PONGWANG LAIPEX 13:16 - OTSAO BAIBEL (BSI)

¹⁶ Kue nang ang owaechu akiak ang chithole su-sa hwom huanuma koxüi; hwom akiakkya füi a chaxwan tok angkya haxbu akiakkya wüi ochwon changüi!

PONGWANG LAIPEX 13:16 ပူးပေါင်းရင်းမြစ်များ

HUAKE LAIPEX 23:10

Israel nok sixli hwom a haxbu lailaile: Hwom a akiak ang jao chithole tüile. Kue ku hanpak Zang khünakbu lailaile ahom ang tomhüi; Otsao khünak tuita ningle ku mongsom ma zi ang tomhüi.”

PONGWANG LAIPEX 28:14

Hwom a haxtsa angkya haxbu büta pu-tsale changüi. Hwome hwom haxsüt longzi pangnu chito akhaole paoüi, ilaxle nang hia nangsix-nanglibu makhange pangnu jat-li to mohimankya tüiüi.

PONGWANG LAIPEX 32:12

Nange ku ang, pangnu müile hüi angkya tamchu owaechu akiak ang chithole shuanu kax angkya fixtsang büta kusix-kuli lai ang koxüihex-ole tsaokya nang kaxtsao texle atak-hüi.”

1 WANGHOMBU 3:8

Ku a, nange mamix ang zünle kopkya khünaknu, e-ang chithole tüikya khama tüile.

LAIPAO 32:13

Nang dapa Abraham, Isak hia Jakop hwom texle ataklax. Zangkho tokya lyettsibu ningle hwom sixlibu lai ang tomüi ilaxle nange hwom ang koxüihex-ole tsaokya haxtok jento hwom sixlibu kux ang achangüi lükya nang kaxtsao texle ataklax.”

PONGWANG LAIPEX 22:17

Ding angkya lyettsi hia tinu kax tokya sak büta kue nang ang sixlibu kox angkya tsaopu. Nang sixli hwome zan-nokbu to tingtakle tsuaküi.

PONGWANG LAIPEX 15:5

Chix homtho to alailaxle Jowanpae thüi: “Zangdingkho to hulax ilaxle lyettsibu elax, itukux jao nang sixlibu tüi angkya changle.”

MIKNGÜN-OHÜN 7:9

Ifüima kue hukoxle: owaechu akiak ang chitho le tüle tülekya khünaknu tusox tüikya! Hwom a pangnu jat-li, saxthom homjen, chaxwan longkho, kax-ngao tokyabu changkya. Hwom a chak ma pam pünkangbu twontwon le nyi tsekyabu awunlaxle, chongwang tüntong hia Chun Hosa thüntho ma ajong.

JEREMIA 33:22

Kue ku dapa Dawid hwom sixli hia Liwi hwom homjen zompu-zangpabu pu-tsale chang ang tomüi, ikhoma hwom khünak huak a ding angkya lyettsi hia tinu kax angkya fix büta okiak chithole tsaüi.”

1 PUKAX-PANGAO 27:23

Zanglao 20 manguikya khünakbu wanghompa Dawid-e akiakle chichang, chemthüikoxle Jowanpae Israel khünaknu a ding angkya lyettsi büta tsa angkya tsaosaxkya tüikoxle.

1 PUKAX-PANGAO 21:5

Süpahi mwot to süt ang tsuakle tüidaokya 1,100, 000 khünak a Israel ma ilaxle 470, 000 khünak a Judah male akiakle alaikya chixe wanghompa Dawid hato kaxwün wang.

1 WANGHOMBU 4:20

Judah hia Israel khünakbu a tinu kax to tüikya fixtsang büta akiak ang chithole tüikya; hwom pangwüi sax-lingle tamchu mongmüi-pwonlale ngo.

KAXFÜNPA-HWOM 6:5

Hwom a naxnu-naxlang hüikya ningle tsom-pom hia nyihombu füi tütlople nguiüi. Hwom khünak hia utbu a akiak ang ojao chithole lui. Hwom nguilaxle chaxwan bakle thule akhix tox.

KAXFÜNPA-HWOM 6:3

Chemtue Israel noke tsaxshit-tuaküile changüihex, Amalek nok tamchu sak-hax tokya khünakbu koplaxle ngui üntoxle Midi noke hwom to sing.

TSAITONG-KAXTONG 1:10

Jowanpa hünzom Zang-e hünzom ding angkya lyettsi büta tsa ang tompu.

LAIPAO 1:7

Ikoxlechu hwomsix-hwomli, Israel khünaknu müimamale pu-tsale hüi. Ijip haxtok hwom-hwome wüi awangle tüle tsak-zongle hüi.

PONGWANG LAIPEX 46:3

Zang-e thüi: “Ku a Zang, hünpa Abraham Zang changle! Nang Ijip nok to ka ang taxza; ikhato kue nang sixlibu chongkya jat-li tuita ang achangüi.

PONGWANG LAIPEX 35:11

Ilaxle Zang-e chix ang thüi: “Ku a Khüthak Zang changpu. Susa hwom huanuma alailax. Hwom makhange jat-libu tüle laiüi, ilaxle nang a wanghombu putong ang changüi.

PONGWANG LAIPEX 28:3

Nang tüle simüi-limüile pu-tsale chang angkya hanpakma Khüthak Zang-e mohimanle naxchangfa.

PONGWANG LAIPEX 26:4

Kue nang sixlibu ding angkya lyettsi büta lai ang tomüi, ilaxle nang sixlibu ang ibibi haxtok komkaile koxüi. Chaxwannu angkya jat-libue ma hanpak ang mohiman, nangsix-nanglibu makhange tix koplaxüi;

PONGWANG LAIPEX 21:13

Kue dacha sasün ang chuwüi kue su-sa hwom huanuma kox angkya changle. Ile hwom chuwüi tuita jat-li ang achang ang tomüi. Chix chuwüi nang sasün tuita changle.”

PONGWANG LAIPEX 18:18

Chix su-sa hwom a chongkya tamchu tüle tsak-zong füikya jat-li tuita ang achangle pao angkya changle, ilaxle chix makhange kue chaxwannu jat-libu to mohiman angkya changle.

PONGWANG LAIPEX 17:20

Kue Ishmael hanpakma nange tsaiju-kaxjukya atatdaoa, ikhoma kue chix to mohimanüi. Kue chix angchu su-sa hwom tamchu sixlibu huanuma koxüi. Chix a tuita, wanghom bün-anyi hopa ang achangüi, ilaxle chix sixli hwom makhange kue chongkya jat-li zingüi.

PONGWANG LAIPEX 17:16

Kue she to mohimanüi, ilaxle she makhange kue nang ang sasün tuita koxüi. Kue she to mohimanüi ilaxle she a jat-libu honu tuita ang achangüi, ilaxle sasün hwom khama wanghombu chuwüi tüiüi.”

PONGWANG LAIPEX 17:6

Kue nang ang su-sa hwom huanuma koxüi, ilaxle hwom khama züizüi a wanghom angchu changüi. Nang su-sa hwom huanuma tüikya khoma hwom a ojat-olibu ang achangüi.

IBRI 11:12

Abraham omang bütukuxle changün koxlechu, ija mixsün tuita makhange ding angkya lyettsi büta tamchu tinu kax angkya sak huak büta tüle-tüle osix-oli ngui.

PONGWANG LAIPEX 16:10

Ifüima chixe thüi: “Owaechu hwom e-ang chithole kue nang ang osix-oli faüi.

PONGWANG LAIPEX 17:2

Kue nang füi ku Tsaotsüt laxüi ilaxle nang ang sixli huanuma tüiüi.”

2 WANGHOMBU 13:23

ikoxle hwom to Jowanpae huanuma chingchale chang. Chixe hwom amüt ang chitom, ikoxle hwom to fongle hüi. Ile Abraham, Isak hia Jakop hwom füikya chix Tsaotsüt tüikya khoma chixe chix khünaknu Israel nok otuechu chialak.

2 PUKAX-PANGAO 1:9

O Jowanpa, nange apa hama tsaosaxle changkya changle hüi ang tomhüi. Nange ku a, e ang chithole tüikya khünaknu thakma apün ang zünle koppu,

PONGWANG LAIPEX 32:13

Ija ja chix ikhama pom ilaxle chix tuina kha angkya hotüi Esau ang kox ang, chix hingho ang ibibile süile kop: Zwonunu 200 ilaxle zwonpongpong 20; chunnunu 200 ilaxle chunlala 20; ut honunu 30 füi hosabu; maihu hununu 40 ilaxle hupongpong 10; mantsak honunu 20 ilaxle olala 10 ibibi.

JOB LAIPEX 5:25

Wunsa khatokya fumle büta nang su-sabu tüiüi.