NAHUM 1:6 - OTSAO BAIBEL (BSI)

⁶ Chemtue chix mongtsikpuix, ozün ma owa ngothoüi? Khompua-atsikkya chix mongtsik chak tokya owa azang thoüi? Chixe wünle ningkya chix mongtsik thokle adüt; chix tunthoma longnubu haxbu ang achangle akhix.

NAHUM 1:6 ပူးပေါင်းရင်းမြစ်များ

JEREMIA 10:10

Ikoxle Jowanpa, nang a Zang tsingtsing changle, nang a khüzün Zang changle ilaxle oshuk chitüikya wanghom changle. Chemtue nang mongtsikle changpuix, chaxwannu aloxle; chaxwannu angkya jatlibue nang mongtsik adu ang müntho. (

MALAKI 3:2

Ikoxle chix nguikya nyi owae adule thoüi? Chix ngai pongma ozün ma owa ngoüi? Chix a tuita tsakkya sabon ningle, tamchu tu-hi-khop achukle atsaokya wün ningle changüi.

NAHUM 1:2

Jowanpae Khüthak Zang-e chix zan to kale changkya chemchu adu ang müntho; chix füi apüile tüikya mix to chixe sikngün ang tomle. Ibu to chixe mongtsik füi olüix khomle.

MÜNCHUAK-TSAI 76:7

Ikoxle Jowanpa, nang thua a pangnusa wüi zale. Nang ngwotnui ma owachu ajong ang chitho, nang mongtsikle changpongma a.

EZEKEL 30:16

Kue Ijip nok to wün langüi, ilaxle Pelusiam a khosam ashukle ngoüi. Thebe tingnu katukbu atsunüi, ilaxle tingnu ma tinu-mualyem le chang ang tomüi.

MANGSOP 4:11

Jowanpae chix mongtsik janzüi khak-kha atsok; chixe Zaion ma wüntak laxle ija labu ang achangle zokle ashun.

MANGSOP 2:4

Zanpa to zipupule chixe chix sanhap kem to zi; Chempang kem mongmüi hia mongtex changkya hex ibu pangwüi chixe lang. Ija Jerusalem ma keme chix mongtsike zokkya okham awanle lax.

ISAIA 27:4

Athaxpi ku a grep haxtok füi mongtsikkya müntüiüi. Ija to pox ang hux hia kongbüi zubu jangtüi, kue ibu komkaile zokle ashunüi.

ISAIA 10:16

Jowanpa Khüthak Zang-e, athaxpongma wokfwot tilan müile ngokyabu to sikangün angkya hanpakma okak-olak ahüi angkya changle. Hwom tsangtsa ma chizakle zokle ashun ngokya wün tüingo angkya changle.

MÜNCHUAK-TSAI 90:11

Nang mongtsik komkaile owae apongle laxdao? Nang shix-makya thuazale chang koxle chem ahüiüihex owae tsingle ngo?

MÜNCHUAK-TSAI 2:12

ilaxle chix chitong ma akhuxlax; chichangthüiba chix mongtsik a lebama wüi alaiüi, ilaxle nang allele ziüi. Ma kho awa ang chix hato nguikyabu pangwüi mohiman.

1 WANGHOMBU 19:11

“Lailax ilaxle Haxnukho to ku tunthoma ajonglax”, le Jowanpae chix ang thüi. Ifüima Jowanpa le le haxnubu afi ilaxle longnubu akhixle chang ang tom. Ikoxle ija zangwin ma Jowanpa a chitüikya. Zangwine jepkya zak ilaxle ifüima bütix-si.

MIKNGÜN-OHÜN 16:8

Ifüima ali lükya kaxtaimixe chix khong zanghan thün ma thok, üntoxle ija tüle khamkya füi khünaknu zokle ashun ang tom.

MIKNGÜN-OHÜN 16:1

Kaxtaimix anüt füi zangshwom-hom tokhange akaxkya kaxzing kue ile atat: “Paolax üntoxle ibu Zang mongtsik khongbu chaxwannu to thokkox!”

MIKNGÜN-OHÜN 6:17

Chemthüikoxle hwom mongtsik chongkya nyix hüile ngole, üntoxle ija mongtsik thüntho ma ajong ngo ang owae thoüi?”

JOB LAIPEX 40:11

Opang ngampuix ibu to hule anohu; nang mongtsik adanglax üntoxle ibu ahixkya ang achanglax.

MÜNCHUAK-TSAI 130:3

Nange kwom ochaxbu akiakle thomkoxle, thaikya chitüile azangtsuak angkya mix owa bangüi?

ISAIA 13:13

Kue zangdingkhobu abün ang tomüi, ilaxle Jowanpa khüthak Zang, kue chemtue ku mongtsik ahole changüihex, chaxwannu a ma nui-ting angkya aloxle changüi.

ISAIA 66:15

Jowanpa a wün füi hüiüi. Chix a zangchei ozang ma piüi ilaxle chix ang mongtsikkyabu to sikangünüi.

EZEKEL 7:8

“Athax janbama wüi hünzome ku mongtsik janzüie pokya awanle hüiüi. Hünzome chem mokdaopuix ija bama kue hünzom ang kaxfün fale ngopu, ilaxle hünzome mokkya zakkop mwot hanpakma kue hünzom to olüix khomüi.

EZEKEL 21:31

Kue ija wünkhix ningle hünzom khangkho ma danle apaokya zuma hünzome ku mongtsike pokya awanle laxüi. Ilaxle kue hünzom a, tuikhex chitüikya khünakbu, thama adün ang ataxle awan ngokyabu chak to kox angkya changle.

EZEKEL 39:6

Kue Magog haxtok hia tinu kax achole tüikya onokbu, ojong khato khünaknu owaechu chipox-chino le ngopuix, ikhato wüi laile changüi, ilaxle noknusa ang ku a Jowanpa changpule tsing ang tomüi.

ZEFANIA 2:2

zangwin to tsaxfa ningle pikle pao thoto, Jowanpa mongtsik wünchua nang hato mahüi tanto, chixe chix chabüt-lasün ahole changüi hanpak thoto.

MALAKI 4:1

Jowanpae akax: “Ongam hia ochax khünakbu tsaxsa zokle ashun pupu le zokle ashun angkya hanpak nguile hüingole. Ija nyix hwom a zokle ashunüi, ilaxle hwom owachu atale chitoxüi.

JOB LAIPEX 9:5

Kax chikoxngo homle chixe haxnubu apaole, mongtsik füi chixe ibu atsunle.

JOB LAIPEX 26:11

Zangding nwonle thuathomkya thongnubu azale changpongma, Ibu pangwüi chix thua zakyae abün.

MÜNCHUAK-TSAI 76:8

Zangkangting tokhange nange nang kaxfün tsingle lax ang tom; chaxwannu a zalaxle dangle ngo,

ISAIA 33:14

Zaion angkya ochax khünakbu a zale abün ngole. Hwome thüile: “Zang kaxfün a othuithuima zokle ngokya wünchua ningle changle. Kem kha angkya owawae iningkya wünkham adu ang tho angchami?”

MANGSOP 2:3

Chix mongtsiktsik ma chixe Israel nok janzüi thule asumdaoa; Zan hüikya tuk ma chixe kwom to münfongle angam. Pangnusa amütle wün lailaile chix ang kem füi mongtsik.