NEHEMIA 9:28 - OTSAO BAIBEL (BSI)

²⁸ Chemtue tumüi lomkhao chatle hüipuix, anaole chuwüi hwome ochax lyen, ikhoma anaole chuwüi nange hwom to zan nokbu ang lüt ang tom. Ikoxlechu chemtue hwome monglüile chatkya füi hwom to asun angkya nang ahyenpuix, zangkangting tokhange nange atatle lax, ilaxle jantakya bama nang chingcha chongkya füi nange hwom khosünle kop.

NEHEMIA 9:28 ပူးပေါင်းရင်းမြစ်များ

KAXFÜNPA-HWOM 5:31

Idaile nang zanpabu a ilele wüi naxziün, O Jowanpa, ikoxlechu nang zuikhuibu a dongüi senuja ningle naxnyan! Ifüima chaxwan tok ma zanglao 40 tumüi-lomkhaole ngo.

1 WANGHOMBU 8:39

hwom zangjop to lankox. Nang ngwotnui zangkho-wangting tokhange hwom to apakox, hwom thaikya alakkox ilaxle hwom to asunkox. Khünak tutex-mongtsang nang tatae awanwüi. Pangnusa füi olom ma mokmole changhüi,

KAXFÜNPA-HWOM 4:1

Ehud zile paokya füima, Israel khünaknue tamchatle chuwüi Jowanpa zongto ochax lyen.

KAXFÜNPA-HWOM 3:30

Ija nyix Israel noke Moab nok to lüt, ifüima hwom chaxwan ma zanglao 80 tumüi-lomkhaole ngo.

ISAIA 63:15

Jowanpa, otsao hia fuazang ma nang ngole tüikya zangkangting tokhange kwom to huhüi. Nange huanuma kwom tuitexkya omaün? Nang tsak-zong a omaün? Nang mongkün hia chingcha a omaün? Kwom chie-chisele taxchang.

MÜNCHUAK-TSAI 136:24

chixe kem zanpabu chak tokya dan; chix mongkün ma oshuk müntüi.

KAXFÜNPA-HWOM 2:19

Ikoxlechu chemtue ija lompa zile paopuix, khünaknu a amikya mantong towüi chat ilaxle thochi tsünthom füi ngaxchu sütsexle hwom tüi. Hwome mixnok baozangbu to shwom tamchu ibu thothale chang, ilaxle ma ochax lom danle müntoxpule angam.

MÜNCHUAK-TSAI 106:42

Hwom zanpabue hwom to afangle thom ikhoma hwom komkaile hwom fangto ngo angkya lai.