NEHEMIA 9:30 - OTSAO BAIBEL (BSI)

³⁰ Zanglao fo to adukya füi nange hwom ang kaxkhün kox. Nange nang ajebu ang akax angkya kax kox, ikoxlechu nang khünaknu ang natüt, ikhoma nange hwom to mixnok wangtingbu lüt ang tom.

NEHEMIA 9:30 ပူးပေါင်းရင်းမြစ်များ

ROM NOK HATO ZAKYA POL LAIZA 2:4

Changle nange chix chingcha achongkya, adu thokya ilaxle monglokya, mongto kakle münlax.

WANGSHEMBU MWOT 7:51

“Hünzom a otukux kheba chithüikya thom hex!” Stefen-e akaxle pao: “Zang kaxho zongto hünzom a kün-hi-mong chitüikya ilaxle na chizaikya songsaribu ningle büle sütpuix. Hünzom chuwüi hünzom putong hwom lailai. Hwomechu othuithuima Otsao Chasa zünte!

ISAIA 42:24

Tsüile pao angkya khünakbu chak to Israel nok owae dan? Ija a, owa zongto keme achax ngopuix, Jowanpa chix jaojao changle! Kem chixe chemle naxngole texpuix ija ningle chingo chichangba chixe koxkya hwom-nwot kax ma laxle chitüi.

2 PITAR 1:21

Chemthüikoxle khünak tutex makhange hüikya jekax tümüntüi. Jowanpa tokhange hüikya kaxho zex pongma khünaknu a Otsao Chasae koplaxle tüikya.

1 PITAR 1:11

Ija otue tamchu chemle nguiüi hex le hanpak zanghan awan ang hwom tüle azong. Hwom ma tüikya Khrista chasae hwom hato küithole hile apua ngokya a: Khrista-e tületüle sikngün apong angkya ikoxchu ifüima tületüle fuazangle lai angkya hanpak changkya.

ZEKARIA 7:13

Kue akax pongma hwome ku kax to na chitha, ikhoma hwome zangjop pongma kue chilan.

MANGSOP 2:17

Jowanpae oshukma chixe moküile azakya mokdaoa: Chixe kem chingcha ojao chitüile amadaoa, kaitanto wüi chixe kaxkhün koxle thomdaokya ningle. Chixe kem zanpabu ang lütkya koxdaoa, kem nguakkya to hwom mongmüi ang tomdaoa.

JEREMIA 25:4

Jowanpae chizakle chix da ajebu ahüile ngokox ngaxchu hünzome chiapa jao chichangba mong chikox jaopu.

ISAIA 63:10

ikoxlechu hwome chix füi alünle ajong ilaxle chix otsao chasa ang mong ama. Ikhoma Zang a hwom zanpa ang achang ilaxle hwom füi azan ang süt.

NEHEMIA 9:29

Nange hwom ang nang hwon-nwotbu kax ma laxle tüi angkya kaxkhün kox, ikoxlechu mongngam makhange hwome nang hwon-nwot pongle chikop, nang Wanlombu thom angkya a hwom zongto khüzün lomtang changkya. Ngom awyale tamchu künkhüi-mongdüi füi, hwome kax ma münlaxpule angam.

NEHEMIA 9:26

“Ikoxlechu nang khünaknue nang füi alünle ajong ilaxle nang kax ma chilaxle tüi; hwome nang Wanlom hato hwom tok aho. Hwom ang kaxkhün koxkya ajebu hwome langle awüt, nang hato mong chatle hüi angkya hwom füi akaxkyabu a. Janpong bato hwome nang tha ajao,

WANGSHEMBU MWOT 28:25

Otue hwom kaxno chitomle changpuix, hwom fan ang ajong; ilaxle fanüi khakha ma hwom füi Pol-e ija kax akax: “Hünzom putong hwom füi ajebu makhange Otsao Chasae akaxkya kax ija otsing tomtata wüi changkoxa.”

WANGSHEMBU MWOT 13:18

üntoxle zangpua punyi bama chixe faokha to hwom füi adule ngo.

JEREMIA 44:22

Anyixkha hünzom haxtok a pünle ama thomdaoa ilaxle ikhato owachu münngo. Jowanpae hünzom chichang-chizangkya hia ochax mwotbu füi adu ang chithokya tokhange, ija a mikngün zongma za-adünkya tuita ang changdaoa, ilaxle khünaknue ija mün a othuak-ozom lom ma lünle.

JEREMIA 7:25

Hünzom pupa hwom Ijip nok tokya laile paokya nyix makhange anyix kopkya mong ma hünzom hato kue ku da ajebu ahüile wüi ngopu.

MÜNCHUAK-TSAI 86:15

Ikoxlechu, O Jowanpa, nang a chingcha hia mongkün füikya, othuithuima adukya, mongkün chingcha üntoxle chialekya mongong füikya Zang changpu.

NEHEMIA 9:20

Nang künmüi-mongmakya füi nange hwom ang, hwome chem mok angkya olom hex ija apuale kox; nange hwom manna füi tux ilaxle ling angkya ti alaile kox.

2 PITAR 3:9

Owawae ajangkya ningle Jowanpa a chix kaxtsao mok ang domdai pule münchang. Itülüi, chix a nang füi adule ngopu, chemthüikoxle chixe owachu amütse le müntsu, ikoxle pangnusa wüi ma ochax tokya khosün hato chatle namhüibae le texpu.

HUAKE LAIPEX 11:26

70 lompa kha angkya mixsün anyi, Eldad hia Medad nyi a Nyihom to chingui homtoxle pom to ngo. Ija pom khato hokhi hato chuwüi chasa ngui, ilaxle hokhi chuwüi ajebu lailaile akhong ang tom.

MÜNCHUAK-TSAI 95:10

Zanglao punyi nguile ku, khünak ibu füi nushix dongkya ang ngole hüi. Kue thüi: ‘Khünak ibu a chem ningkya kax ma chilaxkyabu hex! Hwome ku kaxtombu kax ma münlaxpule angam.’

ISAIA 28:10

Chixe kem hama kaxhuak-kaxhuak ma, kaxzyen-kaxzyen ma tamchu kax olom-olom ma anole kox ang azongle.”

ISAIA 48:9

“Khünaknue ku mün achuakle chang angkya hanpakma, kue ku mongtsik adule tanpu; kue ija abax thompu ilaxle hünzom ama ang müntom.

ZEKARIA 7:12

ilaxle hwom mongtsangbu longnu büta tsakle chang ang tom. Kaitanto ngokya ku aje makhange kue anwot-anole fakya ibu to hwome ojao na chitha, ikhoma ku ang huanuma mongtsik.

2 WANGHOMBU 18:11

Asiria nok chongwangpae Israel khünakbu Asiria nok to zanda ang koplaxle pao, ilaxle hwom züizüi Halah tingnu ma ngo ang tom, züizüi a Gozan haxsüt ma tüikya Habor Shuanu zui ma anok ang tom, ilaxle mamabu a Medi nok angkya tingnubu ma ngo ang tom.

2 WANGHOMBU 21:10

Jowanpae chix dapa ajebu makhange akax,

2 PUKAX-PANGAO 24:19

Hwom chix hato chatle chang angkya hanpakma kaxkhün fa ang Jowanpa ajebu ahüi, ikoxle khünaknue hwom kax to chiapa.

IZRA 9:10

“Ikoxlechu athax, O Zang, ile changle lekya füima kwome chem wün angkya tüi? Kwome tamchatle chuwüi

JEREMIA 44:4

Kue chizakle hwom hato ku dapa ajebu ahüile ngopu; ilaxle hwome hünzom hama kue anukya iningle khomtsikya mwot chimok angkya akaxpu.

JEREMIA 44:5

Ikoxle hünzome chiapa ilaxle ojao mong chikox. Hünzome mama baozangbu ang zokle ashunle töbu koxle ngokya tamchizaktox.

DANEL 9:6

Kwome nang dapa aje hwom kax to chiapa. Nang mün ma kwom wanghom hwom hia noknusa füi akaxkya a hwom changkya.