PONGWANG LAIPEX 13:11 - OTSAO BAIBEL (BSI)

¹¹ Ikhoma Lot-e chix hanpak ang Jordan haxsha komkaile zünle kop ilaxle handün chikao to achexle pao. Ija a Abram hia Lot nyi afanle paokya kax.

PONGWANG LAIPEX 13:11 ပူးပေါင်းရင်းမြစ်များ

PONGWANG LAIPEX 13:9

Idaile athaxpi afanhax. Nang mong alualuachi haxtok zünle koplax. Nang lomta ma lelax, ilaxle ku a mama lomkua to leüi.”

1 PITAR 2:17

Pangnusa chathua zale tüikox, mongong ma tüinaohom to mongkünle tüikox, Zang thua zakox, üntoxle chongwang chathua zale tüikox.

IBRI 10:25

Züizüie mokle hüi ngokya ningle, keme tata füi apong asaole ngokya wanlom taxamüt hax. Itülüi, keme sisile mix keme tata ang zong adün hax, chemthüikoxle Jowanpa hanpak chwonle hüingole.

WANWÜNKAX 27:10

Nang zuikhuibu hia mapa zuikhuibu alakle taxchang. Nang tingtui dongle changpongma, haxnu-homsabu ang asunhüile taxthüi; tsailo tokya haxnu-homsabu füi onui ma tüikya tomzipae wüi sümüile nang to fong ang tsuak.

MÜNCHUAK-TSAI 119:63

Ku a nang thothale ngokya pangnusa zuikhui changpu, nang wanlom kax ma laxle tüikyabu zuikhui a.

MÜNCHUAK-TSAI 16:3

Jowanpa to mongong tüikya khünakbu chemtukux ataxkya hex! Hwom füi ngo angkya a ku mongmüi akhokya changpu.

PONGWANG LAIPEX 13:14

Lot-e danle toxkya füima Jowanpae Abram ang thüi: “Nang ojong tokyahex, pangnu chito akhople müile hukoplax.

PONGWANG LAIPEX 19:17

Ifüima kaxtaimix tuitae thüi: “Hünzom khang azang ang zikle paolax! Aküile taxhu chichangba haxsha to zak-zui le taxchang. Hünzom chilang angkya hanpakma haxhua chito zikle paolax.”

PONGWANG LAIPEX 13:10

Lot-e akhople hu ikoxle Jordan haxsha Zoar alople, tie awangle, Jowanpa tsawatkha lailaile chichangba Ijip nok haxtok lailaile ngünle lax. (Ija a Jowanpae Sodom hia Gomorah tingnu nyi amütüi thoto wüi changkya.)

PONGWANG LAIPEX 13:12

Abram a Kanan haxtok ma wüi ngo, ikoxle Lot a Sodom zui ma haxsha angkya tingnubu khato homzai laxle ngo.

EZEKEL 47:18

“Handünchi longzi a shuathong chitole le, Damaska hia Hauran nyi haxsüt füi azitkya makhange, hannopchi ma Jordan shuanu a, hannopchi ma Israel nok ilaxle handünchi ma Gilid nok füi long azile, Omang Tinu ma tüikya Tamar to nguile le.