NEHEMIA 2:8 - OTSAO BAIBEL (BSI)

⁸ Kue, wanghom hwom suak twonmix Asaf hato, Zangshwom-Hom nyetmixbu ngwotnui fülom ma lax ang, tingnu pan katuk ma lax ang ilaxle ku ngwotnui hom ma lax angkya hanpakma ku ang pünfi püntsibu laxkox-o lükya laiza tuita zale fa angkya chuwüi akax. Zang ku füi tüile ngokya khoma chongwangpae kue ajuju pangwüi kox.

NEHEMIA 2:8 ပူးပေါင်းရင်းမြစ်များ

IZRA 7:6

Izra a, Jowanpa, Israel nok Zang-e Mosa makhange koxkya Wanlom pangwüi hiktikle awankya mixsün tuita tsingpa changkya. Izra ang Jowanpa, chix Zang mohiman tüile ngokya khoma, chongwangpae chix ang chixe ajuju pangwüi kox. Artakses-e apünkya zanglao anüt lükya to, Izra a Israel khünaknu othom koplaxle Babilon tokya Jerusalem to chat ang achex. Ikhama nguapabu, Liwi hwom, Zangshwom-Hom tsaipabu, Zangshwom-Hom nyetmixbu, ilaxle mwotmixbu tüikya.

ISAIA 66:14

Hünzome chemtue ile changkya ngünüihex, hünzom ang mongmüiüi. Ijae nang tsak-zongle tamchu tsangtsa fan müile ngo ang tom. Ifüima, Jowanpa, kue ku kax ma laxle ngokyabu to kue fongle hüikya, ilaxle ku zanpabu hato ku mongtsik ahokya hünzome awanle hüiüi.”

NEHEMIA 7:2

Jerusalem tingnu apün-adakya mwot to hu ang kue mixhuak anyi ang hünlit koxle thom. Okhi a: Ku nao Hanani hia Hananiah nyi, hokhi a zanhule ngokya süpahibu alixachong hwom khama kaxtom fakya nyi changkya. Hananiah a chix füi apyen angkya owa jao chitüile Zang thuazakya hia Tsai-kax tikle tüikya mix changkya.

DANEL 1:9

Zang-e Ashpenaz kün-hi-mong khama Danel to chingchale hu angkya kün-mong kox.

IZRA 5:5

Ikoxlechu Judah nok lompabu thakma Zang-e hule nye ngokya, ilaxle Chongwangpa Dairas hato laiza akat laxle chix chitokya kaxnong machat tanto Parsia nok nguakax-wangkhobue chakjule chemchu chimok angkya katzua lax.

PONGWANG LAIPEX 32:28

Ija mixsüne thüi: “Athax nang mün a Jakop le münchangüi. Nang Zang füi tamchu ku füi ashingle changdaoa ilaxle nange wüi anaodaoa; ikhoma nang mün a Israel”

2 KORIN 8:16

Hünzom to fong ang kwom mongtsukya ningle Tita angchu mongtsu ang koxkya khoma kwome Zang ang münchong fapu.

WANGSHEMBU MWOT 26:22

Ikoxlechu anyix kople Zange ku to fongle wüi hüipu, ija khoma hixkya chongkya noknusa hama otsingtsing zangwün ang ku ikhama ajongpu, kue akaxkya zangwün a ajebu hia Mosa hwom akaxkya füikya kya wüi changpu.

WANGSHEMBU MWOT 7:10

Zange chix sikngün pangnu tokya khosünle apüi. Otue Jusep, Ijip wanghompa Farao pomtho ma ajong, Zange chix ang wanghompa mongzom amüi angkya zong hia hwon-je kox. Farao-e Jusep a chix wangting hia chix homkha ma apün angkya mix ang achang.

WANWÜNKAX 21:1

Chixe chemle shuasa ti jenle le angkya oshua chwonpai ma züile koxpuix ija lailaile Jowanpae ochwonpai ma wanghombu tutex akumathum ang thole.

IZRA 6:22

Nyix anüt hwome mongmüi-pwonlale an thulaxle twonkhax chiawon homtoxle hwome ija saxkya pangpwon nui. Asiria nok Chongwangpa hwomchi ma se ilaxle Israel nok Zang to shwom angkya Zangshwom-Hom chatle zaile alai angkya hwom to asunle hüi ang tomkya khoma hwom ang Jowanpa füi athukle mongmüi.

HWON-NWOT-JAONO 2:5

Kue küili-wüli pangwüi akiakle hia pünziak-laimobu zaile alai;

HWON-NWOT-JAONO 2:6

Kue ibu to ti apüi angkya hanpakma tilom züile apaüi.

IZRA 6:8

Kue hünzom ang ija homzai mwot to asunle kox angkya kaxtom koxpu. Mwot thothojole chichang angkya kuxmale ija homzai ma bakkya pangwüi, chwonchwonle wüi chongwang hwom suak angkya ashix angkya changle.