NEHEMIA 13:13 - OTSAO BAIBEL (BSI)

¹³ Kue ija Zangshwom-Hom pung to hu ang ibibi khünak tom: Nguapa Shelemiah; Zadok, chix a tuita Wanlom tsingpa; ilaxle Liwi sün Pedaiah. Hanan, chix a Zakur sasün ilaxle Mattaniah susün, chix a hwom to fongmix changkya. Mama mwotmok mixbu ang chisip-chibale ahanle kox angkya bama kue khünak ibu to mongong thom.

NEHEMIA 13:13 ပူးပေါင်းရင်းမြစ်များ

NEHEMIA 7:2

Jerusalem tingnu apün-adakya mwot to hu ang kue mixhuak anyi ang hünlit koxle thom. Okhi a: Ku nao Hanani hia Hananiah nyi, hokhi a zanhule ngokya süpahibu alixachong hwom khama kaxtom fakya nyi changkya. Hananiah a chix füi apyen angkya owa jao chitüile Zang thuazakya hia Tsai-kax tikle tüikya mix changkya.

2 WANGHOMBU 22:7

Ija mwot to akhi-amikle humele ngokyabu tangthokya khünakbu changle, ikhoma hwom ma chemtukux bakpuix, ija akiak-aziakle atüi-atua ngo angkya mwot müntüi.”

1 KORIN 4:2

Iningkya da tuita hanpakma lax angkya oli tuita a: chix a ana angkya chitüi le nuitsuak angkya mix chang angkya oli.

WANGSHEMBU MWOT 6:3

Idaile tüi-hi-naohom, Otsao Chasa hia hwon-je e awangle tüile le atsingshokya mix hünzomkha angkya mixsün anüt zünlax, ilaxle kwome hwom ija ngun-syen twon angkya mwot to süt ang tomüi.

WANGSHEMBU MWOT 6:1

Ifüima aluile chingo homle, Jisu man tokyabu sütsa-sütsale tsale hüikoxle, Grik kax ma wünkya Jehudi khünak mixwün nguikyabu hia Jerusalem ma ngokya Jehudi khünakbu bama hyet lai. Grik kax ma wünkya Jehudi khünakbu thome, nyixfole ahankya hwom süntom ngun, hwom kha angkya zomnubu ang chifakya bama hwom e-ma chilaxkya kax ngai.

NEHEMIA 12:44

Ipongma khünakbu a Zangshwom-Hom hanpakma tuinabu apüile koxkya athünle thomkya pungbu to hu ang dan. Hwome apüikya khama bünfong, zangpua mong angkya saxziak hia pünziak puamün wünkya ibu pangwüi tüikya. Wanlom ma tüikya ningle nguapabu hia Liwi hwom hanpak ang tingnubu zui ma tüikya manzai kha angkya saile asox angkya hwom mwot changkya. Judah angkya khünaknu pangwüi nguapabu hia Liwi hwom füi mongmüile tüikya,

2 WANGHOMBU 12:15

Ija mwot to akhi-amik ang thomkyabu tuita chu thaithaxkya mix chitüi, idaile ibu ngunsyen tamchatle akiak-akungle hungo angkya mwot chemchu chitüi.

1 TIMOTHI 3:10

Pongwang ma hwom thwonlop kop angkya changle, ifüima hwome thwontsing ma jangtho thüiba, hwome mwottho thaüi.

1 TIMOTHI 1:12

Mwot mok angkya tsakzong ku ang owae fapuix, kem Jowanpa Jisu, chix ang kue münchong fapu. Ledaokya ma kue chix mo amale wün ilaxle chix to zothup tamchu adix-adale changdao koxlechu,

WANGSHEMBU MWOT 4:35

ilaxle wangshembu chak to kox; ilaxle wangshembue ibu ngun pangnusa ang wüi mathüt mapanpan ahanle kox.

KAXHO MÜIKYA LUK 12:42

Jowanpa-e lan: “Jangchangba mongongkya hia hwontüi jezaikya da opupu hex? Hwom khama süt-mwot to hume angkya üntoxle hozui dabu ang otu nguikya ma sütling to humele kox angkya, ibu mwot hanpakma mongao chitüi le hopunue mwot owa ang koxpuix, mongongkya hia hwontüi jezaikya da a chix changpu.

NEHEMIA 11:22

Liwi hwom opang Jerusalem ma ngole tüipuix, hwom mwot-humix a Uzzi changkya. Chix a Bani sasün ilaxle Hashabiah susün changkya. Chix putong hwom khama Mattaniah hia Mika nyi womle tüikya, ilaxle chix a Asaf saxthom angkya changkya. Ija saxthom a Zangshwom-Hom ma zangshwom pongma tsailom azüi angkya hünlit laxle tüikya.

NEHEMIA 8:4

Ija mwot hanpakmale pünkhao füi zaile alaikya homthongsa ma Izra ajongle tüikya. Chix tsaxchi ma ibibi khünak tüikya: Mattithiah, Shema, Anaiah, Uriah, Hilkiah, hia Maseiah hwom bibi; ilaxle ibibi khünak a chix nongchi ma ajongle tüikya: Pedaiah, Mishael, Malkijah, Hashum, Hashbaddanah, Zekariah, ilaxle Meshullam.

NEHEMIA 3:30

Shelemiah hia Hanun nyi sasün Hananiah, Zalaf sasün azok lükya, chixe ifüi athuile tüikya katuk zaile alai. Ija a nyi lükya changkya. Berekiah sasün Meshullam-e ifüi athuikya katuk zaile alai. Ijongkha a chix homtho tang ma tüikya.

NEHEMIA 10:38

Ibu bünfong afoxle changpongma Arun makhange hüikya nguapabu chu Liwi hwom füi tomle tüi angkya wüi changpu, ilaxle Zangshwom-Hom ma lax angkya hanpak ang Liwi hwome bünfong akopkop pangwüi kha angkya bünfong Zangshwom-Hom pung ma athüt angkya changpu.

2 WANGHOMBU 12:16

Tsangmüt hia ochax tö hanpak ang koxkya ngun ija suak ma chisho, ija a zompu-zangpa hwom kux ang koxle apao.