NEHEMIA 13:28 - OTSAO BAIBEL (BSI)

²⁸ Joiada a Nguakho Eliashib sasün changkya, ikoxle Joiada sasün hwomkha angkya tuitae, Beth Horon tinglong angkya Sanballat sacha lax, ikhoma kue Joiada a Jerusalem toxlaxle pao ang tom.

NEHEMIA 13:28 ပူးပေါင်းရင်းမြစ်များ

NEHEMIA 2:19

Chemtue Sanballat, Tobiah, ilaxle Arab nok mün ma Geshem le amünkya hwome ija mwot to ajong ang sütkya ozing atatle changpuix, hwome kwom wanjai ilaxle thüi: “Hünzome chemle thütüntoxle ija mwot mok ang ajongpu? Hünzom a chongwangpa füi alünle ang ajong puixnyi?”

NEHEMIA 12:22

Liwi hwom homkha angkya hia nguapabu homkha angkya lompa mün ibibi Nguakhobu ozün ma tüitanto zale thom: Eliashib, Joiada, Jonathan, ilaxle Jaddua hwom bibi. Ija mün zakya laiza a Parsia nok ma chongwangpa ang Dairas ngopongma tsuak.

NEHEMIA 12:10

Jihusua a Jehoiakim hopa; Jehoiakim a Eliashib hopa; Eliashib a Joiada;

NEHEMIA 3:1

Ija a tingnu katuk chemle azünle zaipuix ija changpu. Nguakho Eliashib hia chix füikya mama nguakhobue Chun Fülom zing, ija jople atsao, ilaxle ija zünkai ma apüt. Hwome pan katuk Hota Longthün hia Hananel Longthün alople jople atsao.

NEHEMIA 2:10

Ikoxlechu Beth Horon tinglong angkya Sanballat, ilaxle Amon haxtok angkya alixachong Tobiah hokhie, Israel khünaknu fün amüile mwotmok angkya hanpakma owawa nguile tüileta le atat ang kop. Ikhoma hokhi ang tüle mongtsik.

WANWÜNKAX 20:26

Jetüi-hwonlangkya wanghompa-e thaile mok ngokya khünak atak tsuakle, ilaxle ojao chingcha chitüile chix to sikangünle.

WANWÜNKAX 20:8

Wanghompa kaxfün nui ma thungle ilaxle hukya füi tomle chixe chichang-chizangkya awanle laxle.

MÜNCHUAK-TSAI 101:8

Nyixfokya to kue haxtok angkya chichang-chizangkyabu kue amütüi; Jowanpa tingnu angkya ochax khünakbu kue jwonle apaoüi.

NEHEMIA 13:25

Kue ibu khünak to sapu, hwom hato thuakzom hüi angkya akaxpu, hwom to fitpu, ilaxle hwom tüntongbu wüile awütpu. Ifüima kue hwom ang, hwome tamchu hwom su-sa hwome chuwüi, ibobo ma mixnok shekobu füi atu-amaile münchangpu-ole tsaotsüt ang tompu.

NEHEMIA 4:1

Kwom Judah khünakbue katuk zaikya mwot owang wangkya kax chemtue Sanballat-e atatle laxpuix, chix ang kwom füi mongtsik lai ilaxle kwom chanyi.

IZRA 10:8

Ija kaxho a khünaknu lompabu kaxtom ma apuk. Nyix azom mong ma owawa chinguile jangthai, hwom tuinabu komkaile tsuiüi ilaxle hwome noktu angkya hwom nokpu chifün max ang tomüi.