PONGWANG LAIPEX 15:1 - OTSAO BAIBEL (BSI)

¹ Ifüima Abram-e miksho ma tütali mikngünohün ngün üntoxle Jowanpae chix füi ile akaxkya atat: “Abram, nang ojao taxza chemthüikoxle kue nang to o-le thomüi tamchu hingho chongkya koxüi.”

PONGWANG LAIPEX 15:1 ပူးပေါင်းရင်းမြစ်များ

ISAIA 41:10

Ojao taxza — Ku a hünzom füi tüile! Ku a hünzom Zang — hünzom a chem ma chu taxabüt! Kue hünzom tsak-zongle zingüi ilaxle asunüi; kue hünzom kho-awaüi ilaxle hünzom khosünüi.

MÜNCHUAK-TSAI 119:114

Nang a ku kho-awapa tamchu ziakopmix changpu; nang kaxtsao ma kue ku monghom thompu.

MÜNCHUAK-TSAI 84:11

Chingchajaja hia achuak-achenkya füi kem to mohimankya Jowanpa a kem kho-awapa tamchu fuazangkya chongwangpa changle. Sukya mwot mokle changkyabu ang mokle fa angkya Chixe müikya oli tütali tochu münle münthüi.

PONGWANG LAIPEX 26:24

Ija jaja wüi Jowanpa ngailaxle chix füi akax: “Ku a hünpa Abraham Jowanpa changpu. Nang taxza; ku dapa Abraham khoma kue nang to mohiman angkya changle. Nang sixlibu kue tüle pu-tsa ang tomüi.”

ISAIA 41:14

Jowanpae thüile: “Israel, hidaole wüi tamchu sho-naikyabu changle, ikoxlechu taxza; kue hünzom to fongüi. Ku, Israel nok otsao Zang, ku tix changle hünzom khosünkya a.

MANGSOP 3:24

Ku ma tüikya Jowanpa wüi, ikhoma kue chix ma ku monghom thompu.

KAXHO MÜIKYA LUK 12:32

“Taxza, hixkya othom! Chemthüi-koxle hünzom ang Wangting kox angkya Hopa mong tsule.

MÜNCHUAK-TSAI 5:12

Jowanpa, nang kax ma laxle tüikyabu to nange mohimanle; nang mongküne hwom to di thatha ma thale.

MÜNCHUAK-TSAI 18:2

Jowanpa a ku kho-wa pa changpu; chix a shingmongkya ku zanhunuibu changpu. Ku Zang a ku wintuk-hantha changpu, üntoxle chix füi ku azangle ngopu. Di lailaile chixe ku kho awale thompu; chixe ku khosele üntoxle khosünle thompu.

RUT LAIPEX 2:12

Nang chem mokdaopuix ija to Jowanpae mohimankya naxtüi. Israel nok Jowanpa owa tong to nang ma khang khom ang nguile tüilaxpuix, chixe nang to chingchajajakya naxtüikox!”

KAXHO MÜIKYA LUK 1:13

Ikoxlechu ija kaxtaimixe chix ang thüi: “Zakaria, taxza! Zange nang zangjop atatdaoa, ilaxle nang kakonu Elijabet e nang ang lüka naosa tüpuxüi. Nange chix ang Juhan le amün angkya changle.

ISAIA 43:5

Hünzom ojao taxza — ku a hünzom füi tüile! “Tsailo nok handün hia hannop tokyabu, hünzom khünakbu kue hom to ngui ang tomüi.

MÜNCHUAK-TSAI 142:5

Jowanpa, ku to fongle fa angkya hanpakma nang nyakle ku akhongpu; Jowanpa, nangtix ku khowapa changpu; ku tsün ma kue lomkya nang tata wüi.

MÜNCHUAK-TSAI 3:3

Ikoxlechu Jowanpa, thama chak tokya ku hale tui ang jento nang a di changle; nange ku ang tho-lün ang tomhüi üntoxle ku mong chatle achen fahüi.

PONGWANG LAIPEX 21:17

Naosa sopkya zing Zang-e atatle lax, ilaxle zangkangting tokhange kaxtaimix tuitae Hagar füi akax: “Hagar, cheme nang künduk-mongthang ang tompu? Nang taxza. Naosa sopkya Zang-e atatle laxdaoa.

KAXHO MÜIKYA LUK 1:30

Kaxtaimixe she ang thüi: “Meri, taxza; Zange nang to huanuma künle texle.

MÜNCHUAK-TSAI 58:11

Khünaknue thüiüi: “Otsingtsingsa ma otsao khünakbu ang hingho koxdaoa; zangfang ang kaxfün fakya Zang tüijao tüile.”

MATHI 8:26

Jisu-e lan: “Hünzom ibukux büthüikoxle zapu? Hünzom ang mongong ibukux hixle hi?” Ifüima chix zolaxle zangchei hia tichap to sa. Ifüi tomle zingle dang.

ISAIA 51:12

Jowanpae thüi: “Hünzom tsak-zongle chang ang tomkya a ku changpu. Zile sam angkya thua hünzom büthüikoxle za angkya, hingzang tsün tukux ngaxchu chilo angkyabu thua a?

MÜNCHUAK-TSAI 27:1

Jowanpa a ku zangngai üntoxle ku khosün changpu; ku owa thuachu münzapu. Jowanpae thama pangnu chak tokya ku azün; ku chemtuechu münzapu.

WANWÜNKAX 11:18

Otsingtomtata ma chichang-chizangkya khünakbue olüi chemchu münkop, ikoxlechu nange sukya mwot mokle jangchang, nange olüi kop angkya jao changpu.

MÜNCHUAK-TSAI 91:4

Chixe nang to chix kui-zang füi ole thomüi; chixe humele nang kho sünle thomüi; chialekya chix mongonge nang ziakople tamchu kho-awale thomüi.

TSAITONG-KAXTONG 31:6

Mongtex tüilax tamchu mongchonglax. Hwom thua ojao taxza. Jowanpa, hünzom Zang, chix jaojao hünzom füi tüiüi. Chixe hünzom mün-ale tamchu danle müntox.”

EZEKEL 3:4

Ifüima Zang-e akax: “Ziün angkya khünak, Israel khünaknu hato paokox ilaxle kue nang füi chem akax ang tompuix ija akaxkox.

ISAIA 44:2

Ku a Jowanpa hünzom zingkya mix changle; hünzom puxkya tokhange wüi, kue hünzom to fongle hüipu. Taxza; hünzom a dabu changle, ku khünaknu, kue mongkünkyabu a.

ISAIA 43:1

Israel, Jowanpa owae hünzom zingle alaipuix chixe thüile: “Ojao taxza — kue hünzom sünle kopüi. Kue hünzom a mün makhange nyakle koppu — hünzom a ku kux.

ISAIA 35:4

Mong athole ngokya pangnusa ang thüikox, “Mong chonglax ilaxle taxza! Hünzom khose ang Zang nguingole, hünzom zanpabu to sikangün ang a.”

LAIPAO 14:13

Mosa-e lan: “Hünzom ojao taxza! Hünzom mongchongle ajonglax ilaxle hünzom khosün ang Jowanpae chemle mokpuix ngün ang kopüi. Hünzome Ijip nok ibu tamchatle ngün ang kopüi münchang.

MIKNGÜN-OHÜN 1:17

Otue kue chix ngünpuix, ipongma ku omang ningle chix chitong ma nguak. Chixe ku to chix tsaxchi chak füi twon ilaxle thüi: “Taxza! Ku a Alfa hia Omega changle.

IBRI 1:1

Kaikai le Zange, kem pupa hwom füi obi thomthom ma hexle tamchu malom-malom to ajebu makhange zangwünkya,

1 KORIN 3:22

Pol, Apolo, Pitar; ija chaxwannu, ozün hia omang, athax tüikya hia füichi, ibu pangwüi hünzom kux,

WANGSHEMBU MWOT 10:22

Hwome lan: “Kwom a lompa Kornelia mwottsan to hüikya changpu; chix a tuita müikya khünak changle tamchu Zang shwomkya mix changle ilaxlechu Jehudi nok pange wüi chathua zale e-sekya mix changle. Nange akax angkya oli tsai-kax apale kop angkya hanpakma chix hom to nang se angkya Zang kaxtaimix tuitae chix füi akaxdaoa.”

WANWÜNKAX 30:5

“Zang-e chix kaxtsao pangwüi thomle. Ma khangkhom nui lomle chix hato hüikyabu hanpakma chix a nyadi jaojao.

MÜNCHUAK-TSAI 84:9

Kwom wanghompa to mohimanhüi, O Zang, nange kamle kopkya wanghompa a.

1 SAMUEL 9:9

Sol-e lan: “Ija a müikya tutex tuita changle! khaxa paohax.” Idaile hokhi a ija otsao khünak ngokya tinglong to ngui. Okhi a tinglong to dong ang haxfa to ahamle tüipongma, hokhi füi ti to za angkya naochabu apong. Okhie naocha ibu ma atüi: “Ajepa tinglong ma chitüitüipuix?” (Ipongma ajepa ang ngünpa le nyak, ikhoma owawae Zang ma tütali atüise jangtsuba, chixe thüiüi: “Aje hato paohax.”)

EZEKEL 11:24

Mikngün-ohün ma ku a Zang-e dingkho to nwon ilaxle zanda ang ngokya Babilon nok to chatle apüitox. Ifüima ija mikngün-ohün sam,

1 PUKAX-PANGAO 28:20

Wanghompa Dawid-e chix sasün Solomon ang thüi: “Mong taxhi ikoxle mongchongle changlax. Mwt owang wang kox, owaechu nang to abax ang taxtom. Kue owa to thothale hüipuix, ija Jowanpa nang füi tüiüi. Otuechu chixe nang danle müntoxpu, ikoxle chix Zangshwom-Hom ma mokse mwot ashukle machang tanto chix a nang füi ngo angkya changle.

EZEKEL 1:1

Zanglao tsübün achyet angkya lyetjang ali to nyix aga lükya ma, Buzi sasün, nguapa Ezekel, ku a Judah nok zanda ang kople paokyabu füi tomle Babilon angkya Kebar Shuanu zui ma ngole tüikya. Zangdingkho kadap, ilaxle kue Zang mikngün-ohün tuita ngün. (

MATHI 28:5

Kaxtaimixe shekobu füi akax, Hünzom taxza, hünzome pünsak ma takle langkya Jisu lompu le kue awanle.

ISAIA 44:8

Taxza, ku khünakbu! Kaipong tokhange anyix kople ichu ile chang angkya kue tix aje thompule hünzome awan ngopu, ilaxle hünzom a ku kaxkhibu changpu. Tamchatle mama baozangbu tütüichami? Kue ma-atatkya tsak-zong füikya mama baozang züita tüichami?”

HUAKE LAIPEX 12:6

ija ma Jowanpa akax: “Athax kue chem akaxüihex, ija to na thale apalax! Chemtue hünzom khama ajebu tüipuix kue ku sün hwom hato mikngün-ohün ma aho ilaxle wünmang ma zangwünle changpu.

PONGWANG LAIPEX 15:2

Ikoxle Abram-e lan: “Khüthak Jowanpa, nang hinghoe ku ang chem fün amüiüi, chemthüikoxle ku ang osix-oli ang owangaxchu chitüikha. Ku mantswon angkya ku ang Damaska nok Eliazar tata wüi.

PONGWANG LAIPEX 15:4

Ifüima chixe Jowanpae chix füi tamchatle akaxkya atat: “Ija dapa Eliazar-e nang man müntswonüi; hünsa tomtatae tix nang mantswon angkya changpu.”

PONGWANG LAIPEX 31:7

Ikoxle ngaxchu hünpae ku dyen ilaxle chixe otha koxüi thüikya othom bün ma lüixchüix le ngo. Ikoxlechu chixe ku to chakmokle chang angkya Zang-e chidan.

HUAKE LAIPEX 18:20

Jowanpae Arun ang thüi: “Mantswon füikya tuina nange ku angkya chemchu münkoppu, ilaxle Israel nok haxtok süntswon nang ang jongtakhachu münfapu.”

HUAKE LAIPEX 24:4

Owae Zang kax atat ang tsuak puix. Mike hungo-ngale mikza ma kue wünmang ngün ang tsuakle Khüthak Zang tokhange mikza ma ale lea.

1 SAMUEL 15:10

Jowanpae Samuel ang thüi:

2 SAMUEL 22:3

Ku Zang a ku khowapa, ilaxle chix ma ku azangle ngopu. Chixe di lailaile ku to tukle thom; chixe ku khose ilaxle ozün ma thom. Chix a ku khosünpa; chixe ku kho awale tamchu chakmok-janlang chak tokya khosünle thom.

PONGWANG LAIPEX 22:1

Ifüima alüile chingo homtoxle Zang-e Abraham to thwontsing; chixe Abraham nyak: “Abraham a!” Ilaxle Abraham-e lan: “Ui, ku ikhama tüile!”

PONGWANG LAIPEX 22:20

Aluile chingo homtoxle Abraham-e Milkah-e hotüi Nahor ang naosom achyet pux-paile koxkya awan ang kop:

TSAITONG-KAXTONG 18:2

Hwome mama homjenbu lailaile haxtok münkopüi; ikoxle Jowanpae tsaodaokya ningle, zompu-zangpabu ang achangle Jowanpa thotha angkya a hwom süntswon changpu.

2 WANGHOMBU 1:15

Ifüima Jowanpa kaxtaimixe Elija ang thüi: “Chix füi tomle jukox. Chix thua zale taxngo.” Ifüima Elija achexle wanghompa hato ju.

MÜNCHUAK-TSAI 3:4

Ku to fong angkya hanpakma kue Jowanpa nyak, ilaxle chix otsao haxnu makhange chixe ku to lan. Selah

MÜNCHUAK-TSAI 115:10

Hünzom Zang zompu-zangpabu, hünzome Jowanpa to mongong thomkox. Hünzom to chixe fongpu tamchu kho-awale thompu.

ISAIA 40:10

Jowanpa Khüthak Zang a tsak-zong füi apün ang nguingole, chixe sünle kopkya khünakbu chix füi tomle laxlaxle a.

JEREMIA 39:17

Ikoxlechu Jowanpae nang kho-awale changüi, ilaxle nang a nang zale ngokya khünakbu chak to münkoxüi.