NEHEMIA 13:15 - OTSAO BAIBEL (BSI)

¹⁵ Ipongma Judah angkya khünaknue Sabath nyix grepti-ju fyetkya kue ngünle lax. Mamabue saxziak, grepti-ju, grep ziak, fupsa ziak, ilaxle mama mwotkatbu mantsakbu ma hünzing laxle ibu a Jerusalem to paole ngokya; Sabath nyix chemchu hang-jole chichang angkya kue hwom ang kaxkhün kox.

NEHEMIA 13:15 ပူးပေါင်းရင်းမြစ်များ

NEHEMIA 10:31

Mixnokbue kwom ang hang ang saxziak hia tütali Sabath nyix kha apüile jangchang, kwome hwom kux münshaküi. Anüt-lükya zanglao to kwome haxtok münmo ilaxle thashebu münthom.

NEHEMIA 13:21

Kue hwom ang kaxkhün koxle thüipu: “Ikhama hünzom ngainopkya zangngai tanle nuikya chem olüi müntüi. Hünzome anaole chuwüi ile mok ang jang-azong, kue hünzom a zong ma laxle jwonle apaoüi.” Ija makhange hwom Sabath nyix tamchatle münhüi.

LAIPAO 34:21

“Hünzom ang ma mwot mok angkya hanpak nyix azok tüipu, ikoxle haxkhutle tsax thwom tu chichangba tsax züt tu chang koxlechu nyix anüt lükya to mwot taxmok.

ISAIA 58:13

Jowanpae thüi: “Hünzome nazakle nuikya nyix a otsao-nyix le jangtwon ilaxle ija nyix nang mongtex mwot chimok; nang ija otsao nyix achuakle thom ilaxle aham-atüile chichang, mwot chimok, chichangba ija nyix chisumüikya zang chiwün,

EZEKEL 20:13

Ikoxle sak-hax to ngaxchu hwome ngaithole ku kax ma chilaxle angam. Hwome ku wanlombu pünle awüt ilaxle ku kaxtombu kax ma chilaxle tüi; ibu tole jangchang thüikoxle hwom pangwüi ang khüzün tüisepa. Sak-hax ikhato wüi kue hwom ang ku mongtsik janzüi komkaile apong ang tom angkya tamchu olithule hwom amüt angkya ku achwonle tüikya.

JEREMIA 17:27

Ikoxlechu hwome ku kax ma lax angkya wüi ilaxle Sabath a tuita otsao-nyix le atsaole nui angkya wüi. Ija nyix hwome Jerusalem zünkai makhange chemlichu hün laxle chileüi, chemthüikoxle hwome ile jangmok thüiningle Jerusalem zünkaibu ma kue wün langüi. Jerusalem angkya chongwang homlobu wün to zokle shun ang tomüi, ilaxle ija wün owaechu amüt ang münthoüi.”

JEREMIA 17:24

“Hwome ku kaxtombu kax ma laxle chang angkya wüile ibu khünaknu hama akaxkox. Ibu zünkaibu makhange hwome Sabath nyix chemchu hünle chiapüi angkya changpu. Hwome Sabath nyix a tuita otsao nyix changle le mwot chemchu chimokle atsaole nui angkya wüi.

TSAITONG-KAXTONG 8:19

Hünzome Jowanpa hünzom Zang otuechu taxalak chichangba mama baozangbu hato hwom to shwom-to ang taxpao. Hünzome ile jangmok thüiningle anyix kue hünzom ang kaxfün koxle akaxpu, hünzom a tütakoxlechu max ang tomüi.

LAIPAO 35:2

Hünzom ang ma mwot mok angkya hanpakma hanpak nyix azok tüile, ikoxle nyix anüt lükya a otsao nyix, Jowanpa ku hanpak ang süile kopkya nyix changle. Ija nyix owawae tütali mwot mokle jangchang, ija khünak a mik max ang tomüi.

NEHEMIA 9:29

Nange hwom ang nang hwon-nwotbu kax ma laxle tüi angkya kaxkhün kox, ikoxlechu mongngam makhange hwome nang hwon-nwot pongle chikop, nang Wanlombu thom angkya a hwom zongto khüzün lomtang changkya. Ngom awyale tamchu künkhüi-mongdüi füi, hwome kax ma münlaxpule angam.

1 THESALONIKA 4:6

Ija olom ma khünak owaechu ma üitho khristan füi thaile chimoküi chichangba dyen-nganle chichangüi. Kwome ija hünzom hama thotochu akaxdaoa, athaxchu kaxkhün koxle akaxpu, iningle mokkya khünak to Jowanpa-e sikngün faüi.

EFISIA 4:17

Jowanpa mün ma kue hünzom zünpu: Tutex ma laxli chitüi ilaxle küntex mongjang ma zangnak to ngokya songsaribu ningle hünzom taxngo.

GALATIA 5:3

Kue chatlechu akaxpu, ma alüile khwonzüt ang koxkyabue, wanlom ma tüikya olom pangwüi toüi le thashe kopdaoa, chitsuakba maxsax!

WANGSHEMBU MWOT 20:21

Hwom pangnu wüi ma ochax tokya Zang hato chatle, Jowanpa Jisu shwom angkya changle le Jehudi khünak hia mixnok pangnu ang wüi kue otsing tomtata ma kaxkhün tomwüi fadaoa.

WANGSHEMBU MWOT 2:40

Chixe hwom füi akaxkya isasa chichang; chixe hwom zongsai le chatlechu mamabu huanuma akaxle thüi: “Ma khosün koplax; ikoxletix ibu chichang-chizangkyabu sikngünkya ningle hünzom ang sik münngünüi!”

MIKA 6:3

Jowanpae thüi: “Ku khünaknu, kue hünzom to chem oma mokdaopu? Ku kax to lanhüi.

JEREMIA 42:19

Kue chizakle wünle le: “Judah ma danle toxkya khünaknu, hünzom a Ijip nok to chika angkya Jowanpae akaxle. Ilaxle kue athax hünzom ang kaxkhün koxpu,

MÜNCHUAK-TSAI 50:7

“Apahüi, ku khünaknu, kue akax fang; Israel, kue nang a thaidaoa, le kaxkhi koxüi. Ku a Zang, hünzom Zang changpu.

2 PUKAX-PANGAO 24:19

Hwom chix hato chatle chang angkya hanpakma kaxkhün fa ang Jowanpa ajebu ahüi, ikoxle khünaknue hwom kax to chiapa.

NEHEMIA 13:16

Tair tingnu angkya khünak züizüi Jerusalem ma ngole tüikya, ilaxle hwom Sabath nyix kwom khünakbu ang hang ang nyax hia mama mwot-katbu tingnu to apüi.

WANWÜNKAX 28:4

Nange wanlom to e-sekya ojao chitüi thüiningle, nang a chichang-chizangkya chima sekya ang changpu; ikoxle nange wanlom ibu kax ma laxle jangtüi thüiba, nang a hwom füi opüi ma ngokya mix changpu.

AMOS 8:5

Hünzome ma füi alüile ile akaxlax: “Kwom saxziak hangle tsuak angkya hanpakma kwome atsaole nuikya nyix atsangpa le tanle nui ang thoüi. Kwome saxziakbu hangle chang angkya kuxma Sabath a chemtue ashuküi? Ofüima kwome otha achen ang tamchu othüt ma thaile shakmixbu dyenle chang ang thoüi.

LAIPAO 31:12

Jowanpae Mosa ang, Israel khünaknu füi akax angkya,

LAIPAO 31:16

Israel khünaknue ija nyix a Tsaotsüt münwan ang thom angkya oli.

NEHEMIA 10:32

Zanglao to keme chakpuix tuita thom achyet ma ahankya kha angkya thom tuita khop ngunkhix Zangshwom-Hom mwot ma bakkya to thap ang kox angkya changle.

JOB LAIPEX 39:12

Chix manzai makhange nang ang pua-amünle faüi üntoxle nang tsaxnaknui tokya nang tsax asox-atomle faüile texpia?