PONGWANG LAIPEX 10:9 - OTSAO BAIBEL (BSI)

⁹ Jowanpa tunthoma chix a chongkya müihap mix tuita changkya ikhoma khünaknue ile apyen: “Jowanpae nang a Nimrod ningle tuita chongkya müihapmix ang naxachang.”

PONGWANG LAIPEX 10:9 ပူးပေါင်းရင်းမြစ်များ

MÜNCHUAK-TSAI 52:7

“Hulax, ma khosün hanpakma chix a Zang to chiongkya mix changle, itülüi chixe huanuma tüile ngokya tuina towüi mongongle ilaxle chichangchizangle tüikya ma chix khang azang angkya olom to hule.”

2 PUKAX-PANGAO 28:22

Chix tingtuibu huanu ziama ma changpong khae, ija mixsün Ahaz-e ozangjang to kaile Jowanpa zongto ochax lyen.

PONGWANG LAIPEX 27:30

Isak-e chix ang mohiman koxkya tsuaklaxle laile paokya füishemle fao tokya Esau wangle hüi.

PONGWANG LAIPEX 25:27

Okhi tsongle hüikya zuma, Esau a müihap le faokhakha to ngose tsukya mix ang achang, ikoxle Jakop a nyihom ma dangjajale ngonuikya mix ang lai.

PONGWANG LAIPEX 13:13

Ibu khünakbu a Jowanpa zongto chichang-chizangkya tamchu ochax khünakbu changkya.

PONGWANG LAIPEX 6:11

Zang miksho ma mamabu ang pangwüi thaile tüikya, ilaxle pangnu khato wüi changnong-pünthom tatale tüikya.

PONGWANG LAIPEX 6:4

Ipongma, ilaxle ifüima su-sa wüi, zangkho tokya Zangsu-zangsabu hia shekobu makhange pux-paile changkya tomchong-hualo khünakbu tüikya. Kaipongma hwom a mixtsak-naomüibu tamchu zangle wünkya khünakbu changkya.

MIKA 7:2

Ija haxtok ma, Zang kax ma laxle tüikya sukya khünak tuita danle müntox. Pangnusasa wüi mik amüt angkya hanpakma ziasyen thatan ngole. Noknoke wüi ma-mix zan to kale ngole.

EZEKEL 13:18

ilaxle hwom hama Jowanpa Khüthak Zang-e hwom füi akaxle ngokya kax apuale laxkox: “Hünzom shekobu maxdaoa! Mix pangnu to hünzom tsak-zonge ole tsuak angkya kuxmale Khünak noknusae hünzome khun-hing khopsanbu ilaxle noknusae akhang ma asün angkya hanpakma khun-hing khangngüi nyi, ibu zing. Hünzome ma olüi hanpakma twon ang ku khünaknu azangle ngokya hia zikya pangnu thakma hünzom ma tsak-zong tüile ngosele hünzome thüt.

JEREMIA 16:16

Jowanpae thüi: “Ibu khünaknu kop angkya hanpakma kue nyaxlwot mixbu huanuma apao ngopu. Ifüima kue müihapmixbu huanuma, haxnu hia haxhua tamchu longkun hia longlua pangnu khato hwom to hap ang apaoüi.

PONGWANG LAIPEX 10:8

Kush ang Nimrod le amünkya sasün tuita tüikya. Chix a chaxwannu pangnu to lütle tsuakkya mixtsak-naomüi tuita ang achang.

PONGWANG LAIPEX 10:10

Pongwang ma chix wangting ma ibibi womle tüikya: Babilon, Erek hia Akad; ibu pangwüi Shinar haxtok ma tüikya.

ISAIA 18:2

Ija haxtok tokhange acha makhange zingkya khua ma ngalaxle wangnak-wangshembu Nail shuanu fole jule. Hom to chatlax, akhangle nguikya kaxhomixbu! Shuanue atsyenlaxle tüikya hünzom haxtok to kaxho tuita chatkox, tüle tsak-zong tamchu zaxzangle tüikya jat-li hato, haxtsua-zangthale tamchu tsangtsa khwon naishemle tüikya hünzom khünakbu hato; hwom a zangfang pangnu chazale tüikya khünakbu changle.