PONGWANG LAIPEX 1:12 - OTSAO BAIBEL (BSI)

¹² Ikhoma haxwannue pün-zua oli pangwüi alai. Zang-e ija müihule le ngünle lax.

PONGWANG LAIPEX 1:12 ပူးပေါင်းရင်းမြစ်များ

MARK 4:28

Haxwane chix lualua to pün tsong ang kox ilaxlechu ziak ang tomle; pongwang ma ochak lai, ifüima tsaxto, ifüima tsaxto ma tsaxtsange awangle laiüi.

KAXHO MÜIKYA LUK 6:44

Pün pangnunu wüi ziak kya oziak makhange ija pün changa le awan ang koppu; nange fupsa ziak huxpün ma münkhai chichangba grep ziak thomchong zu ma münkhai.

GALATIA 6:7

Alüile ma kho taxhang; Zang a owaechu dyen ang müntho. Khünak tuitae chixe chem küile thomlax puix ija oziak tix khaiüi.

2 KORIN 9:10

Khünak tuita ang ali angkya tsaxli ilaxle sax angkya sütle fakya a Zang changle. Ikhoma Zange nang ang nange küi-thwomkya tsuak tang tsaxli koxüi, ilaxle opün tsong-lo ang koxüi, üntoxle ija ningle chingcha aho ang nang tsuluakya tokhange huanuma puamün ang koxüi.

ISAIA 61:11

Chemle suitsang daple asoklaxle tsongle hüipuix, Jowanpa Khüthak Zang-e chix khünaknu khosünle changüi, Ilaxle chaxwannu nok pangnue chix achuakle changüi.

IBRI 6:7

She tokma dütle wat ngokya zangwat ti lingkya üntoxle zaipupa ang lap kop ang koxle pünsa zuasa alaile fakya, ija chaxwannu to Zange mohiman hüi.

PONGWANG LAIPEX 1:11

Ifüima Zang-e kaxtom koxle akax: “Haxwannue pün-zua, otsang hia oziak füikya oli pangwüi alaikox”, -üntoxle ija ile chang.

PONGWANG LAIPEX 1:13

Ija füima zangnak üntoxle zangngai. Ija a nyix azom lükya changkya.

MÜNCHUAK-TSAI 104:14

Nange müibu hanpak ang fum chui ang tom ilaxle khünake lax-twon angkya hanpakma pünzuabu nyem ang tom. Ikhoma hwome saxziak saile alai ang tsuak