NEHEMIA 8:1 - OTSAO BAIBEL (BSI)

¹ Lyetjang anüt ma Israel khünaknu pangwüi ma tinglonglong ma homhax zaile ngo ang tsuakle hüi. Ija lyetjang owang nyixkha hwom Jerusalem ma, Ti Zünkai omong ma asox. Hwome, Izra owa, Mosa makhange Israel khünaknu ang koxkya Jowanpae Wanlom nguapa tamchu tsingpa tuita ang ngole tüikya hex, chix ma, ija Wanlom Laipex apüi angkya bama atüi.

NEHEMIA 8:1 ပူးပေါင်းရင်းမြစ်များ

IZRA 7:6

Izra a, Jowanpa, Israel nok Zang-e Mosa makhange koxkya Wanlom pangwüi hiktikle awankya mixsün tuita tsingpa changkya. Izra ang Jowanpa, chix Zang mohiman tüile ngokya khoma, chongwangpae chix ang chixe ajuju pangwüi kox. Artakses-e apünkya zanglao anüt lükya to, Izra a Israel khünaknu othom koplaxle Babilon tokya Jerusalem to chat ang achex. Ikhama nguapabu, Liwi hwom, Zangshwom-Hom tsaipabu, Zangshwom-Hom nyetmixbu, ilaxle mwotmixbu tüikya.

2 PUKAX-PANGAO 34:15

Chixe Shafan ang thüi: “Kue ija Zangshwom-Hom ma Wanlom Laipex tuita atakle.” Chixe ija laipex Shafan ang kox,

IZRA 7:11

Jowanpae Israel nok ang koxle tüikya wanlom hia kaxtombu bama tongtik-zahikle awanlaxle ngokya mixsün tuita Izra a nguapa tuita tamchu tsingpa khünak changkya ilaxle Chongwangpa Artakses-e chix ang koxkya laiza a ija changle:

MATHI 23:34

Ija khoma kue hünzom hato ajebu hia manpabu tamchu nwotmixbu ahüiüi; hünzome züizüi langüi, züita pünsak ma taküi, ilaxle züita to a sinagokbu to fitüi, ilaxle hwom a tingkhua tuita angkya ata tingkhua to le jwonle ahamüi.

MATHI 23:13

“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.

MATHI 23:2

“Wanlom nwotmixbu hia farisibu a Mosa wanlom tai angkya tsakzong fale thomkyabu changle.

MATHI 13:52

Idaile chixe hwom ang thüi: “Idaile wanlom nwotmixbu opang Zang Wangting füizuimix ang achangün laxpuix, hwom a ma pung angkya bwotba hozün hozang pangnu alaikya hopunu tuita ningle changpu.”

MALAKI 4:4

“Ku dapa Mosa hwon-nwot texle ataklax. Kue chix makhange, Sinai haxnukho to, Israel khünaknu pangnusa hanpakma koxkya wanlombu hia kaxtombu texle ataklax.

ISAIA 8:20

Hünzome ibu kax to lanüi: “Hünzom hama Jowanpae chem anwot-ano puix ija to apalax! Jenu-shipabu zangwün to taxapa — hwom zangwüne hünzom sikngün füi atsaile thom ang münthopu.”

NEHEMIA 12:37

Tümik Zünkai ma hwom Dawid tingnu to lekya lom chifün ma haxkho chito dong. Hwome Dawid khualo akaile le, ilaxle Ti Zünkai ma tüikya katuk hato chat. Ija a tingnu zongma handünchi kao ma tüikya.

NEHEMIA 8:16

Ikhoma khünakbue ibu pünkangbu apaüi ilaxle hwom homkho ashakyabu ma, homtho ma, Zangshwom-Hom shat mongma ilaxle noknu ngwotnui Ti Zünkai hia Efraim Zünkai, ibu ma hwome noxta lax ang pomsabu zaile alai.

KAXFÜNPA-HWOM 20:8

Khünaknu pangnu ajong laxle thüi: “Kem, Nyihom ma ngokya mix wüi changlax, hom ma ngokya mix wüi changlax, kem opupuchu mahom-hom to chat angkya münchang.

KAXFÜNPA-HWOM 20:1

Shuakuxchi ma Dan ilaxle shuathongchi ma Bersheba, ilaxle handünchi ma Gilid, ibibi wanmong ma tüikya Israel khünaknu noke ahyenkya to müile lan. Hwom pangwüi müitom tuita ang achangle Jowanpa ngwotnui Mizpah ma asox.

2 PUKAX-PANGAO 34:30

ilaxle hwom onotomle Zangshwom-Hom to ngui. Hwom füi tomle zompu-zangpabu, Liwi hwom tamchu khünaknu, tüinangkya hia chitüi-chinangkyabu pangwüi womle tüikya. Hwom tunthoma, noknusae atatle, Zangshwom-Hom ma bangkya tsaotsüt laipex ija wanghompae komkaile ele aho.

IZRA 7:10

Jowanpa Wanlom zule tsing angkya, ija tole mok angkya, ilaxle ikhama tüikya wanlombu komkaile Israel khünaknu hama anwot-anole chang angkya to Izra-e chix tsün jao koxle among.

NEHEMIA 8:3

Ikhato, ija zünkai zui angkya haxsha ma, swomsa makhange tungto kople chixe hwom hama ija Wanlom ele apua, ilaxle hwom pangwüie ija to mongkoxle apa.

LIWI 9:5

Ilaxle Mosa-e hwom ang kaxtom fakya ningle ijabu hwome Jowanpa hato, zangshwom ang khünaknu asoxkya Nyihom to apüi; ilaxle khünaknu pangwüi soxle hüilaxle Jowanpa hama ajong.

TSAITONG-KAXTONG 31:11

Zangshwom angkya nui jongta khama asoxle nguipongma ija a Israel khünaknu ang e-le laxkox.

2 WANGHOMBU 23:2

ilaxle hwom tomle Zangshwom-Hom to pao. Zompu-zangpabu hia ajebu tamchu khünaknu hakpa-luapabu hia tuimix-nuakmixbu pangwüi hwom füi tomle pao. Zangshwom-Hom ma atakkya tsaotsüt laipex noknue atatle Zangshwom-Hom ma wanghompa-e e.

IZRA 7:1

Obibi zanglao hex lekya füima, chemtue Artakses a Parsia nok ma Chongwangpa ang tüikya hex, ipongma Izra le amünle mixsün tuita tüikya. Chixe chix putong ozu a Nguakho Arun kople tole chatkya ile changle: Izra a Seraiah sasün changkya, Seraiah hopa a Azariah, chix hopa a Hilkiah,

NEHEMIA 12:26

Khünak ibu a Jihusua sasün tamchu Jeozadak susün Jihusua tsün ma, Gowarnor ang Nehemia ngopongma, tamchu Izra, owa Wanlom tsingpa tuita changkya hex, ibu din ma ngole tüikya.