NEHEMIA 7:2 - OTSAO BAIBEL (BSI)2 Jerusalem tingnu apün-adakya mwot to hu ang kue mixhuak anyi ang hünlit koxle thom. Okhi a: Ku nao Hanani hia Hananiah nyi, hokhi a zanhule ngokya süpahibu alixachong hwom khama kaxtom fakya nyi changkya. Hananiah a chix füi apyen angkya owa jao chitüile Zang thuazakya hia Tsai-kax tikle tüikya mix changkya. အခန်းကိုကြည့်ပါ။ |
Kue, wanghom hwom suak twonmix Asaf hato, Zangshwom-Hom nyetmixbu ngwotnui fülom ma lax ang, tingnu pan katuk ma lax ang ilaxle ku ngwotnui hom ma lax angkya hanpakma ku ang pünfi püntsibu laxkox-o lükya laiza tuita zale fa angkya chuwüi akax. Zang ku füi tüile ngokya khoma chongwangpae kue ajuju pangwüi kox.
Kue ija Zangshwom-Hom pung to hu ang ibibi khünak tom: Nguapa Shelemiah; Zadok, chix a tuita Wanlom tsingpa; ilaxle Liwi sün Pedaiah. Hanan, chix a Zakur sasün ilaxle Mattaniah susün, chix a hwom to fongmix changkya. Mama mwotmok mixbu ang chisip-chibale ahanle kox angkya bama kue khünak ibu to mongong thom.
Ku thoma Gowarnor ang ngole hüikya khünakbu a khünaknu zongto hünlit ang achangle tüikya, chemthüikoxle hwome nyixfokya to hwom angkya khop ngunkhix punyi pong, süt hia ju hanpak ang jule lax. Hwom dabue ngaxchu khünaknu to sikangün. Ikoxlechu kue ile chimok, chemthüikoxle kue Zang achuakachenle tüikoxle.
Jowanpa Chasa makhange ku tok füima lüile nang chingün-chizik chaxwan to pikle paole jangchangba? Ifüima kue Ahap hama nang ikhama tüile le wünkoxüi, ikoxle chixe nang chiatakle changkya zuma, chixe ku langle awütüi. Ku naosa ma tüitan tokhange wüi mongkoxle Jowanpa to shwomkya mix tuita changpule texle ataklax.
Ikoxlechu ito bole, mokle tho-angkya khünakbu zünlaxle nange hwom a khünaknu lompabu ang zinglax; züizüi a ojat thakma azüi ang, züizüi a oho thakma azüi ang, iningle punyi-bün hia bün thakma azüi ang tomkox. Hwom a Zang thua zakyabu, owa to mongong ang tsuakle tüipuix, tamchu huxkün-lopmong chitüikya mix chang koxle müiüi.
Zangngai müile machangba Jerusalem angkya fülombu chidap angkya ilaxle zanghan dütle zangnak sheme, ibu angkya zanhumixbu machatba wüi haklaxle ajale among tox angkya kue hwom füi akaxle thom. Ilaxle Jerusalem ma ngokyabu kha angkya wüi nyetmixbu kam laxle hwomkha angkya ozüita akhaxle jongtakha nye angkya ilaxle mamabu a ma homzuibu akhople zanhule aham angkya kue hwom ang kaxkox.