PONGWANG LAIPEX 12:2 - OTSAO BAIBEL (BSI)

² Kue nang ang su-sabu huanuma koxüi ilaxle hwom a chongkya jat-li tuita ang achangüi. Kue nang to mohimanüi ilaxle nang fuale wünkya mix ang achangüi, ikoxle nang a mohiman tuita ang achangüi.

PONGWANG LAIPEX 12:2 ပူးပေါင်းရင်းမြစ်များ

2 SAMUEL 7:9

Nang apaopao pangkha towüi ku nang füi womle tüikya, ilaxle nang zankat foto kue nang ang zanpabu to lüt ang tompu. Kue nang a tüle zangle wünkya khünak tuita ang, chaxwan tokma chongkya-chongkya lompabu ningle achangüi.

GALATIA 3:14

Chasa mongong makhange keme Zang kaxtsao pongle kop angkya hanpakma, Zange Abraham ang tsaodaokya mohiman chix makhangetix mixnokbu ang kox angkya bama Khrista Jisu-e Wanlom thuakzom chak tokya kem khosün.

PONGWANG LAIPEX 18:18

Chix su-sa hwom a chongkya tamchu tüle tsak-zong füikya jat-li tuita ang achangle pao angkya changle, ilaxle chix makhange kue chaxwannu jat-libu to mohiman angkya changle.

PONGWANG LAIPEX 35:11

Ilaxle Zang-e chix ang thüi: “Ku a Khüthak Zang changpu. Susa hwom huanuma alailax. Hwom makhange jat-libu tüle laiüi, ilaxle nang a wanghombu putong ang changüi.

PONGWANG LAIPEX 46:3

Zang-e thüi: “Ku a Zang, hünpa Abraham Zang changle! Nang Ijip nok to ka ang taxza; ikhato kue nang sixlibu chongkya jat-li tuita ang achangüi.

PONGWANG LAIPEX 26:4

Kue nang sixlibu ding angkya lyettsi büta lai ang tomüi, ilaxle nang sixlibu ang ibibi haxtok komkaile koxüi. Chaxwannu angkya jat-libue ma hanpak ang mohiman, nangsix-nanglibu makhange tix koplaxüi;

PONGWANG LAIPEX 24:35

Ku hopupa to Jowanpae müimamale mohimanle chix a tuita saxpu-luawang ang achangle tüile. Jowanpae chix ang chun zyembu, zwon zyembu, maihu zyembu, khop hia hunbu, dabu sheko hia lükabu, ut hia mantsakbu pangwüi koxle tüile.

GALATIA 3:7

Idaile Abraham sixli tsingtsing a mongong füikyabu changle le hünzome awanle lax angkya oli changpu.

LAIPAO 1:7

Ikoxlechu hwomsix-hwomli, Israel khünaknu müimamale pu-tsale hüi. Ijip haxtok hwom-hwome wüi awangle tüle tsak-zongle hüi.

PONGWANG LAIPEX 13:16

Kue nang ang owaechu akiak ang chithole su-sa hwom huanuma koxüi; hwom akiakkya füi a chaxwan tok angkya haxbu akiakkya wüi ochwon changüi!

PONGWANG LAIPEX 15:5

Chix homtho to alailaxle Jowanpae thüi: “Zangdingkho to hulax ilaxle lyettsibu elax, itukux jao nang sixlibu tüi angkya changle.”

TSAITONG-KAXTONG 26:5

Ifüima Jowanpa tunthoma nange kax ibibile zexüi: ‘Ku putong a chaxwan faokya aham ngokya tuita Aram nok changkya. Chix a Ijip nok to kako koplaxle ngo ang ka. Ikhato kapongma hwom mixhuak hidaole wüi changkya, ikoxle hwom tüle chongkya tamchu tsak-zong füikya jat-li tuita ang achang.

LAIPAO 32:10

Athaxpi nange ku to abax ang taxazong. Hwom füi ku ang mong zongbak tsiküna. Hwom tha kue ama angkya jao changpu. Ifüima kue nang üntoxle nang sixli tuita chongkya jat-li ang achangüi.”

PONGWANG LAIPEX 28:14

Hwom a haxtsa angkya haxbu büta pu-tsale changüi. Hwome hwom haxsüt longzi pangnu chito akhaole paoüi, ilaxle nang hia nangsix-nanglibu makhange pangnu jat-li to mohimankya tüiüi.

PONGWANG LAIPEX 27:29

Chaxwan angkya jat-libu hünzom da ang naxchang, ilaxle khünakbu hünzom zongto puinai le naxchang. Hünzome hünzom haxnu-homsabu thakma apün-awangle naxchang, ilaxle hünnu sixli hwom hünzom chitong to akhuxle naxchang. Hünzom to thuakzomle changkyabu thom-mwon le naxchang, ilaxle hünzom ang nomfui le thüikyabu mohiman ang naxchang.”

PONGWANG LAIPEX 19:29

Ikoxlechu haxsha ma tüikya, Lot ngokya tingnubu amüt pongma, chixe Abraham texle atak ilaxle Lot a zingmüi ma paole azang ang tom.

ROM NOK HATO ZAKYA POL LAIZA 4:11

Chix khwonzüt zom a chixe Zang to mongongkya khoma, chixe khwon mazüt tanto wüi, Zange chix otsao khünak le laxkya münwan aho ang zingpu, idaile chixe khwonzütkya a ofüito tix changle.

HUAKE LAIPEX 14:12

Kue hwom hato kaknu-laknu le ang tomüi ilaxle hwom zi ang tomüi, ikoxlechu kue nang a ibu füi süluikya tamchu tsak-zongle tüikyabu hopa ang achangüi!”

1 WANGHOMBU 1:47

Ito kaile, khwa angkya okax-okhobu nguilaxle chix chathua zakya ahole hwome wanghompa Dawid ang thüi: ‘Solomon a nang Zang-e nang to ngaxchu alyemkya wanghompa ang naxachang hüi ilaxle nang to kaile chix ahak-aluale naxchang hüi.’ Ifüima wanghompa Dawid Zang achuakle shwom ang lyading ma akhux.

MIKA 7:20

Nange nang khünaknu, Abraham hia Jakop sixlibu, kwom putong hwom füi nange tsaole thomdaokya ningle, kwom hato chialekya mongong hia chizakkya nang mongkün aho angkya changle.

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

PONGWANG LAIPEX 24:1

Athax Abraham a müimamale azuün, ilaxle chixe amokmok pangnusa to Jowanpae mohiman.

PONGWANG LAIPEX 25:11

Abraham zi füima, Zang-e sasün Isak to mohiman. Isak a “Ku Ngünle laxkya Ozün ma Tüikya Zang Kux Tüküi” zui ma hom-hax zinglaxle ngo.

PONGWANG LAIPEX 26:3

Eja chaxwan to nang wünpa tuita ningle ngolax ilaxle ku nang füi tüile. Kue nang to mohimanüi, chemthüikoxle kue nang ang tamchu nangsix-nangli ang haxtok ibu pangwüi kox angkya changle. Ile kue hünpa Abraham füi tsaotsütdaokya ningle mokle wüi shu angkya changle.

HUAKE LAIPEX 22:12

Zang-e Balam ang thüi: “Khünak ibu füi tomle nang taxpao, ilaxle Israel khünakbu to thuakzomle taxchang, chemthüikoxle ibu a ku mohiman changle.”

HUAKE LAIPEX 23:20

Ku ang a mohiman ang adangle fadaoa, Ilaxle Zang-e mohimanle changdaokya füima, kue ija achatle lax ang müntho.

MÜNCHUAK-TSAI 107:38

Chixe chix khünaknu to mohiman, ilaxle hwom ang su-sabu huanuma tüi; ilaxle hwom müizyembu chixe sütsa-sütsale tsa ang tom.

EZEKEL 34:26

“Kue hwom to mohimanüi ilaxle ku otsao haxnu akhople ngo ang tomüi. Ikhato hwome ti lom pongma ti koxle kue hwom to mohimanüi.

ZEKARIA 8:13

Judah hia Israel khünaknu! Amipongma mixnokbue ‘Judah hia Israel nok hato nguikya thuakzom hünzom hatochu naxngui’ le akaxkya füi tata to thuakzomle bangpu. Ikoxle kue hünzom khosünüi, ifüima ibu mixnokbue tata hama thüiüi, ‘Judah hia Israel nok hato nguikya mohiman hünzom hatochu naxnguikox!’ Idaile mongchonglax ilaxle taxza.”

PONGWANG LAIPEX 17:20

Kue Ishmael hanpakma nange tsaiju-kaxjukya atatdaoa, ikhoma kue chix to mohimanüi. Kue chix angchu su-sa hwom tamchu sixlibu huanuma koxüi. Chix a tuita, wanghom bün-anyi hopa ang achangüi, ilaxle chix sixli hwom makhange kue chongkya jat-li zingüi.

JOB LAIPEX 35:8

Nang ochax khoma mixe sikngün apong ngopu, ilaxle nange müikya mokle changkyae mix fün amüipu.

ISAIA 51:2

Hünpu, Abraham ajangle koplax, tamchu Sarah, owa makhange hünzom pu-tsale hüipuix. Kue chemtue Abraham nyakkya hex, chix ma naosom matüikya, ikoxle kue chix to mohiman ilaxle su-sa hwom kox; kue chix su-sa hwom huanuma pu-tsale chang ang tom.