NEHEMIA 13:17 - OTSAO BAIBEL (BSI)

¹⁷ Kue Judah nok lompabu to sa ilaxle hwom ang thüi: “Hünzome mokle ngokya ochax to hulax! Hünzome Sabath a tuita chitsaokya ang achangdaoa.

NEHEMIA 13:17 ပူးပေါင်းရင်းမြစ်များ

NEHEMIA 13:11

Zangshwom-Hom wün ahaile changkya khoma kue okax-okhobu to sa. Ilaxle kue Liwi hwom hia tsaipabu tamchatle Zangshwom-Hom to apüi ilaxle chatle hwom mok ma süt ang tom.

NEHEMIA 13:25

Kue ibu khünak to sapu, hwom hato thuakzom hüi angkya akaxpu, hwom to fitpu, ilaxle hwom tüntongbu wüile awütpu. Ifüima kue hwom ang, hwome tamchu hwom su-sa hwome chuwüi, ibobo ma mixnok shekobu füi atu-amaile münchangpu-ole tsaotsüt ang tompu.

MIKA 3:9

Ku kax apalax, hünzom Israel nok lompabu, hünzom sukya thua anukyabu tamchu sukya chisukya ang achangkyabu.

MIKA 3:1

Apalax, hünzom Israel nok lompabu! Hünzome sukya kaxfün bama mongkoxse changhupu,

JEREMIA 13:18

Jowanpae ku füi akax: “Hwom ngwotnui angkya thai angkya wanghompa hia hotatüi wangchanu hama akaxkox, chemthüikoxle osün müikya khohom hia khüsünbu a hwom khangkho angkya dütdaoa.

JEREMIA 5:5

Khünaknu hato ku tsak-zong füi paoüi ilaxle hwom füi zangwünüi. Hwom Zang-e lomkya hwome tütakoxchu awanle ngole, Jowanpae hwome naxmoksele thütkyabu.” Ikoxlechu hwom pangnusae Jowanpae apün-adakya chilaxle awütle ilaxle chix kax ma münlaxpule angamle.

ISAIA 1:10

Jerusalem, nang apünkyabu hia nang khünaknu a Sodom hia Gomorah nok ningle. Jowanpae hünzom füi chemle akaxpuix ito apalax. Kem Zang-e chem anwot-anopuix, ito mongkoxlax.

WANWÜNKAX 28:4

Nange wanlom to e-sekya ojao chitüi thüiningle, nang a chichang-chizangkya chima sekya ang changpu; ikoxle nange wanlom ibu kax ma laxle jangtüi thüiba, nang a hwom füi opüi ma ngokya mix changpu.

NEHEMIA 5:7

ilaxle chixe ija chifün to hulaxle mok. Kue khünaknu khama alixachongbu hia lompabu to ahe ilaxle thüi: “Hünzome mamixbu to sikangün ngole!” Ija tingtui bama zangwün azut ang kue noknu tu asox ang tom

NEHEMIA 13:16

Tair tingnu angkya khünak züizüi Jerusalem ma ngole tüikya, ilaxle hwom Sabath nyix kwom khünakbu ang hang ang nyax hia mama mwot-katbu tingnu to apüi.

LIWI 19:17

“Nange ma tomzi to mongto khax-khule taxchang, ikoxle hünzom ba angkya zangwün zingmüi ma tsuakdao, ile changkox tix wüi hwom zongto nange ochax lyenkya müntüiüi.

EZEKEL 20:13

Ikoxle sak-hax to ngaxchu hwome ngaithole ku kax ma chilaxle angam. Hwome ku wanlombu pünle awüt ilaxle ku kaxtombu kax ma chilaxle tüi; ibu tole jangchang thüikoxle hwom pangwüi ang khüzün tüisepa. Sak-hax ikhato wüi kue hwom ang ku mongtsik janzüi komkaile apong ang tom angkya tamchu olithule hwom amüt angkya ku achwonle tüikya.