NEHEMIA 1:10 - OTSAO BAIBEL (BSI)

¹⁰ “Jowanpa, ibu a nang dabu changle, nang khünaknu a. Nang tsak-zong chongkya füi nange hwom khosünle koppu.

NEHEMIA 1:10 ပူးပေါင်းရင်းမြစ်များ

TSAITONG-KAXTONG 9:29

Wünhax thüikoxle, nange nang tsak-zong chongkya füi, ma khünak ang lax ang Ijip nok tokya alaile zünle kopkya khünakbu a ibu changle.’

LAIPAO 32:11

Ikoxlechu Mosa-e Jowanpa chix Zang ma chingcha jule akax: “Jowanpa, nang khünaknu füi nang mong itukuxle chemthüikoxle ma angkya? Ibu a nangtsak nang zong chongkya füi nang Ijip nok tokya alaile apüikya münchangdai hia?

ISAIA 64:9

idaile kwom füi zongbakle mongma taxtüiünfa chichangba kwom zongto kwom ochax kople taxthomünfa. Kwom a nang khünaknu changpu; kwom to chingchakya tüihüi.

MÜNCHUAK-TSAI 136:12

tsak-zong füi tüikya chix chak thüilaxle; chix mongkün ma oshuk müntüi.

MÜNCHUAK-TSAI 74:2

Nang kaitanto wüi ma hanpak angle zünle kopkya nang khünaknu texle ataklax, hwom a nang saxthom ang lax angkya hanpakma zanda ang ngokya nange alaile apüikya khünakbu changpu. Ami nang ngotoxkya kha Zaion texle ataklax.

TSAITONG-KAXTONG 15:15

Hünzom chuwüi Ijip nok to da ang ngodaokya Jowanpa hünzom Zang-e danpu, ikhoma anyix kue hünzom ang ija kaxtom fapu.

LAIPAO 15:13

Nang tsaotsüt lailaile, nange paole azünkya khünaknu lom azüi; nangtsak-nangzong makhange nang otsao chaxwan to hwom lomzun.

LAIPAO 13:9

Ija pangpwon a tuita mongto texle atak ang tom angkya hanpakma changle; ija a oli tuita nang chak ma chichangba nang khangpong ma khale thomkya münwan ningle changpu. Imakhange nang ang ija mo wün angkya tamchu Jowanpa Wanlom tole chang angkya mongto texle atak ang tomüi; chemthüikoxle Jowanpae hünzom a Ijip nok tokya chongkya chix tsak-zong füi alaile paokya changpu.

LAIPAO 6:1

Ifüima Jowanpae Mosa ang thüi: “Athaxpi kue wanghom to chemle moküihex nange ija ngüntu nguipu. Ku khünaknu danle apao angkya kue chix atsangüi. Otsingtomtata ma ija haxtok angkya hwom paoünle tom angkya kue chix atsangüi.”

LAIPAO 6:6

Ija daile Israel khünaknu ang, kue hwom ang thüile le thüikox, ‘Ku a Jowanpa changpu. Hünzom Ijip nok da ang achangle ngokya chak tokya kue danüi. Kue tüle tsak-zong füikya ku chak makhange hwom hato khomtsikya sikngün apüiüi ilaxle kue hünzom khosünüi.

LAIPAO 6:7

Kue hünzom ku khünaknu ang achangüi ilaxle ku a hünzom Zang ang ngoüi. Chemtue kue hünzom Ijip nok da ang ngokya chak tokya danle changüihex, ipongma hünzome ku a Jowanpa hünzom Zang changpule awan ang kopüi.

LAIPAO 13:3

Mosa-e khünaknu ang thüi: “Anyixkya hanpak texle ataklax. Ija nyix kha, Ijip nok to da angkya danle toxlaxle hünzom laile paopu. Ija a Jowanpae chongkya chixtsak-chixzong makhange hünzom alaile paokya din changle. Ija nyix twonkhax awonkya an owaechu chisax angkya changle.

LAIPAO 13:14

Athax füichi ma hünzom naosombue ija olom twonkya a chem hanpakhex le atüikya zuma, hünzome hwom kax to lan angkya changle, ‘Jowanpae chongkya chix tsak-zong makhange Ijip chaxwan tokya kem laile pao ang tomkya changpu. Ikhato kem a dan ang ngole tüikya.

LAIPAO 13:16

Ija pangpwon a tuita hünzom chak ma langle chichangba khangpong ma sünle kopkya ningle münwan ang changpu. Ijae kem ang, chix tsak-zong chongkya makhange Jowanpae Ijip nok tokya kem alaile paokya texle atak ang tomüi.’”

MÜNCHUAK-TSAI 89:14

Nang wangting chifün a otsao üntoxle sukya changle; nange mokkya pangnu khato chialekya mongong hia mongkün ahole.