NEHEMIA 13:5 - OTSAO BAIBEL (BSI)

⁵ Chixe Tobiah ang nui chongkya tuita ojongma saxziak tö hia ongam müikya tö ibu, Zangshwom-Hom ma laxkya tuinabu, nguapabu ang koxkya töbu, ilaxle saxziak bünfong, grepti-ju bünfong, ilaxle Liwi hwom, Zangshwom-Hom tsaipabu, ilaxle Zangshwom-Hom nyetmixbu, ibu ang koxkya olip münga, ibu thomkya nui kox.

NEHEMIA 13:5 ပူးပေါင်းရင်းမြစ်များ

NEHEMIA 12:44

Ipongma khünakbu a Zangshwom-Hom hanpakma tuinabu apüile koxkya athünle thomkya pungbu to hu ang dan. Hwome apüikya khama bünfong, zangpua mong angkya saxziak hia pünziak puamün wünkya ibu pangwüi tüikya. Wanlom ma tüikya ningle nguapabu hia Liwi hwom hanpak ang tingnubu zui ma tüikya manzai kha angkya saile asox angkya hwom mwot changkya. Judah angkya khünaknu pangwüi nguapabu hia Liwi hwom füi mongmüile tüikya,

NEHEMIA 10:38

Ibu bünfong afoxle changpongma Arun makhange hüikya nguapabu chu Liwi hwom füi tomle tüi angkya wüi changpu, ilaxle Zangshwom-Hom ma lax angkya hanpak ang Liwi hwome bünfong akopkop pangwüi kha angkya bünfong Zangshwom-Hom pung ma athüt angkya changpu.

2 PUKAX-PANGAO 34:11

pün zingpa hia long zingpabu chak to koxle, Judah nok wanghom hwome ama ang tomkya homnu azünle zaikya ma lax ang long hia püntsibu shak ang twon

NEHEMIA 10:37

Kwome zangpua foto puamün tsaxkho shiklaxle zingkya ankhao chuwüi nguapabu hato Zangshwom-Hom to apüile koxüi ilailaile grepti-ju, olip münga hia pünziak pangnuli puamün tö tuita ningle apüile koxüi. Kwom haxtok manzai angkya bünfong saile laxngokya Liwi hwom hato kwome, kwom haxtok ma laikya manzai puamün kha angkya bünfong apüile koxüi.

NEHEMIA 13:7

ku a Jerusalem to chat. Ikhato Eliashib-e Tobiah ang Zangshwom-Hom ma nui tuita koxle thomkya ngünlaxle ku abüt.

EZEKEL 40:38

Fülom angkya thongnu zui ma kahak namtüile nuilua tuita tüikya. Ikhama hwome zokle ashunle koxkya tö so.

2 PUKAX-PANGAO 31:11

Wanghompa kaxtom ma hwom Zangshwom-Hom tsawat mong ma pungbu zaile alai

NEHEMIA 10:36

Kwom ang puxkya tüichongsasa nguapabu hato Zangshwom-Hom to apüiüi ilaxle ikhato Wanlom ma tüikya ningle, ija sasün Zang hanpak ang atsaole koxüi. Kwom maihu hosa puxkya pongwang angkya chuwüi Zang hanpak ang atsaole danüi, ija ningle chun hosa hia zwon hosabu chuwüi atsaole koxüi.