PONGWANG LAIPEX 15:7 - OTSAO BAIBEL (BSI)

⁷ Ifüima Jowanpae chix ang thüi: “Ija haxtok a nang haxtok ang kox angkya hanpakmale Babilon haxtok Ur tingsho tokya nang sele alai paokya Jowanpa a ku changpu.”

PONGWANG LAIPEX 15:7 ပူးပေါင်းရင်းမြစ်များ

PONGWANG LAIPEX 12:1

Jowanpae Abraham ang thüi: “Nang ting-nok, nang haxnu-homsa tamchu hünpa hwom homkha, ibu pangwüi dantox dao ilaxle kue nang ang fang angkya haxtok aho angkya khato paolax.

ROM NOK HATO ZAKYA POL LAIZA 4:13

Zange Abraham hia chixsu chixsabu ang, zangfang hwom kux ang achangüile tsaosax. Ija tsaosüt fakya a, Abrahame wanlom kax ma laxkya khomale münchang, ikoxle chixe Zang to mongong ilaxle Zange chix a otsao khünak tuita le laxkya khoma changle.

MÜNCHUAK-TSAI 105:44

Chixe hwom ang mix haxtok hwom kux ang kox üntoxle hwom ang ibu haxtokbu lax ang tom,

MÜNCHUAK-TSAI 105:42

Chixe chix dapa Abraham füikya otsao kaxtsao texle atak.

MÜNCHUAK-TSAI 105:11

Chixe thüi: “Kue nang ang Kanan haxtok koxüi. Ija a nang haxtok jaojaole changüi.”

PONGWANG LAIPEX 12:7

Jowanpa a Abram hato ngaile lai ilaxle chix füi akaxle thüi: “Ija a kue nang su-sabu ang kox angkya haxtok changpu.” Ifüima Abram-e, chix hato ngaile ahokya Jowanpa ang tötsap tuita zingle kox.

PONGWANG LAIPEX 28:4

Chixe nang ang Abraham mohiman naxfa, nang ang tamchu nangsix-nanglibu ang chuwüi, ipongma nang mixnok wünpa tuita ningle ngokya haxtok, oja Zang-e Abraham ang koxle toxdaopuix, ija haxtok ma hopunu ang nang naxchang kox!”

PONGWANG LAIPEX 50:24

Ifüima Jusep-e hotüi-honao hwom ang thüi: “Athaxpi ku a ziüikhakha; Zang chixjao hünzom waile nguiüi ilaxle ija haxtok angkya hünzom chixe zunle paoüi.”

TSAITONG-KAXTONG 9:5

Hünzom a tüle müi tamchu chem supuix ijaja mokle tüikya khoma Jowanpae ija haxtok hünzom ang kop ang tom angkya münchang. Hwom a chichang-chizangle tüikya ochax khünakbu changle tamchu Jowanpae hünzom putong Abraham, Isak hia Jakop hwom füikya chix tsaotsüt otia ma thomse tsukya khoma khünak ibu jwonle apao ang thüipu.

LAIPAO 32:13

Nang dapa Abraham, Isak hia Jakop hwom texle ataklax. Zangkho tokya lyettsibu ningle hwom sixlibu lai ang tomüi ilaxle nange hwom ang koxüihex-ole tsaokya haxtok jento hwom sixlibu kux ang achangüi lükya nang kaxtsao texle ataklax.”

HUAKE LAIPEX 33:53

Ija haxtok koplax ilaxle ima tingtan nokzingle ngolax, chemthüikoxle kue ija hünzom ang koxdaoa.

TSAITONG-KAXTONG 3:18

“Ipongpong ma wüi, kue hwom ang ibibi zangwün adangle fa: ‘Jowanpa kem Zang-e hünzom ang Jordan zongma handünchi haxtok kop ang koxdaoa. Athax a hünzom mixtsak naomüibu akhyep-adi lax ilaxle ma füikya Israel nok homjenbu thoma achale Jordan shuanu talaxle, ibue chaxwan kopkya to fong ang achale le e nui angkya kaxtom laxkox.