PONGWANG LAIPEX 1:14 - OTSAO BAIBEL (BSI)

¹⁴ Ifüima Zang-e kaxtom koxle akax: “Zangnak hia zangngai ahan ang ding to zangngaibu laiün: üntoxle ibu a hanpak hia zanglao tamchu, zanglom pangpwonbu hanpak hia lyetkua-zangpua lyettex-hantya ang naxngo nui:

PONGWANG LAIPEX 1:14 ပူးပေါင်းရင်းမြစ်များ

TSAITONG-KAXTONG 4:19

Hünzome ding to ngünkya: lyetnu, zanghan hia lyettsibu to shwom angkya thwontsing ma hato hüi ang taxtom. Jowanpa hünzom Zang-e ibu bama khünakbue shwom angkya hanpakma fawüi.

JEREMIA 31:35

Anyixningkya wünnyan ang Jowanpae zanghannu kox, lyetnu hia lyettsibu a zangnak ma nyan ang kox. Chixe tinu tichap alai ilaxle ija azax ang kox; chix mün a Jowanpa Khüthak Zang changpu.

MÜNCHUAK-TSAI 148:3

Chix achuak kox, lyetnu hia zanghanbue; chix achuak kox, nyanle ngokya lyettsibue.

MÜNCHUAK-TSAI 148:6

chix kaxtom makhange ibu a othuithui hanpak ang onui ma amongle thom, ilaxle hwome kax ma chilaxle chichang tsuak.

AMOS 5:8

Lyettsibu a Jowanpae zing, Pleiad hia afoxle tüikya lyettsi chepnu ningkyabu a. Chixe zangnaknu a anyixningkya zangngai ang achang ilaxle anyixning a awünning ang achang. Chixe Molo Tinu tokya tibu nyak ilaxle ibu chaxwannu ding to thok. Chix mün a Jowanpa changle.

JOEL 3:15

Lyetnu hia zanghan nakle paoüi, lyettsibue nyankya chitüiüi.

JEREMIA 10:2

Chixe thüi: “Mixnokbu mantole taxchang; ding to ozangjang to ngünle ngokya olie hünzom mongthang ang taxtom, ija thoto mixnokbu abüt-aban daobalea.

MÜNCHUAK-TSAI 81:3

Lyetzün dongle hia lyetnu komle changpongma, pangpwon hanpakma nyazong mütle changkox.

PONGWANG LAIPEX 8:22

Chaxwannu tsünlole ngokya kople, küi-thwom angkya hia puamün zütle athün angkya hanpak tüiüi. Zangkong hia zangkham, tsonu hia zangwa, zangnak hia zangngai othuithuima ngoüi.”

ISAIA 40:26

Zangdingkho to angakle huhu! Hünzome ngünkya lyettsibu owae zing? Owae ibu süpahibu ningle azuile tüipuix, chixe ibu obi tüipuix awanle ilaxle pangnusa ang mün ma nyakle! Chix tsak-zong a tüle chongle — ibu khama tuita chu münmax-münsam!

MATHI 24:29

“Ija pongma sikngün füima thuile, zanghan nyankya zaküi; lyetnuechu münnyanüi; lyettsibu punle dütüi; ilaxle ding tokya tsakzongbu, aloxle achikachexüi.

AMOS 8:9

Kue tungto khato zanghannu düt ang tom tamchu anyixning to chaxwannu zangnak ang tom le chang angkya hanpak nguile hüile. Jowanpa Khüthak Zang, kue ija kax akaxpu.

JOEL 2:10

Hwom süsox-süsoxle soxpongma chaxwannu jao sile alox; zangdingkho sile abün. Lyetnu hia zanghan khisumle khi, ilaxle lyettsibue chu athaxpi chinyan.

JEREMIA 33:20

“Ibu othuithuima tex-tyale thomkya tuthüt ma hüi angkya hanpakma kue zangnak hia zangngai füi tsaosaxpu; ija ku tsaotsüt otuechu pünle ama ang müntho angkya changle.

MIKNGÜN-OHÜN 6:12

Ifüima Chun Hosae azok lükya shintop dapkya kue ngün. Tüle tüle zongle bütix si, nakkya müimun nyi ningle zanghan nakle pao, lyetnu komkaile aji ningle achang

MATHI 2:2

“Jehudi nok wanghom ang puxkya nao ojonghex? Kwome chix lyettsi handünchi to laikya ngünlaxle chix shwom ang nguipu.”

EZEKEL 46:1

Jowanpa Khüthak Zang-e thüi: “Omong tokya nui ma tüikya handünchi fülom a hanpak nyix 6 mwot mokle nuikya tuk bama hakle thom angkya oli changpu, ikoxle ija a Sabath nyix hia Lyetzün Pangpwon tuk ma daple thomüi.

JEREMIA 33:25

Ikoxle ku, Jowanpae zangnak hia zangngai füi tsaotsüt thompu, ilaxle ding-hi-hax ziakople thom angkya wanlom kue zingpu.

JOB LAIPEX 25:5

Chix miksho ma lyetnu ngaxchu nyankya ang münchang, lyettsibu chuwüi tsaokya le münchang.

PONGWANG LAIPEX 9:13

kue ku hapnu zangfwom ma danpu. Ija a chaxwannu füikya ku Tsaotsüt ang changüi.

MIKNGÜN-OHÜN 8:12

Ifüima ali lükya kaxtaimixe chix nyazong müt. Zangngai othom azom ma ahankya thom tuita zangngai chitüi le changkya; üntoxle zangnak hia zangngai othom azom ma ahankya thom tuita ma zangngaikya chitüi angkya hanpakmale zangnaktukle chang angkya hanpakma, zanghan othom azom ma ahankya thom tuita to, lyetnu othom azom ma ahankya thom tuita to le fitdaoa.

KAXHO MÜIKYA LUK 23:45

Üntoxle Zangshwom-Hom atsyen le thomkya nyi tanti makhange kyetle afi pao.

MARK 13:24

“Ija sikngün zothup kaikya füima, zanghan nakle maxüi; lyetnue tam chinyanüi;

EZEKEL 46:6

Lyetzün Pangpwon ma chixe ojao ofwot chitüikya müi ibibi: maihupongsa tuita, chun hosa azok, chun ola tuita le apüi kox angkya changpu.

MÜNCHUAK-TSAI 119:91

Nang kaxtom khoma anyix kople tütalichu tüile ngole, chemthüikoxle ibu a pangwüi nang dabu changle.

JOB LAIPEX 25:3

Chix thotha ngokya kaxtaimixbu owawae akiak-tho angcha? Zang zangngaie chinyankya onui tüidaicha?

JOB LAIPEX 3:9

Swomsa lyettsie nyan ang taxtomünfa; ija ja nakkya zangnak ang, füinop zangngai ngünse tex ang taxtomünfa.

MIKNGÜN-OHÜN 9:2

Ija lyettsie tswom ka dap, ilaxle ija tswomkha tokya wünkhut lai. Ija wünkhut a tüpong tüpongkya wünchua tokya wünkhut ningle lai. Ija wünkhute zanghan hia zangwin to tuk.

PONGWANG LAIPEX 1:13

Ija füima zangnak üntoxle zangngai. Ija a nyix azom lükya changkya.

PONGWANG LAIPEX 1:15

chaxwannu Zang angai ang ibu a ding to fale naxngokox” -üntoxle ija ile chang.

MÜNCHUAK-TSAI 150:1

Jowanpa achuak kox! Chix Zangshwom-Hom ma Zang achuak kox! Zangkangting to chix janzüi achuak kox!