NEHEMIA 8:10 - OTSAO BAIBEL (BSI)

¹⁰ Athax hom to chatlax ilaxle fongkhale pualax. Hünzome masüt-maling chitüi-chinang khünakbu füi tom-hanle changlax. Anyix a kem Jowanpa hanpakma otsao nyix changle, idaile hünzom ang mong taxma. Hünzom ang koxle tüikya Jowanpa mongmüi-e hünzom chatsak-muazongle changüi.”

NEHEMIA 8:10 ပူးပေါင်းရင်းမြစ်များ

WANWÜNKAX 17:22

Mongmüile ngokyae nang tsangtsa fanmüile thomüi. Othuithuima mongsik-ngünlanle ngokya a zaze-zazele zi ang tomkya changpu.

HWON-NWOT-JAONO 9:7

Thotho thuile le-kox—nange süt saxlax ilaxle mongmüile ngolax; nang ju linglax ilaxle pwonla dongle ngolax. Zang zongto ibu pangwüi changkya olomlom wüi.

MÜNCHUAK-TSAI 149:2

Hünzom Zingpupa hanpakma mongmüikya tüikox, hünzom Israel; hünzom wanghompa bama Zaion angkya khünaknu, hünzom ang mongmüikox!

ISAIA 61:10

Jerusalem mongmüilax, Jowanpae nang bama chem mokdaopuix ija hanpakma a. She a tui to juüi naocha tuita aza-apua laxle tüikya ningle changpu. Zang-e chix to khosün hia lütkya füi awunle koxdaoa.

ESTAR 9:19

Ija khoma tingsa noksa to ngokya Judah khünakbue Adar lyetnu nyixbün ali nyixkha a mongmüi-pwonla atungkya nyix tuita ang laxle, tata füi hingho chaktwon ma alüixle fongkhale nui.

2 KORIN 8:2

Hwome kaile toxdaokya sikngünbu füi hwom ozya ma lüjao wanle ano daokya changle; ikoxlechu ibukuxle hwom chitüi chinang le maxkox ngaxchu hwom ma mongmüi chongle tüikya khoma chakzun ma hwom ozya lyemle mongtsukya tüi.

ESTAR 9:22

Hanpak ibibi a Judah khünakbu ma zanpabu chak tokya azangkya nyixbu changle; ija lyetkua a künmax-mongshanle ngokya mongmüi-pwonla füi alüixle laxkya lyet changle. Ija nyix fongkhale sax üntoxle tata füi fong ma alüixle tamchu mixshix-zasabu ang hingho tuita ningle osüt-oling koxle chang angkya hwom füi akax.

HWON-NWOT-JAONO 3:13

Keme mokkya mwottho ma kem pangwüi sax-lingle tamchu mongmüi-pwonlale sax-mok angkya changpu. Ija a Zang hingho changle.

HWON-NWOT-JAONO 2:24

Keme athündaokya sax-linglaxle mongmüi-pwonlale ngo angkya, ija tix keme moktsuak angkya sümüikya mwot changpu. Ikoxlechu, kue texle atakpu, ija ngaxchu Zang tokhange tix hüiwüi.

HWON-NWOT-JAONO 11:2

Nange ngun-syen malom-malom to danlax—chemthüikoxle ija chaxwannu ma nange chemningkya osho-jowan apongüihex müntik.

FILIPI 3:4

Changle, kue ibu mwot tochu mongongkya tüi ang tsuakse. Owawae otok zom to mongong tüi angkya wüi changpu le thütkya mix jangtüi thüiba, ile thüt angkya olom kusisi ma tüipu.

KAXHO MÜIKYA LUK 11:41

Ikoxle hünzom khopkhua wansa ma tüikya chitüi chinang zasabu ang laxkox, ile jangchangba otsao-olang chemchu chitüi le nang hanpakma pangnu wüi tsaokya ang achangüi.

TSAITAX-NGAONÜI 5:1

Ku a ku tsawat khato nopdaoa, ku mongkün, ku tuinu. Kue ku jingso hia otex-tsyapi athünle ngopu; kue ku nax-ti hia naxzop saxle ngopu; kue ku grepti-ju hia tsomti lingle ngopu. Saxlax, mongkün hwom, ilaxle linglax Hünzom to mongkün füi matok-matokle!

HWON-NWOT-JAONO 5:18

Kue atatkya ikhama tüile: keme moktsuak angkya sümüikya mwot a: saxkox laxkox üntoxle mongmüikox ilaxle mazi tanto Zang-e keme ang koxkya mwot füi mongmüi-pwonlale ngokox; ija a kem osho changle.

JOEL 2:23

“Mongmüilax, Zaion angkya khünaknu, hünzom hanpakma Jowanpa, hünzom Zang-e chempang mokdaopuix ibama mongmüikox. Chixe hünzom ang watun zangwat okhonguile koxdaoa; chixe zangwa ma zangwat hünzom hato thokle ajodaoa ilaxle tsosa zangwat chuwüi amipongkya ningle koxdaoa.

MIKNGÜN-OHÜN 11:10

Okhi zikya khoma chaxwannu angkya khünaknu tüle mongmüiüi. Zuikhuibue tata füi hingho ma alüixüi; chemthüikoxle ija aje nyie chaxwannu ma ngokya khünakbu ang tüle tingtui adün.

1 SAMUEL 25:8

Nange hwom füi tiknolax ilaxle hwome pangwüi wünle faüi. Kwom a pangpwon tukma nguipu, ilaxle Dawid-e, kwom wün müile pongle kopkoxle thüile. Nange chemtukux tsuak puix, kwom ang tamchu nang zuikhui Dawid ang fahüi.”

NEHEMIA 8:11

Liwi hwom a khünaknu ang mongsom koxle, iningkya otsao nyix mongmakya chitüi angkya zangwünle pangnu khato aham.

NEHEMIA 8:12

Ikhoma khünaknu mahom-hom to chat ilaxle mongmüi atungle saxlingle chang. Hwome ma ma tüikya jali chitüi-chinangkya khünakbu füi tom-hanle lax, chemthüikoxle hwome hwom hama e-le ahokya kax tsingle lax.

ZEKARIA 14:21

Jerusalem hia Judah ma tüikya fongkhat tiklak komle Jowanpa Khüthak Zang to shwompongma lax ang süile thomüi. Tö koxkya khünakbue ibu müi hia mama töbu lumle song-kha ang twonüi. Chemtue ija hanpak nguile hüiüihex, Jowanpa Khüthak Zang Zangshwom-Hom ma thalex-juataikya chemchu müntüiüi.

1 WANGHOMBU 8:66

Nyix achyet lükya to Solomon-e khünaknu mahom-hom to apao. Jowanpae chix dapa Dawid hia Israel khünaknu ang koxkya mohiman pangnu hanpakma chix achuakle mongmüi atungle khünaknu a mahom-hom to chat.

1 PUKAX-PANGAO 16:27

Fuazang hia wang chongkya chix akhople, tsak-zong hia mongsome chix Zangshwom-Hom awang.

MÜNCHUAK-TSAI 89:17

Nange kwom ang tholün chongkyabu koxle; nang mongkün ma nange kwom zan to lütkyabu ang achangle.

ISAIA 49:5

Ku puxüi thoto wüi, Jowanpae ku zünle kop; chix khünaknu sele apüi angkya hanpakma chixe ku chix chaktwon ang lax, chiakle samle ngokya Israel khünaknu sele asox ang. Jowanpae ku achuak-achenle chang; ku janzüi otong a chix tix changle.