NEHEMIA 5:8 - OTSAO BAIBEL (BSI)

⁸ ilaxle akax: “Kwome tsuakkya kople, ma alüile mixnok chak to hangle awüt-se kem tuita-naopa Judah khünak mamabu shakle tüipu. Ikoxle athax hünzome ma tuita-naopa hwom tamchu hwomma-hwommixbu hünzom chak to hang angkya atsang ngopu!” Ipongma lompabu kaxlan angkya chitüile dangle apa.

NEHEMIA 5:8 ပူးပေါင်းရင်းမြစ်များ

2 KORIN 8:12

Nange otukux tsuakpuix itukux mongtsu laxle jangmok thüiba, nang hingho füi Zang mongzom müikya tüiüi. Nang ma ngax chitüi khato koxüi changtüi angpu le Zange otuechu münthüt.

1 KORIN 8:11

Nang ma jetüi hwonlangkya makhange, mongong ma zong matüikya nang zongto khristan tüinao tuita, khrista owa hanpakmachu wüi zilaxpuix, chix amaüi.

ROM NOK HATO ZAKYA POL LAIZA 14:15

Nange sütli tuita makhange tüinao mong aduak ang jangkox thüiba, athaxpi nang zanglom ma mongküne lomzunkya müntüi. Chix khoma hexle Khrista ma zikya khünak tuita tsün nange saxkya süt makhange taxama!

ROM NOK HATO ZAKYA POL LAIZA 3:19

Owaechu ma khosele zangwün angkya chitüi angkya ilaxle chaxwannu bakle Zang kaxfün hato apüi angkya hanpakma, wanlom ma atüitüi komle wanlom fangma ngokyabu pangnu hanpakma akaxkya changle le athax keme awan ang kople.

MATHI 25:29

Chemthüikoxle tüikya mix ang aluile faüi ikoxle chix ang onüi tüi ang kopüi; ikoxchu chitüikya mix angkya, chix ma atüitüi ngaxchu komle paoüi.

MATHI 25:15

Chixe nok ang wüi mathüt mapanpan le kox; mixhuak tuita ang chixe ngun hajat aga kox; atat mix ang ngun hajat anyi kox; ilaxle ata mix ang ngun jat tuita le koxle tox ilaxle chix mixwün to pao.

MATHI 22:12

Wanghome atüi, ‘Zuikhui, nang ikhato aju-asomkya zapua chilax homtoxle chemle dongpu?’ Ija mixsüne chemlechu chilan.

JOB LAIPEX 32:15

Kax-kax ma hwom towüi lütdaoa, Job; hwom ma nang kaxto lan angkya kaxlan müntüi.

JOB LAIPEX 29:10

Alixachongbue ngaxchu dangjale apa.

TSAITONG-KAXTONG 24:7

“Israel khünak tomtom owawae owawa kople paolaxle ma da ang thom chichangba ija khünak da ang achangle hangle jangchang, ija khünak a mik max ang tom angkya changle. Ile changkox tix hünzom ija ochax füi atsaile ngo ang tsuaküi.

LAIPAO 21:16

“Hang angwüi changlax chichangba da ang lax angwüi changlax, owawae khünak ahuxle jangchang, chix a mik max ang tom angkya wüi changpu.

GALATIA 6:10

Idaile kem ang otukux oshua tüipuix itukux keme noknusa towüi müikya mwot mok angkya oli changle, tamnüilechu mongong ma kem füi homkha tuita ang ngokyabu ang mok kox angkya oli changle.

NEHEMIA 5:9

Ifüima kue akax: “Hünzome chem mokle ngopuix ija a thaihule! Hünzome Zang kax ma lax üntoxle chem supuix ija moksepa. Ile chang koxle, songsari khünak, kem zanpabu ang kem to adix-adale chang angkya opong-olom müntüise.