PONGWANG LAIPEX 1:1 - OTSAO BAIBEL (BSI)

¹ Chemtue Zang-e ding-hi-hax zingle alaipuix,

PONGWANG LAIPEX 1:1 ပူးပေါင်းရင်းမြစ်များ

IBRI 11:3

Zangfangjanu a Zang kax makhange zingle alaikya changpu le keme mongong füi tix tsing ang thole, ikhoma chem ngün ang thole tüilaxpuix ija a ngün ang chithokya makhange zingle alaikya changle.

ISAIA 45:18

Jowanpae zangdingkhobu zing — Zang a chix tix changpu! Chaxwannu a chixe zing ilaxle alai — chixe ija othuithui hanpak ang zing. Chixe ija khünak chingole awüt tox ang zingkya chichang, ikoxle khünaknu ngo angkya kha ang zing. “Ku a Jowanpa changpule chixe thüipu, ilaxle zang mama owa müntüi.

MIKNGÜN-OHÜN 4:11

Kwom hopunu Jowanpa tamchu Zang ang, fuazang münchong hia tsakzong, kop ang nang asule tüile; pangnu li wüi nange zing koxle; ilaxle nang mongtex matix ibu, pangnu ozün ma

IBRI 1:10

Chixe ilechu wüi akax, “Nang, Jowanpa, nange owang pongma chaxwannu zingle alai; nang chak tomta makhange nange zangdingbu zingpu.

ISAIA 42:5

Zang-e zangdingkho zingle alai ilaxle ija sha; chixe chaxwantok hia ima ngole tüikya pangwüi aza-apuale kox; ikhama tüikya khünaknu pangwüi ang chixe khüzün hia zakdün kox. Ilaxle athax Jowanpa Khüthak Zang-e chix dapa ang thüi:

LAIPAO 20:11

Nyix azok mong ma Jowanpa, kue chaxwannu, zangding, tinu üntoxle ibu ma atüitüi pangwüi zingpu, üntoxle nyix anüt lükya to ku nazakpu. Idaile Jowanpa, kue Sabath nyix to mohiman laxle otsao ang achangpu.

JOB LAIPEX 38:4

Kue chaxwannu zingpongma nang tüihom hexcha? Nange huanuma tsing-wanle jangtüi, nange ku hama ija bama apuahüi.

WANGSHEMBU MWOT 17:24

Zang, owae chaxwannu tamchu ikhama atüitüi komle zingle alai laxpuix, chix a ding hia hax ma hopupa changle, ilaxle chix a khünake zingkya zangshwom-hom ma münngo.

2 PITAR 3:5

Owang pongma wüi Zang kaxtom makhange ding hia hax zingle alai. Haxwannu a ti angkya tamchu ti füi zingle alai,

NEHEMIA 9:6

Ifüima Israel khünaknue ija zangjop jop: “nang a Jowanpa changpu, Jowanpa a nang tata wüi; zangdingkho hia ibu ma tüikya lyettsi-lyetsa pangnu nange zingpu. Nange chaxwan zangfang zing ilaxle ikhama atüitüi pangwüi nange zingpu; ibu pangnusa ang khüzün-zakdün nange fapu. Zangkho tokya tsak-zongbue nang tong to akhuxle shwomle.

ISAIA 44:24

“Ku a Jowanpa, hünzom khosünpa changle; hünzom zingle alaikya mix a ku changpu. Ku a Jowanpa, pangnuli zingle alaikya mix a. Zangdingkho ku tatae pünpu; kue chaxwannu zingpongma, owaechu ku to chiasun.

JEREMIA 32:17

“Khüthak Jowan Zang, nange nang tsak-hi-zong chongkya makhange chaxwannu hia zangdingkho zingle alaipu; nang zongto huanuma tsakkya oli chemchu chitüi.

JEREMIA 51:15

Jowanpae chaxwannu chix tsak-zong füi zing; chix je-hwon makhange haxwannu zingle alai ilaxle zangding pünle dan.

MÜNCHUAK-TSAI 33:9

Chixe zangwün pongma, chaxwannu zingle alaipu; chix kaxtom ma pangnusa laipu.

WANWÜNKAX 3:19

Jowanpae chaxwannu chix je-hwon füi zingle alai; chix je-hwon makhange chixe zangding onui ma dan.

MIKNGÜN-OHÜN 14:7

Chixe akhongle akax: “Zang chathua zakox üntoxle chix fuazang achua achenkox! Chemthüikoxle chixe khünaknüsa kaxfün angkya hanpak nguile hüile. Ding hia hax üntoxle tümik fuaknuibu zingle alaikya Zang tong shwomkox.”

MÜNCHUAK-TSAI 115:15

Ding hia hax zingkya Jowanpa hünzom to mohimanle naxtüi!

WANGSHEMBU MWOT 14:15

“Ibibi khünaknu, hünzome ija chem mok ang ajongpu? Kukhichu wüi hünzom ningle khünak changpu. Kukhi a iningkya lap chitüikya mwot mokle ngokya tokhange ding hia hax ilaxle tinubu zingle alaikya, anaolechu ibu ma tüikya khünak mixsa; müi-nyax; tamchu pün-zua pangwüi zingle alaikya ozün Zang hato chat angkya bama hünzom hato Kaxho Müikya apuk ang nguipu.

MÜNCHUAK-TSAI 136:5

Chix je makhange chixe zangdingbu zing; chix mongkün ma oshuk müntüi;

JEREMIA 10:12

Jowanpae chix tsak-zong makhange chaxwannu zing; chix je chix hwon makhange zangfang zingle alai ilaxle zangdingkho shale pün.

1 KORIN 8:6

kem hanpakma Zang, chix a Hopa, owae zünmok zingle alaipuix, ilaxle owa hanpakma kem ozün ma ngolaxpuix, chix tuita wüi; üntoxle zünmok zingkya mix owa makhange kem ozün ma ngopuix, ija Jisu Khrista Jowanpa chix tata wüi.

MÜNCHUAK-TSAI 8:3

Kue, chemtue nange zingkya zangding to hupuix, nange ibu ma ngwotnuinui to apütle thomkya lyetnu hia lyettsibu ngünpuix;

MÜNCHUAK-TSAI 102:25

Ilaxle nang chak jao füi nange zangdingbu zing.

IBRI 3:4

Changle, hom pangnunu wüi owawae zingkox tix laipu üntoxle pangnu li zingle alaikya a Zang, chix changle.

MÜNCHUAK-TSAI 124:8

Kem hato ofong-otsox a ding-hi-hax zingkya Jowanpa tokhange tix hüipu.

IBRI 1:2

ikoxle Ija hanpak oshuk ma chixe kem füi Hosa makhange zangwünkya changle, owa makhange Zange ding hia hax zingpuix, üntoxle oshukma pangnu li mantswon ang Zange owa kamle koplaxpuix, ija mixsün a chix changle.

WANWÜNKAX 16:4

Jowanpae zingkya pangnu li ma oshuk-oza tüipu; ikoxle chichang-chizangkya khünakbu oshuk a oli thukya thama changpu.

MÜNCHUAK-TSAI 33:6

Jowanpae zangkhobu chix kaxtom füi zingle alaipu, chix kaxbu füi zanghan hia lyetnu üntoxle lyettsibu zingle alaipu.

MÜNCHUAK-TSAI 121:2

Ku to fongkya a Jowanpa tokhange hüiüi; chix a ding-hi-hax zingkya mix changle.

ZEKARIA 12:1

Ija a Israel nok hanpakma Jowanpa tokhange kaxho tuita; Jowanpa owae zangding pünle akhaokya, chaxwannu zingle alaipuix, ilaxle khünak hanpakma tsün koxpuix. Chixe thüile:

ISAIA 40:28

Hünzome müntsing hia? Hünzom ma atat hia? Jowanpa a oshuk chitüikya Zang changle; zangfang abakle chixe zingle alaipu. Chix a otuechu münna-münjua. Chix tutex owaechu müntsing tho.

MÜNCHUAK-TSAI 104:24

Jowanpa, nange tüli-jali huanuma zing! Ibu pangwüi nange chemtukux jezaikya füi zingpuix! Chaxwannu a nang chakzing zünmok füi awangle tüile.

MÜNCHUAK-TSAI 96:5

Mixnok baozangbu pangnu wüi chapabu changpu, ikoxlechu Jowanpa chixe tix zangdingbu zingle alaipu.

MIKNGÜN-OHÜN 10:6

owa othuithuima ngopuix; owae ding-hi-hax üntoxle tinu, tamchu ibu ma atüitüi, komkaile zingpuix, Ija Zang münma tsaosaxle thüi: “Athax tan ngo angkya müntüi!

ROM NOK HATO ZAKYA POL LAIZA 11:36

Chemthüikoxle pangnu li chixe tix zingpu, ilaxle pangnu li chix ma tamchu chix hanpakma tix chimax homle ngopu. Fuazangkya a othuithuima Zang kux wüi naxchang! Amen.

WANGSHEMBU MWOT 4:24

Hwome ija atatkya zuma, hwom pangnu Zang to jopkya ma tom ilaxle zex: “O Jowanpa, nang a zangkangting, chaxwannu ilaxle Molo-Tinu ilaxle ibu ma atüitüi komle zingkya hopunu changle!

MÜNCHUAK-TSAI 90:2

Haxhuabu zingle alaiüi thoto wüi chichangba chaxwannu zingle alaiüi thoto wüi, nang a oshuk-owang chitüikya Zang ang ngole hüi, ilaxle othuithuima Zang ang ngo angkya changle.

ISAIA 51:16

Zangdingkhobu kue pünle danpu ilaxle chaxwannu chifün zingle danpu; Kue Jerusalem ang thüipu: ‘Nang a ku khünaknu changpu! Kue nang a ku hwon-nwot koxdaoa, ilaxle nang kue ku chak füi sünle koppu.’”

ISAIA 37:16

“Jowanpa, Israel nok Khüthak Zang, owa ozang füikya zünmokbu dingma thungle tüipuix, nang tata wüi Zang a; zangfang angkya wangtingbu nange tix apünle ngopu. Ding hia hax nange zingle alaipu.

MÜNCHUAK-TSAI 146:6

ding-hi-hax tamchu tinu shinthuk anaolechu ibu ma tüikya pangwüi zingpupa to a, mongmüi mixbu a hwom changpu. Chixe jento chix kaxtsaobu thomle;

MÜNCHUAK-TSAI 134:3

Zang owae ding-hi-hax zingpuix, Jowanpa chixe Zaion makhange hünzom to mohimanle naxchang!

MIKNGÜN-OHÜN 22:13

Ku a Alfa üntoxle Omega, owang tamchu oshuk changle.”

1 JUHAN 1:1

Owang tokhange wüi tüikya khüzün kax bama kwome hünzom hato zale ngo. Kwome ija atatpu, üntoxle kwome ija kwom mik füi ngünpu; changle, kwome ija ngündaoa, üntoxle kwom chak füi Ija to twondaoa.

MARK 13:19

Chemthüikoxle ija tuke apongkya thangshix, Zange chaxwannu zingpong tokhange athax kopkya mong ma iningle jao machangle tüiüi tamchu ile otuechu münchang toxüi.

ISAIA 40:26

Zangdingkho to angakle huhu! Hünzome ngünkya lyettsibu owae zing? Owae ibu süpahibu ningle azuile tüipuix, chixe ibu obi tüipuix awanle ilaxle pangnusa ang mün ma nyakle! Chix tsak-zong a tüle chongle — ibu khama tuita chu münmax-münsam!

MÜNCHUAK-TSAI 104:30

Ikoxlechu chemtue nange hwom ang zakdün koxle changpuix, hwom zingkya ang achang; nange chaxwannu ang khüzün hozün kox.

1 PUKAX-PANGAO 16:26

Chaxwannu nok baozangbu a chapa wüi changle, ikoxle Jowanpae zangkhotingbu zing.

MIKNGÜN-OHÜN 21:6

Üntoxle chixe thüi: “Ija tsuakdaoa! Ku a Alfa üntoxle Omega, owang tamchu oshuk changle. Tütapu wüi changlax, ti alankya mix ang omün chifango homle khüzün ti fuaknui angkya ti ling ang kue koxüi.

EFISIA 3:9

ilaxle Zange chix huxsa mwottho chemle changle mokle ahoüihex, khünaknu pangnu hama ija aho ang tom. Zang, owa pangnu zingkya hopupa hex, chixe ma huxsa mwottho thochi tsüntsün ma pyenle thom;

ISAIA 51:13

Hüzome hünzom zingpupa Jowanpa, owae zangding shale pünpuix ilaxle chaxwannu chifün zingle changlaxpuix, chix alakdaocha? Hünzom amüt ang achwonle ngokyabu opange hünzom to athak ang mongsile ngopuix, ibu hanpakma jento zadongle chemto ngopu? Hwom mongtsike hünzom to ojao münpo.

ISAIA 65:17

Jowanpae thüi: “Kue hozün chaxwannu hia hozün zangkhotingbu zingle ngole. Thochi ma changle ledaokyabu pangwüi alak angkya changpu.

MIKNGÜN-OHÜN 3:14

“Laodekia ma tüikya müimüithom angkya kaxtaimix hato zalax: “Ija kaxho a Zange zingkya pangnu li owang wangnui, mongong ma onyem üntoxle otsingtsing kaxkhi oja Amen hex, chix tokhange changle.

JOB LAIPEX 26:13

Zangding kaküile zingkya a chix zakdün changle; Paole azangkya müishix-baoma a chix chak füi langpu.

HWON-NWOT-JAONO 12:1

Ikhoma nange: “Ku ku tsün füi mongzom müikya müntüi”, le thüi angkya chisumüikya chaxwan zanghan hüiüi thoma, nang tsünzün ma tüipongma nang Zingpupa texle ataklax le thüikya angchu achangle tüile.

MATHI 11:25

Iponge Jisu-e akax: “O Apa! Nang a zangkangting hia chaxwannu Jowanpa, kue nang ang münchong fapu! Chemthüikoxle nange hwontüi jelangkyabu tamchu man-ngünkyabu hato chiaho le pyenle thomkya ija naosombu thüntho ma nange kotok to ngai ang tomdaoa!

LAIPAO 31:18

Sinai haxnukho to Jowanpae Mosa füi zangwünkya tsuak füima, Zang chix jaoe wanlom kaxtombu zalaxle tüikya longkhao anyi Mosa ang kox.

JOB LAIPEX 9:8

Zangding pünle akhao ang Zang to owaechu münasun; Tinu angkya müima-nyaxshix chithom-e tingle münachat.

ISAIA 40:21

Nange müntsing hexnyi? Nang hama kaiwüi mawün hexmi? Chaxwannu chemle owang wangpuix nange ma atat hexmi?

2 WANGHOMBU 19:15

ilaxle zangjop: “O Jowanpa, Israel nok Zang, owa ozang füikya zünmok ding ma thungle tüipuix, Zang a nang tata wüi, nange tix chaxwannu wangtingbu thak ma apün-awangle ngopu. Nange ding-hi-hax zingle alaipu.

2 PUKAX-PANGAO 2:11

Ija kaxnong achat ang Hiram-e laiza tuita za: “Jowanpae chix khünaknu to mongkün koxle, chixe nang a hwom wanghompa ang achangpu.

MÜNCHUAK-TSAI 8:4

nange hwom tuitexle ngo angkya, khünak-mixsabu a chem changlaxpuix? Zile samdao angkya muakya mo nange wünngo laxwüi.