NAHUM 3:6 - OTSAO BAIBEL (BSI)

⁶ Kue nang to anukya aho ang kue thuak füi thuaküi ilaxle nang to oma-oshix füi chwopüi. Khünaknue nang to khomtsile huüi.

NAHUM 3:6 ပူးပေါင်းရင်းမြစ်များ

MALAKI 2:9

Hünzom ku mongtex ma kax ma laxle chitüikya khoma tamchu pangnu to tomwüi chihukya khoma, kue, Israel khünakbu ang hünzom ada ang tomüi.”

JEREMIA 51:37

Ija haxtok a mixmüt tamting faomüibu ngwotnui ang achangüi. Ija a mikngün ma za-adünkya ang changüi; ikhato owachu münngoüi, ilaxle ija ngünkyabu pangwüi abütle changüi.

JOB LAIPEX 9:31

Zang-e ku haxthom tüikya tswom khato tswonle awütle, Ilaxle kunyi-kuza ngaxchu ku ngünlaxle azakle.

IBRI 10:33

Hanpak tuita ma noknu thüntho ma hünzom adix-ada tamchu chisumüile hwon, üntoxle mamatue hünzom a ma to ile hwonkyabu füito wom ang azongle bang.

1 KORIN 4:9

Khünak hia kaxtaimix, zangfang nok miksho ma mütkop daokya mix noknu hato ahokya ningle, Zange kwom wangshembu chifün oshuk oza to zingkya changüi le kue texle.

NAHUM 1:14

Ija a nok hanpakma Jowanpae tsuakkya kaxfün changle: “Hwom mün thom angkya hanpakma hwom ang osix-oli chemchu müntüiüi. Hwom baozang zangshwom hombu angkya chapabu kue amaüi. Kue nok hanpak ang zukting achwon ngole: hwom a ozün ma ngokoxle ojao münasu!”

JOB LAIPEX 30:8

Chem mwot ma chihüikya mün chitüikya othom! Hwom a chaxwantok angkya jwonle apaokya thom.

JUD LAIZA 1:7

Ilailaile Sodom hia Gomorah tamchu akhople tüikya tingshobu, ojapange kaxtaimixbu ningle ma alüile chinunchakkai mwot to koxpuix ilaxle chimok angkya oli mwot mokle tüipuix, hwome oshuk chitüikya wün ma sikngün apongkyae apyen angkya aho, ibu texle atalax.

1 KORIN 4:13

otue kwom to adix-adapuix, kwome kaxmüi makhange lanle. Athax kwom a ija chaxwannu thuakthuak nui tamchu awüt daokya jali oma-oshix boma mama chem angchu münchang!

MALAKI 2:2

Hünzome chem mokpuix ija makhange hünzome ku achuak-achenle chang angkya changpu. Hünzome kue akaxkya to chiapa jangthüiba, kue hünzom hato othuak-ozom ngui ang tomüi. Hünzom juafong angkya hanpakma kopkya jalibu to kue thuakzomle changüi. Changle, hünzome ku kax ma khünzule chilaxkya khoma kue hwom to thuakzomle changdaoa.

ZEFANIA 2:15

Matsak-mazong bama mongngam laxle owae chemthüithoüi le ngokya tingnu to ile changüi. Ikhama ngokya khünaknue chaxwannu ma hwom tingnu ma akhopu le thütle. Ijakha chemningkya chilaxli onui ang achangle paoüihex! Ikha a faomüibu ngwotnui ang achangüi. Ikha akaile lekya khünak pangnusae wüi ikha ngünlaxle khangmun ajongle khomtsi.

MANGSOP 3:16

Chixe hax to ku thünzut ilaxle longtok to zutle ku wa akhai.

JOB LAIPEX 30:19

Chixe ku haxbex khato tswonle awütpu; ku a haxthom füi tuita ang achangpu.

EZEKEL 16:37

Ikhoma kue owang pongkya nang mongkünbu pangwüi tomle asox ang tomüi: nange mongkünle tüikya hia nange chikün chiluakyabu pangwüi. Kue ibu pangwüi nang akhople asox ang tomüi, ilaxle kue hwom tunthoma nang nyi-za siküi ilaxle hwome nang ohua ma ngün ang tomüi.

HABAKUK 2:16

Hünzome münchong lüi ma thünzak mix kople changüi. Hünzome alüile juling saxsaxle changüi ilaxle jutok saxngat mix to hukya ningle mixe hünzom to huüi. Jowanpa chix jaoe hünzom mongtsik pe hünzom ang wüi alingüi, ilaxle hünzom münchong a thajao wünhai ang changüi.

MALAKI 2:3

Kue nang su-sa hwom to sikangünüi ilaxle hünzom thün a hünzome tö koxkya müi odix ma thünzutle changüi--ilaxle hünzom a müidixbu athünkya khato alaiüi.