NEHEMIA 10:37 - OTSAO BAIBEL (BSI)

³⁷ Kwome zangpua foto puamün tsaxkho shiklaxle zingkya ankhao chuwüi nguapabu hato Zangshwom-Hom to apüile koxüi ilailaile grepti-ju, olip münga hia pünziak pangnuli puamün tö tuita ningle apüile koxüi. Kwom haxtok manzai angkya bünfong saile laxngokya Liwi hwom hato kwome, kwom haxtok ma laikya manzai puamün kha angkya bünfong apüile koxüi.

NEHEMIA 10:37 ပူးပေါင်းရင်းမြစ်များ

LIWI 23:17

Otsao hingho tuita ningle pangnu homkha tokya wüi ankhao anyi pong apüile Jowanpa ang laxkox. Ankhao tuipong a ankhix tuak anyi, twonkhax füi awon zing angkya changle ilaxle ija a saxcha-wünkya ningle Jowanpa hato tö ang apüile koxüi.

HUAKE LAIPEX 18:21

Jowanpae Arun ang thüi: “Israel khünaknue ku ang koxkya pangnuli kha angkya kue bün ma thom tuita Liwi hwom ang koxpu. Ija a hwome ku Nyihom ma thothale changkya bama hingchak mün tuita ningle changpu.

NEHEMIA 13:9

Kue ija nui a Zangshwom-Hom tuina, saxziak tö hia ongan müikya so, ibu chatle thom angkya hanpakma zanglom ma ija atsaole chang angkya kax kox.

NEHEMIA 13:5

Chixe Tobiah ang nui chongkya tuita ojongma saxziak tö hia ongam müikya tö ibu, Zangshwom-Hom ma laxkya tuinabu, nguapabu ang koxkya töbu, ilaxle saxziak bünfong, grepti-ju bünfong, ilaxle Liwi hwom, Zangshwom-Hom tsaipabu, ilaxle Zangshwom-Hom nyetmixbu, ibu ang koxkya olip münga, ibu thomkya nui kox.

TSAITONG-KAXTONG 26:2

puatakle laodong pongma pongwang angkya puamün wünkya nua ma sholaxle noknusae wüi zangshwom angkya nui to apüi angkya oli changpu.

TSAITONG-KAXTONG 18:4

Hwome ibibi puamün pongle kop angkya changle: Sax-ziak, grep-ti, olip-münga ilaxle chun mun, ibu.

MALAKI 3:10

Zangshwom-Hom to hünzome bünfong anguile apüihüi, ikoxtix ikhama süt okhonguile tüingoüi. Kue zangkangting fülom daplaxle müikya oli pangwüi okhonguile hünzom ang thokle chikox hia koxkox, ku to thwontsingle anohu.

MALAKI 3:8

Kue hünzom ma atüifang, khünake Zang dyenla angkya olom changcha? ‘Chemle?’ hünzome atüi. Ija a bünfong hia töbu koxkya ma changle.

2 PUKAX-PANGAO 31:6

Judah nok tingnubu ma ngole tüikya khünakbu pangnusae wüi tsom-pom bünfongbu apüi, ilaxle hwome Jowanpa, hwom Zang ang atsaole koxkya hingho chaktwonbu chuwüi apüi.

ROM NOK HATO ZAKYA POL LAIZA 11:16

Owang ma wanshikle Zang ang fakya jangtüi dao thüikoxle, tsap ma shemle thomkya saxchu komle chix kux changüi; ilaxle pün otsing Zang ang uale jangkoxdao thüiba, okangsabuchu wüi chix kux ang changüi.

TSAITONG-KAXTONG 14:22

“Bünfong süile danlax: ija a zanglao to hünzom haxtok ma puamün wünkya pangwüi kha angkya changüi.

NEHEMIA 13:10

Khünaknue hwom ang wokfwot müile sax angkya süt chifakya khoma Zangshwom-Hom tsaipabu hia mama Liwi hwome Jerusalem toxlaxle ma haxtoktok to chatle paokya kue atat ang kop.

NEHEMIA 13:12

Ifüima Israel khünaknue tamchatle Zangshwom-Hom to hwom bünfong saxziak, grepti-ju hia olip münga, ibu apüile dan.

LAIPAO 13:2

“Owang ma puxkya olala ku mün ma atsaohüi, chemthüikoxle owang ma puxkya, Israel khünak wüi changlax, müi wüi changlax, olala a ku tsyen changle.”

LAIPAO 13:12

Chemtue ija haxtok chixe hünzom ang koxüihex, hünzome pongwang ma puxkya olala Jowanpa ang kox angkya changle. Hünzom tsom-pom pongwang ma puxkyakya komle Jowanpa kux changle.

HUAKE LAIPEX 18:15

“Somwang nao chichangba pongwang ma puxkya tsom-pom chempang Israel noke ku ang danpuix, ibu pangwüi nangkux. Ikoxlechu pongwang ma apuxpux dankya, khünak a nange otha koxlaxle shakle tüi angkya oli; pongwang ma puxkya müi, ofwot füi tüile jangchang, nange ija otha koxlaxle shakle tüi angkya oli.

HUAKE LAIPEX 18:18

Ataxkya tö koxpongma chemle otsom, tsaxchi chung ibu nang kux changpuix iningle ibu angkya müi nang kux ang changüi.