NEHEMIA 9:22 - OTSAO BAIBEL (BSI)

²² “Nange hwom ang mixjat-mixlibu hia wangtingbu to lütle chaxwan kop ang tom, hwom füi long azile tüikya haxtokbu a. Sihon-e apünle ngokya Heshbon haxtok, wanghom ang Og ngole tüikya Bashan haxtok, ibu to hwome wüi lüt ang tho.

NEHEMIA 9:22 ပူးပေါင်းရင်းမြစ်များ

MÜNCHUAK-TSAI 105:44

Chixe hwom ang mix haxtok hwom kux ang kox üntoxle hwom ang ibu haxtokbu lax ang tom,

MÜNCHUAK-TSAI 78:65

Oshuk ma jiple ngokya zopupule Jowanpa zo; chix a mixtsak-naomüi tuita jutokmix ningle tüikya.

JIHUSUA 11:23

Jowanpae Mosa ang kaxtom koxkya ningle Jihusua-e ibu haxtok pangwüi laxtsuak. Jihusua-e ibu Israel nok ang mating-matok ang lax ang kox ilaxle hwome homjen-homjen to ma haxtoktokle ahanle lax. Ile khünaknu achax-azanle ngokya zakle ashuk.

JIHUSUA 10:11

Chemtue Amor nok Israel nok süpahibu thoto longzi akaile zikle jupuix, Jowanpae hwom Azekah alop ang paole ngopongma tüpong chongkya junbu hwom hato adüt. Israel khünakbue langkya füi süluile jun füi thuple lang.

TSAITONG-KAXTONG 32:26

Kue hwom a komkaile olithu ang tomse, ikoxtix owaechu hwom texle atak angkya chitüiüi.

TSAITONG-KAXTONG 1:4

Ija a, Jowanpae Amor nok wanghompa Sihon, owae Heshbon tingnu ma apünle tüikya hex, tamchu Bashan nok wanghompa Og, owae Ashtaroth hia Edrüi tingnu anyi ma apünle tüikya hex, hokhi to anaokya füima changkya.

EZEKEL 20:28

Kue hwom ang koxüihex-ole tsaole thomkya haxtok to kue hwom apüi. Chemtue hwome haxkho tsuakyabu hia hingkwonkya pünbu ngünle laxpuix, ibu pangnu chitong ma hwome töbu kox. Hwome zokle tö koxkya hia tö ang ju thokle koxkya, ibu makhange hwome ku ang mong atsikle.

TSAITONG-KAXTONG 4:47

Hwome chix haxtok lax iboma Bashan angkya wanghompa Og haxtok chuwüi lax. Chix chuwüi Jordan shuanu zongma handünchi kao ma tuita Amor nok wanghompa wüi changkya.

JEREMIA 27:5

“Chaxwannu, khünaknüsa, ilaxle chaxwantok ma ngole tüikya zünmok pangwüi kue kutsak kuzong chongkya füi zingle alaipu; ilaxle ija kue owa ang koxse tsupuix ija ang koxpu.

JEREMIA 32:23

Ikoxle chemtue hwom ija haxtok to nguipuix ilaxle ija kop ang sütpuix, hwome nang kaxtombu kax ma chilaxle ilaxle nang hwom-nwot ningle hwom chingo; nange hwom ang kaxtom fakya mwot hwome chemchu chimokpu. Ikhoma nange hwom hato ibibi thomshix thama ahüipu.