NEHEMIA 9:1 - OTSAO BAIBEL (BSI)

^1-2 Ija lyetjangjang ma wüi nyixtsa ali nyixkha Israel khünaknu a hwom ochaxbu khoma mongmax ahole chisax-chilingle atsao angkya hanpakma asox. Hwome hwom lailai to mixnokbu füi atsaile changdaoa. Hwom mongma aho ang hwome nyi-za otsyenbu lax üntoxle khangpongbu ma haxbu füi lyet. Ifüima hwom ajong ilaxle hwome tamchu hwom pupa hwome lyenkya ochax pangwüi ngai.

NEHEMIA 9:1 ပူးပေါင်းရင်းမြစ်များ

NEHEMIA 8:2

Ikhoma Izra-e ija khünaknu: mixnu, mixpa tamchu jali awan tsuak tangkya naosombu asoxle tüikya khato apüi.

IZRA 8:23

Ikhoma Zang-e kwom lom azui angkya hia kwom kho awa angkya hanpakma kwome chisax-chilingle zangjop hanpak lax, ilaxle chixe kwom zangjop to lan.

JIHUSUA 7:6

Jihusua hia Israel nok lompabue manyi-maza akyet, ma alüile Jowanpa Tsaotsüt Suak tuntho to hax to tswonle awüt, ilaxle ikhama hansong alople, khang ma labu awangle koplaxle, ma mongma ahole nui.

1 SAMUEL 4:12

Benjamin homjen angkya mixsün tuita ija nyixnyix wüi zantam tokya chatle Shiloh to ngui. Chix mong makya aho ang, chixe chix nyi akyet ilaxle khang to haxkhix füi fu.

ISAIA 22:12

Ifüima Jowanpa Khüthak Zang-e hünzom a mangsop ang tamchu khang ong ilaxle nyikhwon awunle chang ang se.

JOB LAIPEX 2:12

Ochu tokhange wüi hwome Job ngünle lax ikoxlechu hwome chix chitsingtsuak. Chemtue hwome tsingle changpuix, hwom tüle-tüle azole akhongle sop. Hwome ma mongma ahole manyi-mazabu akyet ilaxle ding to labu atwomle ibu füi hwom khangto fu.

ESTAR 4:16

“Paokox, ilaxle Susa angkya Judah khünaknu pangwüi sele asox kox; ilaxle ku hanpakma chisax-chilingle atsaole zangjop kox. Nyixzom wünzom hanpakma chemchu taxsax taxling. Ku dacha kwome chuwüi ile changüi. Ile chang füima, wanlom ma chitüi koxlechu ku wanghom hato nguiüi. Ile changkya khoma mik max angkya laikoxchu ku mik naxmax kox.”

ESTAR 4:3

Wanghompa kaxhua apukle changkya haxtok pangnu khato wüi, Judah khünakbu a mangsopkyae awangle tüikya. Hwome chisax-chilingle atsao, sop, mongmaxle sop, üntoxle hwom sülui tukuxe nyikhwon nyi awun ilaxle labu khato jip.

2 PUKAX-PANGAO 20:3

Jehusafat tüle za ilaxle Jowanpa ma tikshole chix lom azui angkya hanpakma zangjop. Ifüima chixe chix chaxwan pangnu khato wüi chisax-chilingle zangjople atsao angkya kax kox.

2 PUKAX-PANGAO 7:10

ilaxle ifüi angkya nyix a, anüt lükya lyetnu ma nyixtsa azom lükya to tix Solomon-e khünaknu a mahom-hom to afan. Israel khünaknu to, Dawid to, Solomon to, Jowanpae mohiman fakya pangnu bama hwom ang tüle mongmüi.

2 SAMUEL 1:2

Ofüinyix Sol pom tokhange naosün tuita ngui. Chix mongma aho ang chixe ma nyi akyet ilaxle khangto haxbu füi fu. Chixe Dawid hato hüilaxle chathua zakya ahole hax to akhux.

KAXFÜNPA-HWOM 20:26

Ifüima Israel khünaknu pangwüi Bethel to ka ilaxle ikhato mangsop. Hwom ikhato Jowanpa tunthoma ngo ilaxle hansong alople hwome sax-lingle chichang. Hwome Jowanpa ngwotnui ma notom-tusüi tö hia otom ma lanle zokle ashunkya töbu kox.

LIWI 23:39

Chemtue hünzome tsax zütle changüihex, ipong ija pangpwon a nyix anüt nuilax. Ija a lyetnu-kua anüt ma nyixbün-aga to owang wanglax, Pongwang lükya nyix a ataxle nazakle nuikya nyix ang changüi.

MIKNGÜN-OHÜN 11:3

Kue ku kaxkhi sün anyi pongkhwon za laxlaxle tsanle apaoüi, ilaxle nyix 1,260 bama hwome Zang kaxho apuk apuaüi.”

1 SAMUEL 7:6

Ikhoma hwom pangwüi Mizpah ma asox. Hwom hidaole tikholaxle Jowanpa to tökya tuita ang thokle koxle awüt ilaxle nyixtungtale chisax-chilingle atsaole zangjop. Hwome thüi: “Kwome Jowanpa zongto ochax lyenle changdaoa.” (Mizpah ma Samuel-e Israel nok füi zangwün tsaifün-kaxwünle tsuak.)

IZRA 8:21

Ija Ahawa tilom zui ma, Zang tunthoma chisax-chilingle tamchu puinaile changkya füi, kwom ham lom ma chixe kwom tamchu kwomsu-kwomsabu hia kwomtüi-kwomnao pangwüi khosünle lom azüi tamchu kho-awakya tüi angkya hanpakmale zangjop lax angkya kue kaxtom kox.

JOEL 2:12

“Ikoxle athax ngaxchu”, le Jowanpae thüile, “chisax-chilingle atsaokya zangjop füi sople tamchu mongmaxle künlop-monglüilax ilaxle ku hato chatlax.