NEHEMIA 12:27 - OTSAO BAIBEL (BSI)

²⁷ Chemtue Jerusalem tingnu angkya katuk jople atsaopuix, tüjong-tüjong to ngole tüikya Liwi hwom, klingkingkongbu hongle münchuak tsai ngaokya füi ija jople atsaokya tusox ma hakle tsuak angkya hanpakma ikhato sele apüi.

NEHEMIA 12:27 ပူးပေါင်းရင်းမြစ်များ

1 PUKAX-PANGAO 15:16

Liwi hwomkha angkya züizüibu tsaingao mixbu, thuaput waxmai mütle chang angkya hanpakma Dawid-e Liwi lompa hwom füi akax.

2 PUKAX-PANGAO 29:30

Wanghompa hia onok lompabue Liwi hwom ang, wanghompa Dawid hia ajepa Asaf nyie zale toxle zangshwom tsai Jowanpa achuakle ngao angkya akax. Ile khünak noknusa mongmüi tungle ngao ilaxle chikux thongle Zang to shwom.

1 PUKAX-PANGAO 15:28

Israel nok pangwüi ija Suak zunle, nyazongbu müt, thuaput-waxmaibu angao, khopsya hia klingkingkongbu angaole, hwom a mongmüi atungle akhongle Jerusalem to ngui.

TSAITONG-KAXTONG 20:5

“Ifüima lompabue khünaknu pünzün-wangsaile akaxüi, ‘Kem khama athax ile homzün zailaxle ija homdongle ma-atsaokya mix tüicha? Ilükya mix jangtüi chix a hom to chatlax. Oshomale chix a zan to maxle jangchang, owae chix hom dongle atsaoüi?

1 PUKAX-PANGAO 15:12

Chixe Liwi hwom ang thüi: “Hünzom a Liwi saxthom lompabu changle. Ija dan ang achwonle thomkya khama kue Israel nok Zag Tsaotsüt Suak apüile dan angkya hanpakma hünzome ma alüile tamchu hünzui hwom atsao-athale changlax,

1 PUKAX-PANGAO 15:4

Ifüima chixe Arun hia Liwi hwom sixlibu se angkya hanpakma apao.

MIKNGÜN-OHÜN 5:8

Ile chang pongma ozün ma tüikya müi ali üntoxle tsa ali tüichong mixmüi hwom Chun Hosa chitong ma akhux. Hwom pangwüi ma waxmai tupong üntoxle ongan müikya soe amünkya hun pe le tüikya. Ibu a otsao khünakbu zangjop changkya.

FILIPI 4:4

Jowanpa füikya notom ma hünzom jento mongmüi le ngohüi, anaolechu kue thüipu, mongmüihüi!

MÜNCHUAK-TSAI 149:3

Azüizüithale chix mün achuak kox; chix achuakle büi-hong samthu üntoxle thuaput-waxmai mütle changkox.

MÜNCHUAK-TSAI 30:1

Jowanpa, kue nang achuakpu, chemthüikoxle nange ku khosünpu, zanpabue ku wanjaile chang angkya chak tokya nange ku kople thompu.

NEHEMIA 11:20

Mama Israel khünakbu pangwüi tamchu atale tüikya nguapabu hia Liwi hwom mating matoktok le Judah angkya mama tingnubu hia tinglongbu ma ngo.

NEHEMIA 8:17

Zanda ang ngokya chatkya khünakbu pangnusae wüi pomsa ibu zailaxle ikhato ngo. Nun sasün Jihusua tokfüi ma ile zingkya ija tix owang. Khünaknu pangwüi ang huanuma pwonla dongle mongmüi.

IZRA 6:16

Ifüima Israel khünaknu: nguapabu, Liwi hwom, ilaxle zanda ang ngokya chatkyabu pangwüi: mongmüi atungle ija Zangshwom-Homnu jople atsao.

2 PUKAX-PANGAO 7:6

Zompu-zangpabu hwom ngwotnui ma ajong, ilaxle hwomchi to hule Liwi hwom ajong, ilaxle wanghompa Dawid-e hwom ang koxkya thuaput-waxmaibu angaole ilaxle Jowanpa achuakle tsaibu ngao: “Chix mongkün ma oshuk müntüi!” Ija hwome wanghompa Dawid-e atsyenle koxkya ningle mok. Khünaknu pangnu ajangle tüipongma zompu-zangpabue nyazong müt.

1 PUKAX-PANGAO 26:31

Jeriah a Hebron susa hwom khama lompa changkya. Dawid wanghompa ang achangkya zanglao 40 to, Hebron susa hwom ozu-ojen tole ano, ikoxle ija homjen angkya naomüibu Gilid haxtok angkya Jazar ma ngole tüikyabu atak.

1 PUKAX-PANGAO 23:5

4000 khünake nyetmix mwot moküi, ilaxle 4000 khünake thuaput-waxmai mütle tsai-lwom ngaokya füi achuakle Jowanpa to shwomüi.

1 PUKAX-PANGAO 16:42

Heman hia Jeduthun nyi a Zang achuakle tsai ngaopongma thuaput waxmai hia mama nyazong ilaxle khopsyabu twon angkya mwot to akhi angkya chuwüi hünlit laxkya nyi changkya. Jeduthun saxthom angkya khünakbu a fülom nyetmixbu to akhi angkyabu ang kam.

1 PUKAX-PANGAO 16:5

Asaf a lompa ang, ilaxle chix to fong ang Asaf hia chix fang angkya Jeiel, Shemiramoth, Jehiel, Mattithiah, Eliab, Benaiah, Obed Edom, hia Jeiel hwom a thuaput waxmaibu müt ang kam. Asaf a khopsya akhaole angao angkya mix changkya,

1 PUKAX-PANGAO 13:8

Ipongma Dawid hia chix khünaknu pangwüi, ma zongbakbak ma Zang achuakle azüi. Hwome tsai ngao, thuaput waxmaibu müt, sam hia khopsyabu thule, nyazongbu müt.

2 SAMUEL 6:12

Ija Tsaotsüt Suak khoma Obed Edom homkha hia chix ma atüitüi pangnuli to Jowanpae mohimanle changkya Dawid na to wang. Ikhoma chixe ija Tsaotsüt Suak Obed Edom hom angkya alaile pao ilaxle chongle pu-chokya füi ija a Jerusalem to apüi.

TSAITONG-KAXTONG 16:11

Jowanpa pomtho ma hünzome masu-masabu, dabu, Liwi hwom, püntüibu, zomnu hia khaxsabu, opangsa hünzom tingnu ma ngole tüipuix, hwom pangnusa füi tomle mongmüi-pwonlakya tüikox. Ija a zangshwom angkya onui jongtakha ma moklax.

1 WANGHOMBU 8:63

Chixe 22, 000 maihu khang hia 1,20, 000 chunbu notom-tusüi tö ang kox. Ilaxle wanghompa hia khünaknue Zangshwom-Hom atsaole dan.

2 PUKAX-PANGAO 29:25

Wanghompa Dawid hama, ajepa Gad hia ajepa Nathan makhange Jowanpae adangle fakya olom tole, chixe Liwi hwom a, thuaput-waxmai hia khopsyabu koplaxle Zangshwom-Hom ma ngo ang tsan.

NEHEMIA 12:43

Ija nyix töbu huanuma kox, ilaxle Zang-e hwom mong amüikya khoma khünaknu a huanuma mongmüi atungle tüikya. Shekobu hia naosombu ija atu-ajakya ma wom, ilaxle hwome pukya ozing a ochu-ochu tokhange atat.