PONGWANG LAIPEX 1:3 - OTSAO BAIBEL (BSI)

³ Ifüima Zang-e kaxtom koxle akax: “Zangngai laiün”. Ija ma zangngai lai.

PONGWANG LAIPEX 1:3 ပူးပေါင်းရင်းမြစ်များ

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

JUHAN 1:5

Ija zangngaie zangnak khato nyan ilaxle zangnake ija amüt ang chitho.

ISAIA 45:7

Zangnak hia zangngai pangnyi wüi kue zingpu; mohiman hia thama pangnyi wüi kue apüipu. Ku, Jowanpae, ibu pangwüi mokpu.

ISAIA 60:19

“Athaxpi zanghan a hünzom zongto anyixningkya wünnyan ang chichangüi Chichangba zangnak ma lyetnu a hünzom wünnyan ang chingoüi; Ku, Jowanpa, oshuk chitüile hünzom wünnyan ang ngoüi; Ku fuazangkya wünnyane hünzom ang zangngai koxüi.

1 JUHAN 1:5

Hosa makhange kwome atatle laxkya hünzom ang tsingang tomkya kaxho a ija: Zang a zangngai, ilaxle chix ma zangnak ojao müntüi.

EFISIA 5:8

Hünzom jaojaochu zangnak to ngokya, ikoxchu hünzom Zang khünaknu ang achangkya füi tomle, hünzom zangngai ma tüile. Idaile hünzome a zangngai khünakbu ningle saxmok angkya changle.

JUHAN 1:9

Chix a zangngai tsingtsing, zangngai ojae chaxwannu hato nguilaxle khünaknusa to nyanlaxpuix.

JUHAN 3:19

Ilaxle kaxfün a ija changle: Zangngai chaxwannu to hüidaoa, ikoxle khünake zangngai füi zangnak towüi sükün, chemthüikoxle hwom mwotbu a ochax chang.

MÜNCHUAK-TSAI 33:6

Jowanpae zangkhobu chix kaxtom füi zingle alaipu, chix kaxbu füi zanghan hia lyetnu üntoxle lyettsibu zingle alaipu.

MÜNCHUAK-TSAI 148:5

Hwom pangnusae Jowanpa mün achuakle chang ang tomkox! Chixe kaxtom kox, üntoxle ibu zingle tsuak;

MÜNCHUAK-TSAI 97:11

Otsao khünakbu to zangngaie fale, ilaxle müikyabu to mongmüie awangle.

MÜNCHUAK-TSAI 33:9

Chixe zangwün pongma, chaxwannu zingle alaipu; chix kaxtom ma pangnusa laipu.

1 JUHAN 2:8

Ibachu athax kue hünzom hato zale ngokya kaxtom a hozün tuita changle, chemthüikoxle ija otsingtsing a Khrista machu tamchu hünzom machu ngo ang kople. Chemthüikoxle zangnaknu kaile leüna, ilaxle zangngai tsingtsinge nyanle tüile.

EFISIA 5:14

chemthüikoxle oja tsaotha le angaipuix, ija zangngai ang achangle. Idaile ile akaxkya tüile, “Jiple ngokya mix, zolax; üntoxle zi ngoünkya zolax, üntoxle Khrista-e nang to nyanüi.”

MÜNCHUAK-TSAI 104:2

Nange nang to zangngai füi chwoplaxle tüile. Nange zangdingbu a nyihom lailaile pün,

JOB LAIPEX 38:19

Zangngai chemkha tokya hüipuix chichangba zangnaknu otong ojongkha hex nange awancha hex?

1 TIMOTHI 6:16

Chizi angkya a chix tata wüi. Chix owaechu tümangüntox; owaechu tamngün ang thoüi münchang. Achuak achenkya tamchu oshuk chitüi le apün-awang angkya chix kux wüi naxchang! Amen.

MÜNCHUAK-TSAI 118:27

Jowanpa a Zang changle, chix a kem zongto müile. Hünzom chak ma fummuabu koplaxle, pangpwon owang wang kox ilaxle tö-tsap akhople shonkox.

JOB LAIPEX 36:30

Chixe zangding pangnu chito zangchangjep ahüi, ikoxlechu tinu jithong a zangnaktukle ngo.

JUHAN 11:43

Ijabu akax füima chixe akhongle nyak: “Lazar laiün.”

MATHI 8:3

Jisu-e chix chak thui ilaxle chix to twonle thüi: “Ku mongtsule, müilax.” Ijama wüi ija mixsün kak müi.

PONGWANG LAIPEX 2:4

Haxtsa-zangfang a ibibile iningle zingle alai. Chemtue Jowanpae ding-hi-hax zingle changpuix,