NEHEMIA 5:10 - OTSAO BAIBEL (BSI)

¹⁰ Kue khünaknu ang ngun-syen hia süt ku angkya azutle koxpu, ku üitho hwome tamchu ku füi tomle mwotmokle tüikyabue chuwüi ilailaile mokpu. Athaxpi, hai, keme thashe achat-hüile jule ngokya zak-hax.

NEHEMIA 5:10 ပူးပေါင်းရင်းမြစ်များ

2 KORIN 6:1

Kwome Zang füi tomle mwot mokpu, ilaxle Zange hünzom ang fakya chingcha muato shixshixkhaxle taxchangünfa le kwome hünzom füi akaxpu.

2 KORIN 5:20

Zang chixjaoe kwom makhange chix zangwün thwonkya tukux, ikhama kwome Khrista bama zangwün ngopu. Zan ang ngokya chix füi zuikhui ang achangle, Zange hünzom mong alüix ang laxkoxle kwome Khrista mün ma Zang to joppu.

2 KORIN 5:11

Zang thua zale le chem ang thüipuix ija kwome awanpu, ikhoma kwome Kaxho Müikya füi anom-anai ang azongpu. Zange kwom bama bakle awan ngole ilaxle hünzomechu mamong mongto ku abakle loplaxle ngopule monghompu.

MIKA 2:1

Mik azangle shuile ngo üntoxle ochax mwotlom zingle ngokyabu hanpakma chemtukux khomtsi angkya tüipuix! Chemtue huazungle zangngaipuix, hwome oshua müikya ziasyen atakkya füi tomle, hwome zingle thomdaokya ochax mwot hwome mok.

EZEKEL 18:13

ilaxle olap kop ang ngun koxle apao. Chix ozün ma ngo ang cha? Münngo, nushix dongkya mwot ibu pangwüi chixe mokle tsuakdaoa, ikhoma chix a zi angkya wüi changpu. Chix zik bama owamachu tsaitox-kaxfe angkya müntüi.

EZEKEL 18:8

Chixe olap kop angle ngun koxle münthom. Chixe ochax mwot münmokle angamle ilaxle tütaningle alakya zangwünchu chixe sukya lom ma fün-wün tsuakle kox.

MÜNCHUAK-TSAI 15:5

Hwome olüi chilom homle thashe koxle üntoxle chemngax chitikkyabu füi apüile tüikyabu sule le aho ang zuizun kox ang müntho. Owapange iningkya mwot moklaxüihex othuithuima kho azangle ngoüi.

NEHEMIA 5:7

ilaxle chixe ija chifün to hulaxle mok. Kue khünaknu khama alixachongbu hia lompabu to ahe ilaxle thüi: “Hünzome mamixbu to sikangün ngole!” Ija tingtui bama zangwün azut ang kue noknu tu asox ang tom

NEHEMIA 5:9

Ifüima kue akax: “Hünzome chem mokle ngopuix ija a thaihule! Hünzome Zang kax ma lax üntoxle chem supuix ija moksepa. Ile chang koxle, songsari khünak, kem zanpabu ang kem to adix-adale chang angkya opong-olom müntüise.

NEHEMIA 5:11

Keme hwom angkya kopse tüikya thashe: Ngun wüi changlax, saxziak wüi changlax, grep ziak wüi changlax chichangba Olip münga wüi changlax, ibu komle chitüikya ang laxhax. Ilaxle ibu ang hwom manzai haxtok, grep haxtok, olip haxtok tamchu hwom hom-hax, ibu pangwüi achatle koxhax!”

ISAIA 58:6

“Kue lomkya chisax-chilingle atsaokya olom a ija changle: mix to zothupkya khak-kha dahai ilaxle chisukya kaxfün dang apaodao, ilaxle zothup ma ngokyabu mongtex ma aham ang dankox.

TSAITONG-KAXTONG 15:2

Ija a ile mok angkya wüi changpu. Israel khünak tuitae ata Israel khünak ang wüi thashe koxle thomkya münlaxngole dantox angkya oli changpu; chixe ija ngun lax ang chiazongüi; Jowanpa chix jaoe thashe münlaxpule ngaidaoa.

NEHEMIA 10:32

Zanglao to keme chakpuix tuita thom achyet ma ahankya kha angkya thom tuita khop ngunkhix Zangshwom-Hom mwot ma bakkya to thap ang kox angkya changle.

EZEKEL 18:7

Chixe owachu mündyen chichangba owa angkyachu pa-lole münlax. Chix angkya omua ma laxkyabue olüi koxle changkyabu chixe achatle koxle; woknuak ma ngokyabu ang chixe süt kox ilaxle tomhua ma ngokyabu ang chixe nyi-za awunle kox.