NEHEMIA 12:43 - OTSAO BAIBEL (BSI)

⁴³ Ija nyix töbu huanuma kox, ilaxle Zang-e hwom mong amüikya khoma khünaknu a huanuma mongmüi atungle tüikya. Shekobu hia naosombu ija atu-ajakya ma wom, ilaxle hwome pukya ozing a ochu-ochu tokhange atat.

NEHEMIA 12:43 ပူးပေါင်းရင်းမြစ်များ

IZRA 3:13

Mongmüi to akhongkya hia sopkya nyi owaechu süile tsing ang chitho, chemthüikoxle hwom akhongkya ozing a tachi-suichi alople pao.

MÜNCHUAK-TSAI 92:4

O Jowanpa khomtsikya nang mwotbu füi ku ang mong amüile; nange chempang mokdaopuix, ibu bama mongmüi to ku ngaoüi.

JEREMIA 31:13

Ipongma naochabu ang mongmüiüi ilaxle pwonlatungle azüiüi, ilaxle lükabu, naosom hia mixmüi pangwüi ang pwonla dongüi. Kue hwom mong asomüi ilaxle hwom mangsop a mongmüi ang achangüi, hwom mongtsik-mongma a pwonla ang achangüi.

JAKOP 5:13

Hünzom khama owawae sikngün apong ngopia? Chixe zangjopkox. Hünzom khama owawa mongmüi ngopia? Chixe achuakle tsai ngaokox.

EFISIA 5:19

Tata füi münchuak tsai, zangshwom tsai ilaxle otsao tsai makhange zangwünkox; Jowanpa ang hünzom mong ma achuakkya füi zangshwom tsai hia münchuak tsai ngaokox.

JUHAN 16:22

Ija lailaile athax a hünzom hanpakma mongma tüile; ikoxlechu kue hünzom chatle ngün ang kopüi, ija pongma hünzom ang mongmüi hüiüi, ija mongmüi a hünzom angkya owaechu pale pao ang chithoüi.

MATHI 21:15

Nguakhobu hia wanlom nwotmixbu, chixe mokkya ohünotün mwot ngünlaxle tamchu naosombue “Dawid Hosa achuakkox”, le akhong ngokya atatlaxle tüle mongtsik.

MATHI 21:9

Jisu thüntho ma tamchu chix nuakfüi ma ahamkya khünaknu ile akhong: “Dawid sasün achuakkox! Jowanpa mün ma nguikya mix, chix to Zange mohiman hüi! Zang mün achuakkox!”

JEREMIA 33:11

mongmüile akhongkya hia tuiju-nasomle puakya ozingbu a. Khünaknue Zangshwom-Hom to töbu apüile changpongma tsai ngole changkya zing hünzome atat ang kopüi; Hwome thüile: ‘Khüthak Jowanpa Zang ang münchong fakox, chemthüikoxle chix a müile ilaxle chix mongkün ma oshuk müntüi.’ Kue ija haxtok a amipongkya lailaile ahak-aluale chang ang tomüi. Ku, Jowanpae ija akaxdaoa.”

ISAIA 61:3

Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

MÜNCHUAK-TSAI 28:7

Jowanpae kho-awa üntoxle wintuk-hanthale chang; kue chix to mongong thompu. Chixe ku to fong üntoxle ku ang mong amüi; Mongmüi tsaibu füi kue chix achuakpu.

MÜNCHUAK-TSAI 27:6

Idaile akhoplaxle tüikya zanpabu to kue wüi anaoüi. Mongmüi tungle akhongle kue chix Zangshwom-Hom ma töbu koxüi; kue tsai ngaoüi, kue Jowanpa achuaküi.

JOB LAIPEX 34:29

Chixe chemchu münmokngo le Zang-e jangtex daoba, owaechu chix ang chichang khato le thüi ang müntho. Zang-e chix thün jangkhomba, khünak a maxsax.

2 PUKAX-PANGAO 20:27

Jowanpa hwom zan to anaole changkya khoma, Jehusafat-e thothut laxle süpahibu hwom Jerusalem to sungdün ahukle chat.

2 PUKAX-PANGAO 20:13

Judah haxtok angkya khünaknu, hwom kako hia naosom hwom pangwüi athütlaxle ija Zangshwom-Homkha ma ajongle tüikya.

2 PUKAX-PANGAO 7:10

ilaxle ifüi angkya nyix a, anüt lükya lyetnu ma nyixtsa azom lükya to tix Solomon-e khünaknu a mahom-hom to afan. Israel khünaknu to, Dawid to, Solomon to, Jowanpae mohiman fakya pangnu bama hwom ang tüle mongmüi.

1 SAMUEL 4:5

Chemtue ija Tsaotsüt Suak ikha alople apüipuix, Israel khünakbu ang huanuma mongmüi laxle chaxwan achenle akhong.

HUAKE LAIPEX 10:10

Ilaxle mongmüi-pwonla pongmachu, Lyetngai to pua pongma ilaxle mama-mama hünzom zanglom Pangpwon sax pongma: hünzome zokle ashunkya tö koxpongma hünzome nyazongbu müt angkya changle. Ipongma kue fongüi, Ku a Jowanpa hünzom Zang changle.”

NEHEMIA 12:42

ilaxle hwom füifüi ma azuile Maseiah, Shemaiah, Eliazar, Uzzi, Jehohanan, Malkijah, Elam, hia Ezar hwom bibi tüikya. Tsaipabu, Jezrahiah-e azui laxle, tsuakkya apongle akhongle tsai ngao.

MÜNCHUAK-TSAI 9:2

Nang khokhoma kwome mongmüi tungle tsai ngaoüi. Khüthak Zang, kue nang achuakle tsai ngaoüi.

NEHEMIA 12:27

Chemtue Jerusalem tingnu angkya katuk jople atsaopuix, tüjong-tüjong to ngole tüikya Liwi hwom, klingkingkongbu hongle münchuak tsai ngaokya füi ija jople atsaokya tusox ma hakle tsuak angkya hanpakma ikhato sele apüi.