NEHEMIA 3:4 - OTSAO BAIBEL (BSI)

⁴ Uriah sasün Meremoth, Hakkoz susüne ifüikya othui zaile alai. Berekiah sasün Meshullam, Meshezabel susüne ifüi athuikya zingle alai. Ifüikya othui a Bana sasün Zadok-e zai.

NEHEMIA 3:4 ပူးပေါင်းရင်းမြစ်များ

IZRA 8:33

Ifüima nyix ali lükya to kwom Zangshwom-Hom to ngui, khop hia hun tamchu tiklak-khuakhebu atuakle hu, ilaxle ibu nguapa Meremoth chak to kox. Chix a Uriah sasün changkya. Chix füi tomle Finehas sasün Eliazar hia Liwi sün anyi, Jeshua sasün Jozabad hia Binnui sasün Noadiah hwom tüikya.

NEHEMIA 3:21

Meremoth, Uriah sasün tamchu Hakkoz susün, chixe ifüikya othui zaile alai. Chixe zaikya katuk Eliashib hom alople changkya.

NEHEMIA 3:3

Nyax Zünkai a Hassennah saxthom hwome zing. Hwome püntsi hia kahak ang zünkai ma apüt, ilaxle ija ka hakle thom angkya kuxmale ajakya kapatbu zingle kox.

NEHEMIA 3:5

Tekoa angkya khünakbue ifüi athuikya zaile alai, ikoxle tinglong angkya lompabue, mwot-humixbue mok ang tomkya khünakbu ang ija mwot mok ang chitomle abax.

IZRA 2:61

Nguapa hwom khama ibibi saxthom ang hwom putong hwom bama tsaikhax-kaxkhün chemchu chitüi; ibu a: Habaiah, Hakkoz, ilaxle Barzillai. (Nguapa hwom khama Barzillai saxthom putonge Gilid angkya Barzillai mixcha tuita ma kako ang apüi ilaxle hohopa saxthom mün tswon.) Hwome hwom putong opupu changkya hex awanle chifa tsuakkya khoma hwom a nguapabu ang pongle chikop.

NEHEMIA 3:30

Shelemiah hia Hanun nyi sasün Hananiah, Zalaf sasün azok lükya, chixe ifüi athuile tüikya katuk zaile alai. Ija a nyi lükya changkya. Berekiah sasün Meshullam-e ifüi athuikya katuk zaile alai. Ijongkha a chix homtho tang ma tüikya.

NEHEMIA 6:18

Chix hohopa ang Judah khünak chang koxle tamchu Arah sasün Shakaniah khoma Judah angkya khünaknu huanuma chix chima sütle tüikya. Ija obo angchu, chix sasün Jehohanan-e Berekiah sasün Meshullam sacha kako ang lax.

NEHEMIA 7:63

Ibibi zompu-zangpabu saxthom hwome, ibibi khünak a hwom putong hwom changpu lükya tsaitong-kaxza chiataktsuak: Hobaiah, Hakkoz, hia Barzillai. (Zompu-zangpa Barzillai saxthom hwome Gilid angkya Barzillai saxthom angkya wüi shekobu ma kako ang lax ilaxle oho hwom mün tswonle ngo.) Hwome hwom putong hwom opang changkya hex aho ang chithokya khoma, hwom a zompu-zangpabu khato chilax.