NEHEMIA 10:36 - OTSAO BAIBEL (BSI)

³⁶ Kwom ang puxkya tüichongsasa nguapabu hato Zangshwom-Hom to apüiüi ilaxle ikhato Wanlom ma tüikya ningle, ija sasün Zang hanpak ang atsaole koxüi. Kwom maihu hosa puxkya pongwang angkya chuwüi Zang hanpak ang atsaole danüi, ija ningle chun hosa hia zwon hosabu chuwüi atsaole koxüi.

NEHEMIA 10:36 ပူးပေါင်းရင်းမြစ်များ

LAIPAO 13:2

“Owang ma puxkya olala ku mün ma atsaohüi, chemthüikoxle owang ma puxkya, Israel khünak wüi changlax, müi wüi changlax, olala a ku tsyen changle.”

GALATIA 6:6

Khristan Kaxho anwot-anole fadaokya mixe chix ma tüikya jali bakle hwon-nwot mix füi ahanle lax angkya oli changle.

TSAITONG-KAXTONG 12:6

Ikhama hünzom zokle ashunkya hünzom töbu tamchu mama töbu chuwüi koxüi, ibu a hünzom bünfong hia hünzom töbu, chempang hingho hünzom Jowanpa ang koxüile tsaolaxpuix, küntsu-monglua to koxkya töbu tamchu hünzom osu-maihu hia chunbu khama owangpa ma puxkyabu, ibibi.

LAIPAO 34:19

“Owang ma puxkya sasün tamchu pongwang ma puxkya tsom-pom olala, ibu pangwüi ku kux changpu.

LAIPAO 23:19

“Zangfole hünzome pongwang ma zütkya tsaxziak, Jowanpa, hünzom Zang, ku hom to apüiüi. Hünzome chun hia zwon hosabu müi honu tsomti khato taxsong.

2 PUKAX-PANGAO 31:5

Kaxtom koxkya füi tomle, Israel khünakbue hwom manzai puamün amüimüi, tsaxziak, grepti-ju, olip münga, nax-ti, tamchu mama haxtok ma alaikya oli pangwüi apüile kox, ilaxle hwom ma atüitüi pangnuli angkya bünfongbu chuwüi hwome apüile kox.

NEHEMIA 12:44

Ipongma khünakbu a Zangshwom-Hom hanpakma tuinabu apüile koxkya athünle thomkya pungbu to hu ang dan. Hwome apüikya khama bünfong, zangpua mong angkya saxziak hia pünziak puamün wünkya ibu pangwüi tüikya. Wanlom ma tüikya ningle nguapabu hia Liwi hwom hanpak ang tingnubu zui ma tüikya manzai kha angkya saile asox angkya hwom mwot changkya. Judah angkya khünaknu pangwüi nguapabu hia Liwi hwom füi mongmüile tüikya,

NEHEMIA 13:5

Chixe Tobiah ang nui chongkya tuita ojongma saxziak tö hia ongam müikya tö ibu, Zangshwom-Hom ma laxkya tuinabu, nguapabu ang koxkya töbu, ilaxle saxziak bünfong, grepti-ju bünfong, ilaxle Liwi hwom, Zangshwom-Hom tsaipabu, ilaxle Zangshwom-Hom nyetmixbu, ibu ang koxkya olip münga, ibu thomkya nui kox.

MALAKI 3:10

Zangshwom-Hom to hünzome bünfong anguile apüihüi, ikoxtix ikhama süt okhonguile tüingoüi. Kue zangkangting fülom daplaxle müikya oli pangwüi okhonguile hünzom ang thokle chikox hia koxkox, ku to thwontsingle anohu.