NEHEMIA 4:10 - OTSAO BAIBEL (BSI)

¹⁰ Judah khünaknue tsai ile ngao: “Hünlit hün laxle kwom shonaile max; Awüt angkya longkhixbu huanuma tüile. Anyix kwome katuk chemle zingthoüi?”

NEHEMIA 4:10 ပူးပေါင်းရင်းမြစ်များ

HAGAI 1:2

Jowanpa Khüthak Zang-e Hagai ang thüi: “Ibu khünakbue athax a Zangshwom-Hom zai angkya tunu münchangle thüitüia.”

EZEKEL 29:18

Chixe thüi: “Ziün angkya khünak, Babilon nok wanghompa Nebukadnezar-e Tair tingtak ang sütdaoa. Chixe chix süpahibu ang müimamakya hünlix ahünle changkya khoma hwom khang akole paole ilaxle hwom suaktobu a adi le paole, ikoxlechu wanghompa-echu tamchu süpahibue chu hwom sikngün khoma kopkya chemchu chitüi.

2 PUKAX-PANGAO 2:18

Chixe hwomkha angkya 70, 000 khünak ang ibu tuina apüi ang tom ilaxle 80, 000 khünak ang haxnu to long thole, ibu asex ang tom ilaxle ibu mwot to hume angkya khünak 3,600 kamle dan.

HUAKE LAIPEX 32:9

Hwome Eskol Haxnucha kople hüilaxle chaxwan to hule lax, ikoxle chatüntoxle a, Jowanpae hwom ang koxle thomdaokya haxtok to ngui ang khünaknu mong ahik.

HUAKE LAIPEX 13:31

Ikoxlechu Kaleb füi tomle zyet ang paokya khünakbue thüi: “Münchang, kem a hwom to lüt-tang tsak-zongkya münchang, ikhatokya khünakbu a kem füi huanuma tsak-zongle tüile.”

2 PUKAX-PANGAO 34:13

Mama Liwi hwom a longkhao hia püntsibu apüi angkya tamchu malom-malom mwot-katbu apuale kox angkya, ilaxle züizüie a mwot ibu laiza ma akiakle thom angkya hia nyetmixbu mwot mok.

NEHEMIA 4:2

Chix füikya khünakbu hia Samaria nok süpahibu tuntho to chixe akax: “Ija chem chifün chitüikya Judah khünakbue hwome chem mokpu le textüipuix? Hwome tingnu chatle azünle zaile alaiüile texpia? Töbu koxkya makhange hwome ija mwot nyixta ma wüi alaile tsuaküile texlaxpia? Hwome longhom zai angkya longbu zokle ashundaokya athün thomkya longkhixbu makhange chatle zingtsuaküile texlaxpia?”

NEHEMIA 4:9

ikoxlechu kwome kwom Zang to zangjop ilaxle hwom to zanhule nyengo angkya hanpakma ma zangnak zangngaile kwome khünakbu zanhu ang dan.

NEHEMIA 4:11

Kem zanpabue, hwome kem to asoxle shingle, kem pangwüi mik amüt tamchu mwot athole zak ang tomle machang tanto keme hwom ngün ang münthole thüt.