NEHEMIA 6:6 - OTSAO BAIBEL (BSI)

⁶ Ija a ile tüikya: “Nang üntoxle Judah khünakbue alünle ajongse le hyet lomle ija katuk zingle ngoputa. Nang wanghom ang achang angchu azong ngoputa. Ija zangwün a tomzi nok pangkha towüi wünle paole ta.

NEHEMIA 6:6 ပူးပေါင်းရင်းမြစ်များ

NEHEMIA 2:19

Chemtue Sanballat, Tobiah, ilaxle Arab nok mün ma Geshem le amünkya hwome ija mwot to ajong ang sütkya ozing atatle changpuix, hwome kwom wanjai ilaxle thüi: “Hünzome chemle thütüntoxle ija mwot mok ang ajongpu? Hünzom a chongwangpa füi alünle ang ajong puixnyi?”

1 PITAR 3:16

Ikoxlechu ija kax to zingmüi ma tamchu chathua zakya füi lankox. Hünzom zanglom saikha müikya ngünlaxle, Khrista füito azuikyabu le hünzom ahai le ada pongma hwome thünzak kop angkya kuxma hünzom tutex tsaotha le thomlax.

ROM NOK HATO ZAKYA POL LAIZA 3:8

Jangchangba: “Keme pi müikya naxlai ang oma mwot mokhax”, le büthüikoxle chithüi? Changle, züitae ija kaxfa akaxkya füi ku ma kaxhux fedaoa! Hwom a ahai haxkux ma ahaiüi.

IZRA 4:12

“Nang haxtok mama chito ngokya Jehudi khünakbu nguilaxle athax opang Jerusalem ma ngole tüipuix, hwome chimüikya ochax tamchu alünle ajongle tüikya ija tingnu azünle zingle ngokya, chongwangpa, nang na to awünse tsule. Hwome katukbu zing angkya mwot ma sütdaoa ilaxle ija lebama wüi zaile alaitsuak angkya changle.

2 KORIN 6:8

Kwom a achuak achen ilaxle adix-ada. Kwom ajao ahai ilaxle achuak achen. Kwom a khualop mix ang lax.

JUHAN 19:13

Ija kax atatlaxle Pilat-e Jisu homtho to alai. Chix longkhao füi zingkya (Ibri kax ma Gabatha le nyakkya) tüntong ma thung.

KAXHO MÜIKYA LUK 23:2

Ikha to hwome chix ma kaxfele akax: “‘Chongwang süi taxtha üntoxle Ku Messaiah, wanghom changpu’ le akaxle chix jaojaoe khünaknu chichangkya lom to jikle pao ngokya, ija mixsün kwome koppu.”

MATHI 5:11

“Otue khünaknue ku khoma hünzom to ajaole sikngün faüi hex, ilaxle hünzom füi alünle kaxma pangnu akaxüi hex; izuma hünzom mohiman.

JEREMIA 20:10

Pangnusae huxsa ma wünkya kue atat, “Thomshix thama a pangkhato tüile! Idaile chix bama pünpa-chongwangbu hato kax koxhax!” Ku zuikhui shemkhaxbu ngaxchu ku dütüi to hule nui. Hwome thüi: “Chix a dyen ang tsuaküi, ifüima keme chix koplaxle olüix khom ang thoüi.”

IZRA 4:15

nange pupa hwome bangkya tsaitong-kaxza chemle pang tüipuix lom angkya kaxtom laxkox. Ile jangchang thüiningle, ija tingnu a, ija haxtok ma apünle hüikya chongwanghom tamchu lompa hwom zongto kaitokhange alün-aloxle hüikya tingnu tuita changpule ataküi. Ikhama tüikya khünakbu a pünkax-wangkax ma laxle tüi ang mongngamkyabu changle hüipu. Ikhokhoma le ija tingnu amütkya changpu.

NEHEMIA 6:5

Ifüima aga lükya kaxho füi Sanballat-e chix dabu ku hato akat; izuma a laiza tuita chihak homtoxle ahüi.

NEHEMIA 6:7

Ilaxle nang tuita Judah nok wanghom ang achangkya kax angaile Jerusalem ma khuapu ang tom angkya hanpakma nange ajebu züizüi achwonle thomdaoa ta. Ibu pangwüi Geshem-e ku hama wünle changdaoa. Tütakoxlechu wanghompa-e ija kax atatle laxüi, ikhoma kue thüipu, ija zangwün azut ang künyi tam apong koxle wüi müiüi.”

NEHEMIA 6:13

Hwome ku mün ama angkya hia zak-akop ang tho angkya hanpakma ku ang ochax alyen angkya hanpakma azan-anale chang ang chix shak.