NEHEMIA 11:22 - OTSAO BAIBEL (BSI)

²² Liwi hwom opang Jerusalem ma ngole tüipuix, hwom mwot-humix a Uzzi changkya. Chix a Bani sasün ilaxle Hashabiah susün changkya. Chix putong hwom khama Mattaniah hia Mika nyi womle tüikya, ilaxle chix a Asaf saxthom angkya changkya. Ija saxthom a Zangshwom-Hom ma zangshwom pongma tsailom azüi angkya hünlit laxle tüikya.

NEHEMIA 11:22 ပူးပေါင်းရင်းမြစ်များ

NEHEMIA 12:42

ilaxle hwom füifüi ma azuile Maseiah, Shemaiah, Eliazar, Uzzi, Jehohanan, Malkijah, Elam, hia Ezar hwom bibi tüikya. Tsaipabu, Jezrahiah-e azui laxle, tsuakkya apongle akhongle tsai ngao.

NEHEMIA 11:14

Ija saxthom kha angkya zangle wünkya süpahi khama 128 khünak huak tüikya. Hwom lompa a Zabdiel, lompa hwom kako khama mixsün tuita.

NEHEMIA 11:11

Seraiah, chix a Hilkiah sasün tamchu Meshullam susün changkya. Chix putong hwom khama Zadok, Meraioth, hia Ahitub, owa Nguakho changkya hex, hwom bibi tüikya.

NEHEMIA 11:9

Zikri sasün Joel a hwom lompa changkya, ilaxle Judah sasün Hassenuah a tingnu ma anyi-lükya chifün ma alixachong tuita changkya.

NEHEMIA 8:7

Ifüima hwom zo ilaxle manuinui ma ajongle ngo, ilaxle Liwi sün khünak ibibie hwom hama ija Wanlom akhixle wünle kox: Jeshua, Bani, Sherebiah, Jamin, Akub, Shabbethai, Hodiah, Maseiah, Kelita, Azariah, Jozabad, Hanan, hia Pelaiah hwom bibie.

NEHEMIA 3:17

Ibibi Liwi hwome pan katuk obithomthom hexle zaile alai: Bani sasün Rehum-e ifüi athuikya zaile alai; Hashabiah, chix a Keilah Distrik süifi to apünkya mix, chixe chix distrik mün ma ifüi athuikya katuk zaile alai;

IZRA 8:19

Hwome Merari saxthom angkya Hashabiah hia Jeshaiah nyi chuwüi, hwom haxnu-homsa süntsa khünak füi akat.

WANGSHEMBU MWOT 20:28

Ma hanpakma alüile ilaxlechu Otsao Chasae nang ang nyelaxo le koxkya pangnusa hanpakma khünkhile nye ngolax. Chix Hosa zi ang koxkya makhange ma ang achangkya Zang müimüithom ma chunnyetmix ang achanglax.

NEHEMIA 13:13

Kue ija Zangshwom-Hom pung to hu ang ibibi khünak tom: Nguapa Shelemiah; Zadok, chix a tuita Wanlom tsingpa; ilaxle Liwi sün Pedaiah. Hanan, chix a Zakur sasün ilaxle Mattaniah susün, chix a hwom to fongmix changkya. Mama mwotmok mixbu ang chisip-chibale ahanle kox angkya bama kue khünak ibu to mongong thom.

NEHEMIA 12:46

Wanghompa Dawid hia tsaipa Asaf hokhi tsün tokhange wüi, tsaipabue Zang achuakle ngaokya tsailom zunle hüi.

2 SAMUEL 9:12

Mefibosheth ang sasün tuita Mika le amünle tüikya. Ziba hwom homkha pangwüi Mefibosheth da ang achang.