NEHEMIA 8:9 - OTSAO BAIBEL (BSI)

⁹ Wanlome lomkya hwome atatle laxkya zuma, khünaknu mongto po ilaxle hwom a sop ang süt. Ikhoma Gowarnor Nehemia, nguapa hia Wanlom tsingpa ang ngokya Izra, ilaxle khünaknu hama Wanlom akhixle wünle fangtokya Liwi khünakbu, hwome khünaknu ang thüi: “Anyix a Jowanpa, hünzom Zang hanpakma otsao nyix changle, ikhoma hünzom a sop angkya oli münchang.

NEHEMIA 8:9 ပူးပေါင်းရင်းမြစ်များ

NEHEMIA 7:70

Khünaknu süchong tukuxe Zangshwom-Hom zaile alaikya to bakkya thathom angkya hanpakma asunle hüi: Gowarnor-e chakpuix 270 hun kox 50 zomzing ma twon angkya khupbu kox 530 zompu-zangpa nyilobu kox Saxthom lompabue 337 paon hun kox 3,215 paon khop kox Mama khünaknue 337 paon hun kox 2,923 paon khop kox zompu-zangpa nyilobu kox

NEHEMIA 7:65

Jehudi nok Gowarnor-e, Urim hia Thummim to twon angkya nguapa tuita hwom khama matüi tanto hwome Zang ang koxkya tö kha angkya sax ang münthoüile akax.

TSAITONG-KAXTONG 12:12

Ekha chix ngwotnui ma mongmüilax, hünzom naosombu, dabu ilaxle hünzom tingnu ma tüikya Liwi hwom pangnusa füi wonmüi-samale changlax; Liwi hwom ang haxtok süntswon müntüi, ija ajangle koplax.

NEHEMIA 8:2

Ikhoma Izra-e ija khünaknu: mixnu, mixpa tamchu jali awan tsuak tangkya naosombu asoxle tüikya khato apüi.

TSAITONG-KAXTONG 16:11

Jowanpa pomtho ma hünzome masu-masabu, dabu, Liwi hwom, püntüibu, zomnu hia khaxsabu, opangsa hünzom tingnu ma ngole tüipuix, hwom pangnusa füi tomle mongmüi-pwonlakya tüikox. Ija a zangshwom angkya onui jongtakha ma moklax.

ISAIA 61:3

Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

HWON-NWOT-JAONO 3:4

Chixe mongma angkya hia mongmüi angkya hanpak tyale thompu, mangsop angkya hia azüi angkya hanpak tyale thompu,

IZRA 2:63

Hwom khama Urim hia Thummim to twon ang tsuakkya nguapa tuita matüi tanto hwome Zang ang koxkya kha angkya sax ang müntsuaküile Judah nok Gowarnor-e hwom füi akax.

TSAITONG-KAXTONG 12:7

Jowanpa Hünzom Zang, owae hünzom to mohimanpuix, ikhato hünzom tamchu hünzom haxnu-homsabue mae mokle alaikya sütmüi-lingma saxlaxle mongmüi-pwonlale ngoüi.

ROM NOK HATO ZAKYA POL LAIZA 7:9

Noxta wanlom chilax homtoxle ku ozün ma ngokya, ikoxle otue wanlom hüipuix, ochax chatle azang ilaxle ku omang ang achang.

ROM NOK HATO ZAKYA POL LAIZA 3:20

Chemthüikoxle wanlome alomlom mokkya tokhange khünak owachu Zang füi muamüi angkya le münchang; wanlom mwot a khünak hama chixe achax daokya ochax apuale kox angkya changle.

MALAKI 2:13

Ija hünzome mokkya mama mwot. Hünzome chix hato apüikya tö otuechu chixe pongle chikop. Ikhoma Jowanpa tö-tsap a sopkya hia mongmakya mikfi füi sing ang tomdaoa.

HOSIA 4:6

Hwome ku ang ku le chinyakkya khoma ku khünaknu a maxdaoa. Hünzom nguapabuechu ku mün laxsele chitsu ilaxle ku hwon-nwot jaono awütle chang, ikhoma kue chu hünzom chilaxle awütdaoa tamchu hünzom su-sabu a ku nguapabu changpule kue e-ma münlax.

NEHEMIA 12:26

Khünak ibu a Jihusua sasün tamchu Jeozadak susün Jihusua tsün ma, Gowarnor ang Nehemia ngopongma, tamchu Izra, owa Wanlom tsingpa tuita changkya hex, ibu din ma ngole tüikya.

NEHEMIA 10:1

Ija to pongwang ma sohi shingkya a Gowarnor, Hakaliah sasün Nehemia changkya, ilaxle chix füima Zedekiah shing. Ifüima khünak ibibie shing:

IZRA 7:11

Jowanpae Israel nok ang koxle tüikya wanlom hia kaxtombu bama tongtik-zahikle awanlaxle ngokya mixsün tuita Izra a nguapa tuita tamchu tsingpa khünak changkya ilaxle Chongwangpa Artakses-e chix ang koxkya laiza a ija changle:

2 PUKAX-PANGAO 35:3

Israel nok hwon-nwotmixbu, Liwi hwom ang chuwüi chixe mwot adangle fa. Liwi hwom a Jowanpa hanpak ang atsaole koxle thomdaokyabu changkya. Chixe thüi: “Dawid sasün, wanghompa Solomon-e zaile alaikya Zangshwom-Hom ma Tsaotsüt Suak dankox. Athaxpi hünzome ija Suak onui tuita kha angkya ata khato le azyale aham ngo angkya mwot müntüi; athax hünzom mwot a, Jowanpa, hünzom Zang hia Israel nok thotha manzai angkya tix changle.

2 PUKAX-PANGAO 34:21

“Paokox ilaxle ku hanpakma tamchu Israel hia Judah ma ngole tüikya khünaknu hanpakma Jowanpa füi tsaitik-kaxshole changkox. Ija laipex ma anwot-anole tüikya tsaitong-kaxza tikle laxhu. Kem putong hwome chix kax ma chilax tamchu ija laipex ma mokle lün angkya chempang zale tüipuix, ibu chemchu chimok, ile changkya khoma Jowanpa ang kem füi mongmakya tüingole.”

2 PUKAX-PANGAO 34:19

Ija laipex ma tüikya wanlombu ele lekya atatkya füi tomle wanghompa-e mongto kaklaxle chix nyibu akyet

2 PUKAX-PANGAO 30:22

Jowanpa to shwomkya tüle manle shwom ang thomkya khoma Zedekiah-e Liwi hwom achuak. Hanpak nyix anüt bama Jowanpa, hwom putong hwom Zang achuakle töbu koxle changkya füima,

2 PUKAX-PANGAO 15:3

Israel nok a okuilole otsingtsing Zang chilax homtoxle ngole hüipu, hwom hama anwot-anole kox angkya nguapabu hia wanlom chilax homtoxle a.

2 WANGHOMBU 22:19

ilaxle kue Jerusalem hia ima tüile ngokya khünaknu to sikngün fa ang azakya kax atatkya zuma, nang mong alüix tamchu nang nyi-za akyet üntoxle sopngale ku chitong to puile changlax. Kue ija mikngün zong ma za-adünkya tuita tamchu khünaknue ija omün othuak-ozom lom to lün angkya onui tuita ang achangüi. Ikoxlechu kue nang zangjop atatle laxdaoa,

2 WANGHOMBU 22:11

Chemtue wanghompa-e ija laipex ele lekya atatle laxpuix, chix ang mongma ilaxle chix nyi akyet,

TSAITONG-KAXTONG 26:14

Kue ku mongmaxle sople ngopongma ngaxchu ikha angkya tuita münsax. Ku zanglom ma chitsaole asu pongma, ku homkha angkya kue ija tuita chu chialai. Kue ikha angkya tuita chu chapabu to jop-tole chikox. O Jowanpa! Nange ku füi bünfong bama adangle fakya pangwüi mokle changdaoa.

JAKOP 4:9

Mongmakya tüilax, soplax, üntoxle mikfi ajenlax; hünzom nyit sopkya ang achanglax, hünzom mongma mongmüi ang achanglax!