NEHEMIA 10:29 - OTSAO BAIBEL (BSI)

²⁹ kwom lompabu füi tomle tsaotsüt ma womle, ija kax ma chilaxle jangtüi thüiningle othuak-ozom kop angkya takdün füi, Zang-e chix dapa Mosa makhange fakya Zang Wanlom ma tüikya ningle, kwome Zang kaxtom fang ma ngoüihex-ole tsaopu; kwome Jowanpa, kwom Zang-e, kwom ang koxkya kaxtombu kax ma laxle tüiüi; ilaxle kwom chix wanlombu tamchu ijae lomkya oli pangwüi otya ma thomüi.

NEHEMIA 10:29 ပူးပေါင်းရင်းမြစ်များ

EZEKEL 36:27

Kue hünzom ma ku chasa shole koxüi ilaxle hünzome kue fakya wanlombu hia kaxtombu pangwüi thomle changlaxma hexle ija to huüi.

MÜNCHUAK-TSAI 119:106

Sukya nange adangle fakyabu kax ma laxle tüi angkya kue ku kaxtsao otia ma thomüi.

JUHAN 15:14

Kue hünzom ang chem kaxtom fapuix, ija hünzome jangmok thüiningle, hünzom a ku zongto zuikhui changpu.

ROM NOK HATO ZAKYA POL LAIZA 12:9

Mongkünkya a zongbakle kün angkya changle. Chem oma hex ija thua anu, oja müipuix ija to mongle künkop angkya changle.

2 PUKAX-PANGAO 34:31

Chix a wanghom ngwotnui ma ajong, ilaxle ija laipex ma zale tüikya ningle chix kax ma laxle tüi angkya, chix wanlom hia kaxtom, ibu pangwüi chilyenle kün-hi-mong makhange zongbakle thom angkya, ilaxle ija tsaotsüte lomkya mwot pangwüi mokle alyet angkya Jowanpa füi tsaotsüt.

2 WANGHOMBU 23:3

Chix a wanghom ngwotnui ma ajong ilaxle Jowanpa füi Tsaotsüt laxle, chix kax ma lax angkya, kün-mong hia chasa makhange abakle chix wanlombu hia kaxtombu thom angkya, ilaxle Tsaotsüte lomkya mwot pangwüi laipex ma zale tüikya ningle mwot ang achangle mok angkya tsaosax, ilaxle khünaknu pangwüi tsaotsüt otia ma thom angkya tsaosax.

WANGSHEMBU MWOT 23:21

Ikoxlechu hwom kax ma lax angkya münchang, chemthüikoxle mixhuak sün punyi onüi khünake chix hanpakma ziakople tanle nuiüi. Ibue chix malang tanto chemchu münsax münlingpule tsaosaxdaoa. Athax hwome ile mok ang achwon ngole, ikoxle nange chemle lanüihex lanlan le hungole.”

WANGSHEMBU MWOT 17:34

Züizüie chix chito hakle ong; ibu khama Daionisia chuwüi tuita changkya. Chix a Areopagas ma mün tüikya mix tuita changkya; ilaxle Damaris le amünkya mixcha tuita ilaxle mamabuechu wüi ong.

WANGSHEMBU MWOT 11:23

Ikhato chix ngui ilaxle Zange khünakbu to mohimankya ngünlaxle chixe hwom ang zong adünle Jowanpa to mongongkya ma shingmongle ngo angkya akax.

JUHAN 7:19

Mosa-e hünzom ang wanlom münfa dai hia? Ikoxle hünzom opupuechu Ija wanlom kax ma chilax; chem khoma hünzome ku lang ang lompu?”

JUHAN 1:17

Zange Wanlom a Mosa makhange fa; ikoxlechu chingcha hia otsingtsing a Jisu Khrista makhange hüipu.

MALAKI 4:4

“Ku dapa Mosa hwon-nwot texle ataklax. Kue chix makhange, Sinai haxnukho to, Israel khünaknu pangnusa hanpakma koxkya wanlombu hia kaxtombu texle ataklax.

JEREMIA 26:4

Jowanpae khünaknu hama akax angkya kax ku hama ile wün: “Jowanpa, ku kax ma laxle tüi angkya wüi ilaxle kue fakya hwon-nwot lom ma hünzom le angkya wüi changpule hünzom füi akaxdaoa,

ISAIA 14:1

Jowanpae tamchatle chix khünaknu Israel to chingchale changüi ilaxle hwom a chix khünaknu ang zünle kopüi. Chixe hwom a hwom haxtok ma wüi tamchatle ngo ang tomüi, ilaxle mixnokbu nguiüi üntoxle hwom füi tomle ikhato ngoüi.

MÜNCHUAK-TSAI 105:45

Ile chix khünakbue chix wanlombu kax ma laxle tüi angkya hanpakma tamchu chix kaxtombu bakle thom angkya kuxma. Jowanpa achuak kox!

MÜNCHUAK-TSAI 8:9

O Jowanpa, kwom Hopupa, nang zaxzangkya chaxwannu pangnu khato ngün ang kople!

MÜNCHUAK-TSAI 8:1

O Jowanpa, kwom Hopupa, nang zaxzangkya chaxwannu pangnukha to ngünle! Nang achuakkya zangkangting alople;

NEHEMIA 13:25

Kue ibu khünak to sapu, hwom hato thuakzom hüi angkya akaxpu, hwom to fitpu, ilaxle hwom tüntongbu wüile awütpu. Ifüima kue hwom ang, hwome tamchu hwom su-sa hwome chuwüi, ibobo ma mixnok shekobu füi atu-amaile münchangpu-ole tsaotsüt ang tompu.

2 PUKAX-PANGAO 6:16

Ilaxle athax, Jowanpa, Israel nok Zang, hwome khünkhikhile nang Wanlom kax ma laxle jangchang thüiningle, Israel haxtok apün angkya hanpakma wanghom a jento chix sixli kha angkya wüi ngo angkya changle le apa Dawid füikya nang tsaotsütchu otya ma wüi thom hüile kue nang to joppu.

2 WANGHOMBU 10:31

Ikoxlechu Jehu-e Jowanpa, Israel nok Zang Wanlombu chix mong makhange abakle chito; itülüi Israel khünakbu ochax to düt ang tomkya Jeroboam man mix to.

TSAITONG-KAXTONG 33:4

Kwome Mosa makhange kwom ang koxkya Wanlom kax ma lax, ijatix kwom chaxwan ma akhokya tuiza-nakom.

TSAITONG-KAXTONG 5:32

“Israel khünaknu, Jowanpa hünzom Zang-e hünzom ang kaxtom koxpupu pangwüi mok ang-o thüilax. Chix wanlombu kha angkya tuita ahaikya taxtüi.

TSAITONG-KAXTONG 5:1

Mosa-e Israel khünaknu komle nyakle asox ilaxle hwom ang thüi: “Israel khünaknu, anyix kue hünzom ang koxle ngokya wanlombu kax ma laxle tüilax. Ibu awan koplax ilaxle ibu kax ma laxle tüi angkya mongzangwünle tsuaklax.

HUAKE LAIPEX 5:21

hünzom khünaknu khama, Jowanpa nang mün a othuak-ozom ang naxachang dao. Chixe nang angkya süpom nui zan üntoxle lünfum-woktang le chang ang naxtom.

NEHEMIA 9:38

Chempangle changle hüipuix, ibu pangnu khoma kwom, Israel khünakbue, chakza makhange jaojao kaxfün zang tuita wün, ilaxle kwom lompabu, kwom Liwi hwom, ilaxle kwom nguapabue ija to hwom sohi shing.

JEREMIA 34:15

Münyix shongnyix tix hünzom ang künlop-monglüi ilaxle ku zongto müikya mwot mokpu. Hünzom pangwüie ma Ibri khünak da ang thomkyabu danle apao angkya ku füi zangwün tsuakpu, ilaxle hünzome ku mikngün ma, ku to shwomle ngokya Zangshwom-Hom ma tsaotsütle changpu.

LIWI 20:26

Hünzom a otsao tamchu ku kux ang changüi, chemthüikoxle ku a Jowanpa tamchu ku a Otsao. Hünzom a ku tata kuxle naxngo lax ang kue mixjat-mixli pangnu füi süile thompu.

1 PUKAX-PANGAO 9:2

Tingnubu ma tüikya ma tingtok hato pongwang ma chatkya othom khama, Israel nok zangjang khünaknu, zompu-zangpabu, Liwi hwom, Zangshwom-Hom ma mwotmok mixbu, ibibi womle tüikya.

NEHEMIA 7:46

Zangshwom-Hom ma mwotmixbu saxthom khama zanda ang ngokyabu chatkya: Ziha, Hasufa, Tabbaoth, Keros, Sia, Padon, Lebana, Hagaba, Shalmai, Hanan, Giddel, Gahar, Reaiah, Rezin, Nekoda, Gazzam, Uzza, Paseah, Besai, Meunim, Nefushesim, Bakbuk, Hakufa, Harhur, Bazluth, Mehida, Harsha, Barkos, Sisera, Temah, Neziah, hia Hatifa.

NEHEMIA 8:2

Ikhoma Izra-e ija khünaknu: mixnu, mixpa tamchu jali awan tsuak tangkya naosombu asoxle tüikya khato apüi.

NEHEMIA 8:3

Ikhato, ija zünkai zui angkya haxsha ma, swomsa makhange tungto kople chixe hwom hama ija Wanlom ele apua, ilaxle hwom pangwüie ija to mongkoxle apa.