tsale chang angkya hanpakma Khüthak Zang-e mohimanle naxchangfa.

2 WANGHOMBU 20:3

“Jowanpa, mongong füi tamchu kax ma laxle nang thothale hüikya ku bama nang mongtex chem hex, ile mok angkya ku azong-afale changkya ibu texle ataklaxmi.” Ilaxle chix a mongmaxle sop ang süt.

1 WANGHOMBU 3:6

Solomon-e lan: “Nange ku apa Dawid hato chongkya mongkün ahole hüipu, ilaxle nang dapa, chix a müikya tuita nang kax ma laxle tüikya mix ilaxle otsingtsing füi chix a nang füi nokmüile ngo. Ilaxle anyix chix man ma apünle tüikya chix sasün tuita, chix koxkya füi nange chix hato chongkya tamchu chizakkya mongkün ahole hüipu.

MIKA 6:8

Ile münchang, Jowanpae chem müipuix ija kem hama apuadaoa. Chixe kem angkya laxse tsukya a ija changle: chem supuix ija mok angkya, chithwon mongkün angkya, ilaxle kem Zang füi puinaikya notom-tusüi ma ngo angkya.

PONGWANG LAIPEX 35:11

Ilaxle Zang-e chix ang thüi: “Ku a Khüthak Zang changpu. Susa hwom huanuma alailax. Hwom makhange jat-libu tüle laiüi, ilaxle nang a wanghombu putong ang changüi.

IBRI 7:25

Idaile, athaxchu üntoxle jento, chix makhange Zang hato hüikyabu sün ang chixe tsuakle tüile, chemthüikoxle hwom hanpakma ju ang chix jento Zang füi tomle ngopu.

IBRI 12:28

Idaile Zang ang münchong fahax, chemthüikoxle sile alox ang chithokya Wangting keme pongle koppu. Chixe pongle kopkya lima tamchu chix chathua zakya füi keme Zang shwomhax;

WANGSHEMBU MWOT 24:16

Idaile Zang hia khünaknu thüntho ma khangka tsaotha le tüi angkya hanpakma kue otukux tsuakpuix itukuxle müikya mokpu.

PONGWANG LAIPEX 48:15

Ifüima chixe Jusep to mohiman: “Ku apu Abraham hia apa Isak hwome shwomle hüikya Zang, ija naonyi to mohimankox! Anyix kople ku tsünlo-khothole ngo ang tomkya Zang-e hwom to mohimankox!

PONGWANG LAIPEX 12:1

Jowanpae Abraham ang thüi: “Nang ting-nok, nang haxnu-homsa tamchu hünpa hwom homkha, ibu pangwüi dantox dao ilaxle kue nang ang fang angkya haxtok aho angkya khato paolax.

PONGWANG LAIPEX 5:24

Chixe chix tsün a Zang füi notom-tusüi ma ngole akai, ifüima chix chingünle sam, chemthüikoxle Zang-e chix tswonle pao.

WANGSHEMBU MWOT 23:1

Pol-e nguawangbu to tangthole hu ilaxle akax: “Kutüi kunaohom! Anyix kople Zang pomtho ma ku tsün bama ku khangka tsaotha le otya ma wüi tüitan.”

MÜNCHUAK-TSAI 115:3

Kwom Zang a Zangkangting to tüile; chix mong ma chem tsupuix ija chixe mokle.

JOB LAIPEX 11:7

Zang chongkya üntoxle chix tsak-zong bama, othüt hia wankam nange lomle atak tho ang cha?

1 WANGHOMBU 2:4

Nange chix kax ma laxle jangtüi, hwome mong hia chasa makhange zongbakle ku kax ma laxle tüi angkya bama hwom khünkhikya füi tüile ngokya kople kusix-kuli Israel haxtok ma apün-awangle ngo angkya chixe tsaosaxkya chix tsaotsüt chixe thomüi.

TSAITONG-KAXTONG 10:17

Jowanpa hünzom Zang a baozangbu pangwüi thakma achongkya tamchu pangwüi thakma chatsak-muazongle tüikya Zang changle. Chix a tüle chongle tamchu athakle tüile, ikhoma chix chathua a za angkya wüi changpu. Chixe masüi-mixlüile münchang tamchu zuizun münlax.

HUAKE LAIPEX 11:23

Jowanpae lan: “Kutsak-kuzong ma thathüt tüipia? Kue akaxkya kax chichang hia changpuix nange lebama wüi lop ang kopüi!”

LAIPAO 6:3

Abraham, Isak hia Jakop hwom hato, ku tuita Khüthak Zang changpule ngaile ahopu, ikoxle kue Jowanpa ku otsao mün hwom ang awan ang chitom.

PONGWANG LAIPEX 18:1

Mamre angkya otsao pünbu ma Jowanpa Abraham hato ngai. Zanghan tsakle zangkham pongkhae Abraham a chix homthoma thungle tüikya,

PONGWANG LAIPEX 12:7

Jowanpa a Abram hato ngaile lai ilaxle chix füi akaxle thüi: “Ija a kue nang su-sabu ang kox angkya haxtok changpu.” Ifüima Abram-e, chix hato ngaile ahokya Jowanpa ang tötsap tuita zingle kox.

DANEL 4:35

Chixe chaxwan tok angkya khünaknu to chem angchu chilaxle hule; zangkangting tokya kaxtaimixbu hia chaxwannu angkya khünak pangwüi chix chak fang ma tüile. Chix mongtex füi apüile owachu ajong ang müntho chichangba chixe mwot to tsa ang müntho.

1 WANGHOMBU 8:25

Ilaxle athax, Jowanpa, Israel nok Zang, hwome khünkhikhile nang kax ma laxle jangchang thüiningle, Israel haxtok apün angkya hanpakma wanghom a jento chix sixli kha angkya wüi ngo angkya changle le apa Dawid füikya nang tsaotsütchu otya ma wüi thom hüile kue nang to joppu.

PONGWANG LAIPEX 16:16

Ipongma Abram a zanglao puli azok nguile tüikya.

PONGWANG LAIPEX 5:22

Ifüima Inok a Zang füi notom-tusüi ma zanglao 300 tsünlole ngo. Ipongma chix ang mama su-sa hwomchu wüi tüi.

PONGWANG LAIPEX 24:40

Chixe lanpu, ‘Jowanpa owa kax ma kue jento laxle hüipuix, chixe nang thoto achale chix kaxtaimix tuita apaolaxle ija mwot tsuakle hüi ang tomüi. Nange ku sa kakonu ang ku khünakbu, kuma-kumix kha angkya, ku apa homkha angkya apüi angkya changle.

PONGWANG LAIPEX 26:2

Jowanpae Isak hato ngailaxle chix ang thüi: “Ijip nok to taxka ikoxle kue nang hama ahokya haxtok ma ngolax.

PONGWANG LAIPEX 43:14

Khüthak Zang-e chix kün-mong ma hünzom to chingcha angkya tuitex müikya naxfafa. Chixe Benjamin hia hotüi nyi hünzom ang achatle naxfafa. Kue naosom amüt angkya wüile jangchang daoba, atix naxmax koxa, büthüikoxse le.”

PONGWANG LAIPEX 46:3

Zang-e thüi: “Ku a Zang, hünpa Abraham Zang changle! Nang Ijip nok to ka ang taxza; ikhato kue nang sixlibu chongkya jat-li tuita ang achangüi.

TSAITONG-KAXTONG 30:20

Jowanpa hünzom Zang to mongkünlax, chix kax ma laxle tüilax tamchu chix to mongong tüikya füi ngolax. Ile jangchangba, hünpu hwom, Abraham, Isak hia Jakop hwom ang koxüihex-ole tsaosaxkya haxtok ma hünzom tamchu hünzom su-sa hwom tsünlole ngo ang kopüi.”

MÜNCHUAK-TSAI 25:14

Jowanpa a kax ma laxle tüikyabu zuikhui changpu üntoxle chixe chix Tsaotsüt bama hwom füi kaxshing kopkya ang changpu.

PONGWANG LAIPEX 48:3

Jakop-e Jusep ang thüi: “Kanan haxtok to Luz ma Khüthak Zang ku hato ngai üntoxle ku to mohimanpu.”

HUAKE LAIPEX 24:16

Owae Zang-e chem akaxpuix ija atat ang tsuak puix Ilaxle Khüthak Zang tokhange hüikya pongle koppuix. Shimang chito kue akhinle hupongma ngün Khüthak Zang tokhange mikngün-ohün tuita.

WANWÜNKAX 10:9

Khünak otsingtsingbu a khangkho azangle changüi, ikoxle thaithaxkya mix a kopüi.