NEHEMIA 9:10 - OTSAO BAIBEL (BSI)

¹⁰ Nange wanghompa zongto khomtsikya mwotbu mokle ahopu, chix nguakax-wangkhobu hia chix chaxwan ma ngokya khünaknu zongto a, chemthüikoxle nang khünaknu to ibue chemle sikangün thompuix ija nange awan koxle. Ifüima nange anyix kople tüikya nang münfua kop.

NEHEMIA 9:10 ပူးပေါင်းရင်းမြစ်များ

DANEL 9:15

“Jowanpa, kwom Zang, nange nang khünaknu Ijip nok tokya alaile apüikya tokhange nang tsak-zong ngaile ahopu, ilaxle nang tsak-zong a athaxkople mong ma thompu. Kwome ochax lyendaoa; kwom a thaidaoa.

JEREMIA 32:20

Kaitanto Ijip nok to nange ohünotün hia khomtsikya mwotbu mokpu, ilaxle nange ibu chizakle anyix chuwüi mokle hüipu, Israel haxtok machu tamchu mixjat-mixli hwom khato chuwüi, ikhoma athax nang mün a pangnu khato awan ang koppu.

ISAIA 63:14

Haxzao tüikya haxsha to müizyembu zunle paokya lailaile, Jowanpae chix khünaknu ang nazak kox. Chixe chix khünaknu azüi ilaxle chix mün chuak-chongle chang ang tom.

ISAIA 63:12

Chix tsak-zong füi Mosa makhange chongkya-chongkya mwotbu mokle aho, tinu anyi ang achang laxle chix khünakbu tinu akaile le ang tomle oshuk chitüile chix mün fuale ngo ang tom, ija Jowanpa athax omaün?” Jowanpae lomzun to, hwom a fao manbu lailaile ojao chikho chiasua atingting khama sütle chang.

TSAITONG-KAXTONG 4:34

Jowanpa hünzom Zang-e hünzom hanpakma Ijip nok to mokkya lailaile baozang owawae mama jat-li chak tokya alailaxle khünakbu chix khünak ang zingle dan ang mongchongkya baozang tütüichahex? Hünzom mikngün ma chixe chix tsak-zong chongkya twon; chixe kaknu-laknu hia zanhok alai, ohünotün mwotbu mok, ilaxle khompua-atsikle abütkyabu ngai ang tom.

LAIPAO 18:11

Athax kue awandaoa, Jowanpa, chix a baozangbu pangnu thakma achongkya changle. Chemthüikoxle Ijip noke hwom to chisumüile hwonpongkhae chixe ma khünaknu khosünle kopdaoa.”

LAIPAO 5:2

Wanghompa-e atüi: “Jowanpa a owa? Kue büthüikoxle chix kax ma lax üntoxle Israel khünakbu danle apao angkya? Kue Jowanpa mün müntsing; ilaxle kue Israel khünaknu pao ang müntom.” Ile wanghompa ang mongtsak.

1 PITAR 5:5

Ilailaile hünzom tsünzün thomchu tüichong-mixmüi hwom fang ma ngohüi. Üntoxle hünzom pangwüie, apu-achangle tata thotha ang puinaikya züpak laxhüi; chemthüikoxle Otsao Lai-e akaxle, “Ngamkya mix to Zange abaxle; puinaikya mix ang chingcha koxle.”

ROM NOK HATO ZAKYA POL LAIZA 9:17

Chemthüikoxle Otsao Lai-e Farao füi ile akax: “Chaxwan pangnu khato wüi ku mün tsing ang kox angkya hia ku tsakzong aho angkya olom ma nang twon angkya zongma le khütkhaxkya ku tuthüt ija khoma kue nang wanghom ang zingpu.”

WANGSHEMBU MWOT 7:36

Ijip chaxwan to khomtsikya hia ohünotün mwotbu mokle aho laxle khikya tinu atale ilaxlechu faokha to zanglao punyi hwom lomzunkya mix a Mosa changkya.

DANEL 5:23

Nange zangkangting tokya Jowanpa zongto chichangle mok, chix Zangshwom-Hom tokya apüikya wansa hia khupbu to nang e twonpu. Nang, hünzom nguakax-wangkhobu, nang kakonubu tamchu hünzom danuchabue ibu tuina ma ju-khan lingle changpu ilaxle hun, khop, wi, jan, pün hia long, ibu füi zingkya baozangbu to hünzome shwompu: baozang ibu a ngün ang chitho, atat ang chitho chichangba mok ang hia tütali awanle lax ang chithokya baozangbu. Ikoxle nang ozün ma thom angkya hia zi ang tom angkya tamchu nangsüt-nangmwot pangwüi nuazing tsuakle hume ngokya Zang ang mix a nang e münchong chifa.

DANEL 4:37

“Ilaxle athax, Ku, Nebukadnezar-e Zangkangting tokya Wanghompa ang münchong ngampai hia fuazang koxle achuak-achenpu. Chixe chem mokpuix pangwüi sukya tamchu otsing changpu, ilaxle azo-angamle mokkya mix owachu chixe adang ang thole.”

EZEKEL 20:9

Ile chang koxle ku münma angwüi changüile thütlaxle kue ile chimok, chemthüikoxle hwom tomwüi ngole tüikya mixnokbu tunthoma Israel nok hato kue hwom Ijip chaxwan tokya alaile pao angkya kax ngaile kop.

MÜNCHUAK-TSAI 83:18

Zangfang pangnu thakma apünkya a Jowanpa a nang tata wüile hwome tsing ang tomkox.

LAIPAO 7:1

Jowanpae thüi: “Wanghompa zongto nang a kue Zang ningle achangüi. Hüntüi Arun-e ajepa tuita ningle nang zangwün chix hama komkaile taile koxüi.

LAIPAO 3:20

Idaile kue ku chak thüiüi ilaxle Ijip nok to chak moküi üntoxle kue ohünotün pangnu moküi; ifüima chixe hünzom apong ang danüi.

LAIPAO 9:16

Ikoxlechu chix tsak-zong aho ang tamchu chix mün zangfang pangnu khato fuale naxpao ang nang ozün ma thompu ta.

NEHEMIA 9:16

Ikoxle kwom pupa hwom a mongngam hia kax ma chilaxle tüi ilaxle nang kaxtombu mün-apapu le angam.

NEHEMIA 9:29

Nange hwom ang nang hwon-nwotbu kax ma laxle tüi angkya kaxkhün kox, ikoxlechu mongngam makhange hwome nang hwon-nwot pongle chikop, nang Wanlombu thom angkya a hwom zongto khüzün lomtang changkya. Ngom awyale tamchu künkhüi-mongdüi füi, hwome kax ma münlaxpule angam.

TSAITONG-KAXTONG 7:19

Hünzome ma mik füi ngünle laxdaokya za-adünkya kak-lak, khomtsikya hia ohünotün mwotbu tamchu tüle chongkya tsak-zong füi Jowanpa hünzom Zang-e hünzom danle apaokya, ibu pangwüi texle ataklax. Chixe chemle Ijip nok amütpuix ilailaile, athax hünzom owa thua zale ngopuix, ibu khünaknu max ang tom angkya changle.

ISAIA 42:20

Israel, hünzome müimamale ngünle laxdaoa, ikoxle ijae nang zongto chem chang? Atat angkya hanpakma nang ma na tüipu, ikoxle hünzome chemtom tata atatle lax?”