NEHEMIA 9:32 - OTSAO BAIBEL (BSI)

³² “O Zang, nang kwom Zang, nang a chemtukux chongpuix! Chemtukux za-adünle, chemtukux tsak-zongle tüipuix! Nange chialekya mogong füi nange tsaokyabu kaxfün otya ma thom. Asiria nok wanghombue kwom to zothuple changkya tokhange, athax kople, kwom chemtukuxle sikngünle hüidaopuix! Kwom wanghombu, kwom lompabu, kwom nguapabu hia ajebu, kwom putong hwom, ilaxle kwom khünaknu pangwüi sikngünle hüidaoa. Kwome chemtukuxle sikngün apongle hüidaopuix texle atak-hu!

NEHEMIA 9:32 ပူးပေါင်းရင်းမြစ်များ

NEHEMIA 1:5

“Ding hia Hax Jowanpa! Nang a tüle chongle ilaxle kwom a nang thua zale ajongpu. Nang to mongkünle hia nang kaxtom kax ma laxle tüikyabu füi nange nang Tsaotsüt otya ma thompu.

TSAITONG-KAXTONG 7:9

Texle ataklax, Jowanpa hünzom Zang ang tuita wüi ilaxle chix a mongong ma chialekya mix changpu. Chixe chix Tsaotsüt thomle ilaxle chix to mongkünkya tamchu chix kaxtombu kax ma laxle tüikyabu hato chixe chizakle chix mongkün ojat-ojat tsünthom alople ahoüi,

DANEL 9:8

Kwom wanghombu, kwom pupa chongwangbu, ilaxle kwom pupa hwome zakkop mwot mokdaoa ilaxle, Jowanpa, nang zongto ochax lyenle changdaoa.

DANEL 9:4

Kue Jowanpa ku Zang to zangjop ilaxle ku khünaknu ochaxbu bama thailak tüihüile ju. Kue thüi: “Jowan Zang, nang a chongkya changle, ilaxle kwome nang achuak-achenpu. Nange nang kaxtsao bama chialekya mongong füi ngo ilaxle nang to mongkünkyabu hia nang kaxtom kax ma laxle tüikyabu hato chizakle mongkün aho.

DANEL 9:6

Kwome nang dapa aje hwom kax to chiapa. Nang mün ma kwom wanghom hwom hia noknusa füi akaxkya a hwom changkya.

MÜNCHUAK-TSAI 66:5

Nguilax üntoxle Zang-e chem mokdaopuix ito hulax, khünaknu tu ma khomtsikya chix mwotbu to a.

MÜNCHUAK-TSAI 66:3

Zang ang thüikox: “Nange mokkya mwotbu chemtukuxle ohünotünhex! Nang tsak-zong huanu changpu zanpabue zalaxle nang tong to puile.

MÜNCHUAK-TSAI 47:2

Khüthak Jowanpa thua a za-angkya wüi; chix a zangfang pangnu apünkya chongwangpa changle.

IZRA 9:13

Kwom ochax hia thaikyabu bama kwome sikngün komle apongle hüidaobachu, nange kwome kopsese sikngün ashukle kwom ang chifa ilaxle kwom ozün ma ngo ang tompu.

2 WANGHOMBU 25:7

Zedekiah-e hule ngopongma, sasün hwom mik amüt; ifüima Nebukadnezar-e Zedekiah mik lom, chix to janbüi füi khale thom, ilaxle chix a Babilon nok to pao.

2 WANGHOMBU 23:29

Josiah wanghom ang ngopongma, Ijip nok wanghompa Neko-e Asiria nok chongwangpa to fong ang Eufrat shuanu to chix süpahibu zunle apüi. Wanghompa Josiah-e Ijip nok süpahibu Megido ma abax ang azong ilaxle ija zanhok ma chix lang.

2 WANGHOMBU 17:3

Asiria nok chongwangpa Shalmanesar chix füi azan. Hoshea-e Shalmanesar pomtho to chak ajong ilaxle zangpua süi koxle hüi.

2 WANGHOMBU 15:29

Pekah a wanghom ang ngole tüipongma Asiria nok chongwangpa Tiglath Pilesar-e Ijon angkya tingnu, Abel Beth Makah, Janoah, Kedesh, ilaxle Hazor, ilaxlechu Gilid haxtok ma tüikya, Galili, ilaxle Neptali, tingnu ibu kop üntoxle khünakbu a Asiria nok to zanda ang pao.

2 WANGHOMBU 15:19

Asiria nok chongwangpa Tiglath Pilesar-e Israel nok to single ngui, ilaxle Menahem-e ija haxtok ma chix tsak-zong achenle kox angkya to fong angkya hanpakmale khop otuak ma 3800 kox.

1 WANGHOMBU 8:23

ilaxle zangjop: “Jowanpa, Israel nok Zang, thakchi ding to tamchu fangchi hax to nang lailaikya zang owachu müntüi! Nange nang khünaknu füikya tsaotsüt thom ilaxle hwome kün-hi-mong makhange abakle nang kax ma laxle changpongma nange hwom hato nang mongkün aho.

TSAITONG-KAXTONG 7:21

Idaile khünaknu ibu thua taxza. Jowanpa hünzom Zang hünzom füi tüile; chix a tüle chongkya Zang changpu ilaxle chix thua tix za angkya changpu.

LIWI 26:28

izuma mongtsik füi ku hünzom zan to kaüi ilaxle hünzom sikngün a othom anüte nüile ziama ang tomüi.

LIWI 26:24

izuma kue hünzom to jannong alüiüi ilaxle othom anüte nüile sütsakkya sikngün koxle hünzom to zothupüi.

LIWI 26:21

“Ile hünzome ku kax te angwüi te angwüi jangsüt, anaolechu kue hünzom sikngün a othom anüte nüile achenüi.

LIWI 26:18

“Ibibile chang füima ngaxchu wüi hünzome ku kax ma laxle chitüi thüiningle kue hünzom sikngün a othom anüte bole achenüi.

LAIPAO 18:8

Israel khünaknu khosün ang Ijip nok hia hwom wanghompa to Jowanpae chemle mokpuix, ibu pangwüi chixe hohochong Jethro hama wün. Hwome lomba to apongle hüikya sikngün tamchu Jowanpae hwom khosünle hüikya pangwüi chix hama wün.

IZRA 4:2

Ikhoma hwom Zerubbabel hia saxthom lompa hwom füi apong ang ngui ilaxle akax: “Kwom chuwüi hünzom khato Zangshwom-Hom zai ma hak ang tomhüi. Kwome chuwüi hünzome shwomkya Zang to shwompu, ilaxle Asiria nok chongwangpa Esarhaddon-e kwom ikhato ngo ang akatkya nyix makhange anyix kople kwome chix ang töbu koxle hüikya changle.”

IZRA 4:10

tamchu tüle tsak-zongle tüikya Ashurbanipal-e opang ma ngole tüikya kha tokya jwonle apaole changkya khoma Samaria tingnu hia Hannop-Eufrat haxsüt ma ngole tüilaxpuix, hwom pangnu mün ma.”

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

TSAITONG-KAXTONG 7:12

“Hünzome ibu kaxtom to na thale apalax tamchu mongong tüikya füi ibu kax ma laxle jangchang, Jowanpa hünzom Zang-e, hünzom füikya Tsaotsüt thomüi ilaxle hünzom putong hwom füi tsaosax daokya ningle hünzom ang chixe chizakle mongkün ahokya tüiüi.

TSAITONG-KAXTONG 7:13

Chixe hünzom to mongkünkya tüiüi ilaxle mohimankya tüiüi; ile hünzom khünak huak tüle pu-tsale changüi iningle su-sa hwom huanuma tüiüi; chixe hünzom haxtok manzai to mohimanüi ilaxle hünzome tüle saxkople, grepti-ju hia olip münga kople changüi; ilaxle hünzom ang osu-maihu hia chunbu tüle koxle mohimankya tüiüi. Chixe ibu mohiman a, hünzom putong hwom füi hünzom ang koxüihex-ole tsaokya haxtok ma koxüi.

2 WANGHOMBU 17:6

ija a Hoshea-e apünkya zanglao aku lükya changkya. Asiria nok wanghompa Shalmanesar-e Samaria kop, Israel khünakbu Asiria to zanda ang kople pao ilaxle hwom züizüi Halah tingnu ma ngo ang tom, züizüi a Gozan haxsüt angkya Habor Shuanu zui ma ngo ang tom, ilaxle züizüi a Medi nok tingnu ma ngo ang tom.

2 WANGHOMBU 17:23

Jowanpae chix da ajebu makhange hwom ang kaxkhün koxle hüikya ningle, chix miksho angkya hwom khünak tuita ota chitoxle ma-amüt ma-amütle hwome ochax lyen lüwüi ngo. Ikhoma Israel nok Asiria noke zanhok ma koplaxle pao, ilaxle hwom a athax kople ikha to ngo.