Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NAHUM 1:7 - OTSAO BAIBEL (BSI)

7 Jowanpa a müikya changpu; sikngün pongma chixe chix khünaknu kho awa; chix hato mongchatkya khünakbu to chixe hume.

အခန်းကိုကြည့်ပါ။ ကော်ပီ




NAHUM 1:7
53 ပူးပေါင်းရင်းမြစ်များ  

Ikoxlechu shingmong homting oja Zange zingle toxdaopuix ija a alox ang münthoüi; üntoxle ija ma ibu kax zale thomle: “Chix hanpak opang hex Zange hwom awanle ngole” ilaxle “Opange chix Zang hanpak changpu le thüiüi hex, hwom a othai mwot mokle ngokya chat angkya changle.”


Ku chunbue ku kax atatle; kuechu hwom mün awanle ilaxle hwomchu ku füito azuile.


Chix to mongongle tüikya pangnusa hanpakma Jowanpa a müikya changle,


Chun-nyetmix Amüikya a Ku changpu; chemle Apae ku awan tamchu kue chix awanpuix,


Jowanpa a müikya changle; ilaxle chialekya chix mongong oshuk chitüile ngoüi.


Thangnak-tuitaile changpongma chixe ku ang ngwotnui faüi; chix Zangshwom-Hom ma chixe ku khosünle thomüi, üntoxle longnu kho ma ku azangle ngo ang tomüi.


Ojong khato paolaxle otsao khünakbue khosün atakpuix, Jowanpa a ija shingmongkya long-katuk tuita ningle changpu.


Otsao khünakbu a Jowanpae kho-awale thomle, ikoxlechu chichang-chizangkya mix a mikmüt lom ma tüile.


Kue thüipu, athax a hünzome Zang tsingle hüi tamchu Zange hünzom tsingle lax, jangchangba ibu zong chitüikya hia chilaxli chasabu hato chatse le chemle tsu? Chatlechu wüi hünzome büthüikya to hwom da ang achangle ngose tsupu?


Mixshix-zasa hia chitüi-chinang khünakbu nang hato pao ilaxle sikngün pongma khangkho sün ang kople chang. Zangchei pongma nange hwom ang ngwotnui fa ilaxle zanghan huakle changpongma zangkhung fa. Zangwat zangchei lailaile mongtsik ashukkya zanpabue single hüi


Jowanpa to münchong fakox, chix a müile; chix mongkün ma oshuk müntüi.


mongmüile akhongkya hia tuiju-nasomle puakya ozingbu a. Khünaknue Zangshwom-Hom to töbu apüile changpongma tsai ngole changkya zing hünzome atat ang kopüi; Hwome thüile: ‘Khüthak Jowanpa Zang ang münchong fakox, chemthüikoxle chix a müile ilaxle chix mongkün ma oshuk müntüi.’ Kue ija haxtok a amipongkya lailaile ahak-aluale chang ang tomüi. Ku, Jowanpae ija akaxdaoa.”


Sikngün pongma kue nang to nyakpu, chemthüikoxle ku zangjop to nangetix lankoxle.


Hwom pangwüi zangchei-zangwat thoto khangkhom angkya pom ningle changüi. Hwom a sak-hax to jenkya shuajen ningle changüi, kohwon fato longnu tuita nuk angkya zangkhung ningle.


Chemthüikoxle Jowanpa a otsao tamchu müikya changle, chixe ochax khünakbu hama hwom le angkya lom anwot-ano fale.


Wanghompa-e thüi: “Shadrak, Meshak hia Abednego hwom Zang achuak kox! Chix thothale tamchu chix to mongongle ngokya mixsün ibu khosün ang Chixe chix kaxtaimix tsanle ajo. Changle hwome ku kax ma chilax ilaxle mama baozangbu tongshwom le münchangpu le hwome ma tsün maüi thua ngaxchu chizale hwom Zang to tata shomüile angam.


Chaza chitüile ku zak-zui angkya nui ang achanghüi üntoxle chu ku kho awa angkya hanpakma shingmongle ziakop thomkya zün; nang a ku khangkhomnui tamchu ziakopkya zün changle.


Chemtue hwome ku nyaküihex, kue hwom to lanüi; chemtue hwom thangnak ma asuüihex, ku a hwom füi tüiüi. Kue hwom azünüi ilaxle hwom achuak-achenüi.


Ikoxlechu kue nang janzüi bama tsaingaoüi; chizakkya nang mongkün bama nopfo to ku akhongle tsai ngaoüi. Nang a ku hanpakma khangkhom angkya onui ang jao ngole hüi, sikngün apong pongma ku zak-zui angkya lox-o a.


Thangnak apong pongma ku selax; kue nang khosünüi, ilaxle nange ku achuaküi.”


Wanghompa ang tüle mongmüi ilaxle ija tswomkha tokya Danel alai angkya hanpakma kax kox. Hwome chix dokle alai ikoxle chix to makman ojao chibang, chemthüikoxle chixe Zang to mongong thomkoxle.


Ikhama keme Zang chemle chiadu tsuakkya hex tamchu chemle chingchae awangkya hex ija ngün ang kople. Opang dütle ngoün laxpuix hwom füi chix münadutsuak, ikoxlechu hünzom chix chingcha ma jangngo thüiningle chixe hünzom to chingchaüi. Ikoxle hünzom chuwüi ile chitüi thüiningle punle awütüi.


Asiria nok süpahi lompabu hia süpahibu mik amüt angkya hanpakma Jowanpae kaxtaimix ahüi. Ikhoma chongwangpa a mong atho laxle Asiria nok to chat. Nyixta chix a chix baozang to shwomkya nui ma ngole tüikya, chix sasün hwomkha angkya züizüie chix a changlobu füi lang.


Chixe Zang to ongle; chix ma Zang jangtüi thüiningle chixe naxazün koxa; chemthüikoxle chixe ma Zang Hosa changpule akaxle.”


Ija ma kue hwom ang ngaile akaxüi: ‘Kue hünzom otuechu müntsing tox; hünzom a owa mwot mokle ngokyabu changkya? Hünzom ku ha angkya atsaiün!’


Hwome Jowanpa achuakle chatchatnaole ija tsai ngao: “Jowanpa a müikya changle, ilaxle Israel tokya chix mongkün ma oshuk müntüi.” Pangnusa wüi mae tsuakkyapong le akhong, Jowanpa achuak, chemthüikoxle Zangshwom-Hom zai angkya mwot owang wangle hüidaoa.


Kwom tsak-zong chak tokya Jowanpae hünzom khosünle kop angkya changpule Hezekiah-e hünzom hama akaxle, ikoxle Hezekiah-e hünzom dyenle ngowüi, hünzom a woknuak hia tilan ma zi angkya changle.


Chix ma khünak janzüi tüiwüi, ikoxle kem ang a, kem hanpakma azan angkya Jowanpa, kem Zang tüipu.” Hwom wanghompa-e pünzün-wangsaikya kax ibu atatlaxle khünaknu ang mongchong.


Hwome Zang to mongong thom ilaxle asun angkya hanpakma chix to zangjop, ilaxle Zang-e hwom zangjop to lan ilaxle Hagri nok hia ija füikya zankat üitho pangwüi to hwom ang lüt ang kox.


Nang sikngün ma ngopongma Jowanpa nang to naxlanfa! Jakop Zang-e nang ziakople naxthomfa!


Jowanpa otsao khünakbu khosünle kople üntoxle thangnak hüipongma chixe hwom kho-awale kople.


Chixe hwom to fongle üntoxle hwom azünle; chichang-chizangkya khünakbu chak tokya chixe hwom khosünle kople, chemthüikoxle khosün lomle hwom chix hato nguile.


Jowanpa, nang a ku kho-awakya tamchu ku ang tsak-zong koxkya Zang changpu; kue sikngün apongle changpongma nange ku to asun. Haxtua-zangnam tokhange jat-li pangwüi nang hato nguiüi ilaxle thüiüi: “Kwom pupa hwom ang othai baozang, laxli chitüikya chapabu boma chemchu müntüidaoa.


Ku zongto shix-male taxchang; thangnak hüipongma nang a ku khangkho sün nui changpu.


“Ku, Jowanpa, Israel nok Zang, kuepi Babilon nok to kople paodaokya khünakbu a ija müikya fupsabu ningle changpu, ilaxle kue hwom to chingcha füi hupu.


Zaion Haxnu makhange Jowanpa akhongle; Jerusalem makhange chix kaxzing atsak-adungle; zangding hia chaxwannu abünle. Ikoxlechu chixe chix khünaknu kho awaüi.


Kue ikhama somdangkya hia hixkya ang achang tsuakkya khünak opang ku hato fong angkya lomle nguipuix, ibu thomüi.


Ile Judah khünaknue Israel nok to lüt, chemthüikoxle hwome, hwom pupa hwom Zang, Jowanpa to mongong thom.


Jowanpa, opange nang awanle tüipuix, hwome nang to mongong tüiüi; nang hato nguikya khünak owachu nange chilaxle taxüi.


Idaile chaxwannuchu kangnax aloxkox, haxnubuchu molo tinu jithong to naxdütkox,


Jowanpa to achuak-achenle tüikya hünzom pangwüi ilaxle chix dapa kax ma laxle tüikyabu, hünzom lekya lomtang a zangnak tukle chang koxlax, ikoxlechu Jowanpa to mongong thomlax, Zang to chalom lax.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ