NEHEMIA 4:5 - OTSAO BAIBEL (BSI)

⁵ Hwome mokkya ochax mwot bama thailak tüi ang taxtom ilaxle hwom ochaxbu otuechu taxalak, chemthüikoxle hwome ija tingnu azünle zaile ngokya kwom adix-adale changdaoa.”

NEHEMIA 4:5 ပူးပေါင်းရင်းမြစ်များ

JEREMIA 18:23

Ikoxlechu, Jowanpa, hwome ku mik amüt ang atsing ngokya pangwüi tikle ngopu. Hwom chichangchizangle tüikya hia hwom ochaxbu hanpakma thailak taxtüi. Hwom to zane lüt ang tomkox ilaxle nang mongtsikle ngopongma hwom to chak mokkox.”

MÜNCHUAK-TSAI 109:14

Jowanpa hopu-hopa hwom ochax texle naxatak ilaxle chix onu ochaxbu thailak fakya chitüile naxchang.

2 TIMOTHI 4:14

Janthup mix Alekjendar-e ku to chisumüile hwonle; chixe mokdaokya lailaile chix ang Zange hingho fa angkya changle.

ISAIA 44:22

Kue hünzom ochax a zangfwom paopupule apaodaoa. Ku hato chat-hüi; hünzom khosünle kopkya mix a ku changpu.”

ISAIA 43:25

Ikoxchu tix, ku a hünzom ang ochax thailak koxkya Zang changpu, ilaxle kue ija a ku chem hex ikhoma mokpu. Kue ku zongto hünzom ochax kople münthom.

MÜNCHUAK-TSAI 51:1

O Zang, ku to chingcha hüi, tamchu chizakkya nang mongkün tokhange. Nang jaja chongkya makhange ku ochaxbu fwotle amüt hüi!

MÜNCHUAK-TSAI 51:9

Ku ochax ngünle laxüia nang mik achikdao, ku chichang-chizang pangwüi fwotle amüt fahüi.

NEHEMIA 4:6

Ikhoma kwome chizakle ija zaile alai angkya mwot thuithuile mokle le, ilaxle lebama wüi kwome süitex süifi mwot tsuakle hüi, chemthüikoxle khünaknue mongtsutsule mwot mok.

ISAIA 2:9

Pangnusae hwom tha ajaole adix-adaüi. Jowanpa, hwom ang thailakkya taxtüi!

MANGSOP 1:22

“Hwom chichang-chizangkya ochax pangnu khoma hwom thaile le ajaokox; Nange ku to ku ochaxbu khoma chemle sikangünle changdaopuix ija ningle hwom tochu sikangün kox. Ku mongmaxle awaopu, ilaxle ku a mongkha ma kakle.”

2 SAMUEL 17:2

Chix na-juale tamchu zong chitüile ngopongma kue chix to athule singüi. Chix a zakyae abüt-abanle maxüi, ilaxle chix khünaknu a pangwüi fütle paoüi. Kue wanghompa tata langüi,