NEHEMIA 9:23 - OTSAO BAIBEL (BSI)

²³ Nange hwom ang ding angkya lyettsi büta su-sabu kox, ilaxle zan nok to anaolaxle ija haxtok ma ngo ang tom nange hwom pupa hwom ang tsaole thomkya haxtok ma a.

NEHEMIA 9:23 ပူးပေါင်းရင်းမြစ်များ

PONGWANG LAIPEX 22:17

Ding angkya lyettsi hia tinu kax tokya sak büta kue nang ang sixlibu kox angkya tsaopu. Nang sixli hwome zan-nokbu to tingtakle tsuaküi.

PONGWANG LAIPEX 15:5

Chix homtho to alailaxle Jowanpae thüi: “Zangdingkho to hulax ilaxle lyettsibu elax, itukux jao nang sixlibu tüi angkya changle.”

1 PUKAX-PANGAO 27:23

Zanglao 20 manguikya khünakbu wanghompa Dawid-e akiakle chichang, chemthüikoxle Jowanpae Israel khünaknu a ding angkya lyettsi büta tsa angkya tsaosaxkya tüikoxle.

PONGWANG LAIPEX 26:3

Eja chaxwan to nang wünpa tuita ningle ngolax ilaxle ku nang füi tüile. Kue nang to mohimanüi, chemthüikoxle kue nang ang tamchu nangsix-nangli ang haxtok ibu pangwüi kox angkya changle. Ile kue hünpa Abraham füi tsaotsütdaokya ningle mokle wüi shu angkya changle.

PONGWANG LAIPEX 17:8

Athax nang püntüi tuita ang achangle tüikya ija haxtok kue nang ang tamchu nangsu-nangsa hwom ang koxüi. Kanan haxtok komkaile othuithui hanpak ang nangsu-nangsa hwom haxtok ang achangüi ilaxle ku a hwom Zang ang ngoüi.”

PONGWANG LAIPEX 15:18

Ija nyix Jowanpae Abram füi Tsaotsüt laxle thüi: “Ijip shuanu makhange Eufrat shuanu alople ija haxtok kue nang sixlibu ang koxpu.

PONGWANG LAIPEX 12:7

Jowanpa a Abram hato ngaile lai ilaxle chix füi akaxle thüi: “Ija a kue nang su-sabu ang kox angkya haxtok changpu.” Ifüima Abram-e, chix hato ngaile ahokya Jowanpa ang tötsap tuita zingle kox.

TSAITONG-KAXTONG 28:62

Hünzom khünak huak ding angkya lyettsi büta tsale tüihukoxchu, hünzom ozün ma hidaole wüi toxüi; chemthüikoxle hünzome Jowanpa hünzom Zang kax ma chilax.

LAIPAO 1:7

Ikoxlechu hwomsix-hwomli, Israel khünaknu müimamale pu-tsale hüi. Ijip haxtok hwom-hwome wüi awangle tüle tsak-zongle hüi.

LAIPAO 1:12

Ikoxlechu chemtukux Ijip noke hwom to sikangünpuix itukuxle Israel khünakbu sisile tsale chaxwan khao jaojao awangle hüi. Ijip nok ang Israel nok thuaza angkya hato ahüi.