NEHEMIA 9:15 - OTSAO BAIBEL (BSI)

¹⁵ “Chemtue hwom ang wok anole changpuix, nange hwom ang zangkangting tokhange süt fa, ilaxle ti alan pongma longnu tuita makhange ti alaile koxpu. Nange hwom ang ija haxtok akox-akomle chang angkya akaxpu nange hwom ang koxüihex-ole tsaokya haxtok a.

NEHEMIA 9:15 ပူးပေါင်းရင်းမြစ်များ

TSAITONG-KAXTONG 1:8

Haxtok ibu pangwüi kue hünzom putong Abraham, Isak hia Jakop hwom ang owüiole koxkya chaxwan changpu. Paolax ilaxle ija haxtok amle koplax.’”

LAIPAO 17:6

Sinai haxnu ma longnu tuita tokma ku nang tunthoma ajongüi. Ija longnu to chietkox ijama imakhange khünaknue ling ang ti laiüi.” Israel nok lompabu tunthoma Mosa-e ile mok.

LAIPAO 16:4

Jowanpae Mosa ang thüi: “Athax kue hünzom pangnu hanpak ang süt zangwat ningle ding to khange düt ang tomüi. Khünaknue paolaxle nyixfole ija nyix saxtangtangle tswonle athünüi. Ija ningle hwome ku kaxtombu kax ma laxle changcha ang wanle anoüi.

EZEKEL 20:15

Ikhoma kue hwom a, tüle ahak-aluale tamchu haxzaoe awangle tüikya, zangfang ma sümüipupa haxtok to hwom apüi angkya kue tsaosaxle changdaokya ningle kue ija hwom ang koxle thomkya haxtok to hwom münapüile sak-hax to tüipongma wüi tsaotsüt.

MÜNCHUAK-TSAI 114:8

Longnubu tüküi ang achang ilaxle longzakzyenbu shuasa jajen ang achangkya a chix chang koxpu.

TSAITONG-KAXTONG 8:3

Chixe hünzom a woknuak ma aham ang tom; ilaxle hünzom pupa hwome chemtuechu saxle mawankya mana süt hünzom ang kox. Khünake ma ozün ma ngo angkya bama süt zaza to onglaxle ngo angkya oli münchang ilaxle Jowanpae chempangle akaxpuix, ibu füitix khüzün müile ngo ang kop angkya changle le tsingang tom angkya hanpakmale Jowanpae ile mok.

NEHEMIA 9:20

Nang künmüi-mongmakya füi nange hwom ang, hwome chem mok angkya olom hex ija apuale kox; nange hwom manna füi tux ilaxle ling angkya ti alaile kox.

HUAKE LAIPEX 14:30

Kue hünzom ang ikhato ngo ang kop angkya hex-ole tsaodaopu, ile changdaobachu Jihusua hia Kaleb nyi boma hünzom owachu ikha alop ang münthoüi.

PONGWANG LAIPEX 14:22

Abram-e lan: “Ding hia hax zingkya Taitax Jowanpa tunthoma kue tsaopu,

LAIPAO 6:8

Abraham, Isak hia Jakop hwom ang koxüihex-ole tsaokya haxtok to kue hünzom apüiüi; ilaxle kue ijakha ma haxtok ang lax ang hünzom chak to koxüi. Ku a Jowanpa changle.’”

LAIPAO 17:3

Ikoxlechu khünaknu tilane tüle maxkya khoma Mosa to kaxthup-ngaotün ngokya chizak. Hwome thüi: “Nange kwom Ijip haxtok tokya, mixnu-naosa hia tsom-pom to lünle tilan ang azik ang alaile paokya hia?”

ISAIA 48:21

Chemtue Jowanpae chix khünaknu khamkya hia zuazoxkya sak-hax akaile lepongma, hwom tilan maxle sikngünkya chitüi. Hwom hanpakma chixe ti long tuita angkya fuakle lai ang tom; chixe longnu afi, ilaxle ikha angkya ti fuakle lai.

JEREMIA 32:23

Ikoxle chemtue hwom ija haxtok to nguipuix ilaxle ija kop ang sütpuix, hwome nang kaxtombu kax ma chilaxle ilaxle nang hwom-nwot ningle hwom chingo; nange hwom ang kaxtom fakya mwot hwome chemchu chimokpu. Ikhoma nange hwom hato ibibi thomshix thama ahüipu.